പാലാരിവട്ടം പാലം അഴിമതി: ടെന്ഡര് മുതല് അഴിമതിയെന്ന് വിജിലന്സ്
കേരളം: (www.evisionnews.co) പാലാരിവട്ടം പാലം അഴിമതി കേസില് കരാറുകാരന് വായ്പ അനുവദിച്ച ഉത്തരവില് ഒപ്പിട്ട എല്ലാ ഉദ്യോഗസ്ഥരേയും പ്രതികളാക്കി. പൊതുമരാമത്ത് വകുപ്പിലെ ഉന്നത ഉദ്യോഗസ്ഥരെയാണ് പ്രതി ചേര്ത്തിരിക്കുന്നത്.
സ്പെഷ്യല് സെക്രട്ടറി കെ സോമരാജന്, അണ്ടര് സെക്രട്ടറി ലതാകുമാരി, അഡീഷണല് സെക്രട്ടറി സണ്ണി ജോണ്, ഡെപ്യൂട്ടി സെക്രട്ടറി പി.എസ് രാജേഷ് എന്നിവരെയാണ് പ്രതികളാക്കിയത്. കിറ്റ്കോയുടെ രണ്ട് ഉദ്യോഗസ്ഥര് കൂടി അഴിമതി കേസില് പ്രതി ചേര്ത്തു. എഞ്ചിനീയര് എ.എച്ച് ഭാമ, കണ്സല്ട്ടന്റ് ജി സന്തോഷ് എന്നിവരെയാണ് പ്രതി ചേര്ത്തത്. ഇതോടെ കേസിലെ മൊത്തം പ്രതികള് പതിനേഴായി.
പാലാരിവട്ടം മേല്പാലം നിര്മാണത്തിലെ അഴിമതി 3 ഘട്ടങ്ങളിലായി ആസൂത്രണത്തോടെ നടപ്പാക്കിയതാണെന്നു വിജിലന്സ് കോടതിയില് ബോധിപ്പിച്ചു. കരാര് ഏജന്സിയെ തിരഞ്ഞെടുത്തതു മുതല് മൊബിലൈസേഷന് ഫണ്ട് അനുവദിക്കുന്നതു വരെയുള്ള എല്ലാ കാര്യങ്ങളും പൊതുമരാമത്ത് മന്ത്രിയായിരുന്ന വി.കെ. ഇബ്രാഹിംകുഞ്ഞ് അറിഞ്ഞിരുന്നുവെന്നും വിജിലന്സ് കോടതിയില് ബോധിപ്പിച്ചു
പാലാരിവട്ടം പാലം അഴിമതിയുമായി ബന്ധപ്പെട്ട കേസില് ബുധനാഴ്ച ഇബ്രാഹിം കുഞ്ഞിനെ വിജിലന്സ് അറസ്റ്റ് ചെയ്തിരുന്നു. കൊച്ചി ലേക് ഷോര് ആശുപത്രിയില് വെച്ചാണ് ഇബ്രാഹിംകുഞ്ഞിനെ അറസ്റ്റ് ചെയ്തത്. കേസില് അഞ്ചാം പ്രതിയാണ് ഇബ്രാഹിംകുഞ്ഞ്.
Powered by Info News For You
Comments
Post a Comment