വീട്ടിലേക്ക് മടങ്ങിയ യുവ ബിസ്സിനസ്സുകാരനെ തടഞ്ഞുനിര്ത്തി 11 ലക്ഷം രൂപ കൊള്ളയടിച്ച ശേഷം കാറിലിട്ട് ചുട്ടുകൊന്നു
ഹിസാര്: (https://ift.tt/3lsBqpN) ഹരിയാനയിലെ ഹിസാര് ജില്ലയില് വീട്ടിലേക്ക് മടങ്ങിയ യുവ ബിസ്സിനസ്സുകാരനെ തടഞ്ഞുനിര്ത്തി കൊള്ളയടിച്ച ശേഷം ചുട്ടു കൊന്നു. ചൊവ്വാഴ്ച രാത്രി ഹാന്സി പ്രദേശത്താണ് സംഭവം. 35 വയസ്സുള്ള ബിസ്സിനസ്സുകാരനെ തടഞ്ഞുനിര്ത്തി 11 ലക്ഷം രൂപ കൊള്ളയടിച്ച ശേഷം കത്തിച്ചു കൊന്നെന്നാണ് പോലീസ് പറഞ്ഞത്. ബര്വാലയില് ഡിസ്പോസിബിള് കപ്പുകളുടെയും പ്ലേറ്റുകളുടെയും ഫാക്ടറി ഉടമയായ മെഹര് ബാങ്കില് നിന്ന് 11 ലക്ഷം രൂപ പിന്വലിച്ച ശേഷം ഹിസാറില് നിന്ന് ഗ്രാമത്തിലേക്ക് മടങ്ങിവരുമ്പോഴായിരുന്നു ആക്രമണം.
ഹന്സിയിലെ ഭട്ല-ഡാറ്റാ റോഡിലെ താമസക്കാരനായ രാം മെഹര് കാറില് വീട്ടിലേക്ക് മടങ്ങുന്നതിനിടെ അക്രമികള് ഇയാളെ തടഞ്ഞ് കൊള്ളയടിക്കുകയും കാറില് പൂട്ടിയിട്ട് തീ കൊളുത്തുകയായിരുന്നു. വാഹനത്തിന്റെ നമ്പര് പ്ലേറ്റ് നോക്കിയാണ് മരിച്ചയാളുടെ വീട്ടുകാരെ പോലീസ് വിവരമറിയിച്ചത്. പോലീസ് സ്ഥലത്തെത്തിയപ്പോള് കത്തിക്കരിഞ്ഞ നിലയിലായിരുന്നു മൃതദേഹം.
അജ്ഞാതര്ക്കെതിരെ കേസ് രജിസ്റ്റര് ചെയ്തിട്ടുണ്ടെന്നും കുറ്റവാളികളെ കണ്ടെത്താന് പ്രദേശത്തെ സിസിടിവി ദൃശ്യങ്ങള് പരിശോധിക്കുന്നുണ്ടെന്നും ഹന്സി പോലീസ് വക്താവ് സുഭാഷ് പറഞ്ഞു.
സംഭവത്തില് ബിജെപിയുടെ നേതൃത്വത്തിലുള്ള സര്ക്കാരിനെ വിമര്ശിച്ച് കോണ്ഗ്രസ് പാര്ട്ടി മുഖ്യ വക്താവ് രണ്ദീപ് സിംഗ് സുര്ജേവാല പറഞ്ഞു, സ്വതന്ത്രമായി ഓടിക്കൊണ്ടിരിക്കുന്ന ഹരിയാനയില് കുറ്റവാളികള്ക്ക് ജംഗിള് രാജ് നിലനില്ക്കുന്നു. ബിസിനസുകാരനെ റോഡിന് നടുവില് കൊള്ളയടിക്കുകയും പിന്നീട് കത്തിക്കുകയും ചെയ്തത് ഞെട്ടിപ്പിക്കുന്നതാണെന്നും അദ്ദേഹം പറഞ്ഞു.
Powered by Info News For You

Comments
Post a Comment