ട്രാന്സ്ജെന്ഡര് സജ്ന ഷാജിയെ അധിക്ഷേപിച്ച സംഭവത്തില് ഒരാള് അറസ്റ്റില്
കൊച്ചി: (www.kvartha.com 14.10.2020) ട്രാന്സ്ജെന്ഡര് സജ്ന ഷാജിയെ അധിക്ഷേപിച്ച സംഭവത്തില് ഒരാള് അറസ്റ്റില്. എരൂര് സ്വദേശിയായ സമീപത്തെ കച്ചവടക്കാരനെയാണ് പൊലീസ് അറസ്റ്റ് ചെയ്തത്. ബിരിയാണി കച്ചവടം നടത്താന് തന്നെ ഒരു വിഭാഗം കച്ചവടക്കാര് അനുവദിക്കുന്നില്ലെന്നും കൂടെയുണ്ടായിരുന്ന ട്രാന്സ്ജെന്ഡറിനെ ആക്രമിച്ചുവെന്നും ഇതുമൂലം കച്ചവടം നടത്താനാകുന്നില്ലെന്നും സജ്ന ഷാജി കഴിഞ്ഞ ദിവസം ഫെയ്സ്ബുക്ക് ലൈവില് പറഞ്ഞത്.
ആവശ്യമായ എല്ലാ ഔദ്യോഗികാനുമതിയോടും ലൈസന്സോടും കൂടിയാണ് സജ്ന കച്ചവടം നടത്തുന്നത്. ഇക്കാര്യം സംബന്ധിച്ച് പൊലീസില് പരാതി ബോധിപ്പിച്ചുവെങ്കിലും അവരില് നിന്ന് സഹായമൊന്നും ലഭിച്ചില്ലെന്നും സജ്ന ലൈവ് വീഡിയോയിലൂടെ പറയുന്നു. വില്പനയ്ക്കായി തയ്യാറാക്കിയ ബിരിയാണിപ്പൊതികള് വിറ്റഴിക്കാനാകാതെ നഷ്ടം സഹിച്ച് തിരിച്ച് വീട്ടിലെത്തിച്ചിരിക്കുന്നതും വീഡിയോയില് കാണാം. എറണാകുളം ഇരുമ്പനത്തായിരുന്നു സജ്ന ബിരിയാണി വില്പന നടത്തിയിരുന്നത്.
സംഭവം വിവാദമായതോടെ വിഷയത്തില് മന്ത്രി കെ കെ ശൈലജ ഇടപെട്ടതോടെയാണ് പൊലീസ് നടപടിയെടുത്തത്. എരൂര് സ്വദേശി ഗിരീഷിനെയാണ് അറസ്റ്റ് ചെയ്തത്. സജ്നയ്ക്ക് പിന്തുണയുമായി സര്ക്കാര് തലത്തിലുള്പ്പെടെ നിരവധി പേരാണ് രംഗത്ത് എത്തുന്നത്. സാമൂഹ്യനീതി വകുപ്പ് വനിത വികസന കോര്പറേഷന് മുഖേന വില്പ്പന കേന്ദ്രം ഒരുക്കുന്നതിനായി സാമ്പത്തിക സഹായം നല്കാന് തീരുമാനമായിട്ടുണ്ട്. സജ്നയ്ക്ക് ബിരിയാണിക്കട തുടങ്ങാന് നടന് ജയസൂര്യയും സാമ്പത്തിക സഹായം നല്കുമെന്ന് അറിയിച്ചിട്ടുണ്ട്.
Keywords: Kochi, News, Kerala, Arrest, Arrested, Police, Minister, KK Shailaja, Actor, Jayasurya, One arrested for insulted transgender Sajna Shaji
Powered by Info News For You
Comments
Post a Comment