ഒരു മുടിനാരിഴപോലും തെറ്റ് ചെയ്തിട്ടില്ലെന്ന ഉത്തമബോധ്യം ഉണ്ട്, എതിരാളികള്ക്ക് എന്നെ കൊല്ലാന് കഴിഞ്ഞേക്കും പക്ഷെ, ഒരിക്കലും തോല്പ്പിക്കാന് കഴിയില്ല; കെ ടി ജലീല്
തിരുവനന്തപുരം: (https://ift.tt/2FIkoo9) എന്ഫോഴ്സ്മെന്റ് ഡയറക്ടറേറ്റും ദേശീയ അന്വേഷണ ഏജന്സിയും ചോദ്യം ചെയ്തതിനെ തുടര്ന്ന് മന്ത്രി കെ ടി ജലീലിന്റെ രാജി ആവശ്യപ്പെട്ട് കേരളം മുഴുവന് പ്രതിഷേധം ശക്തമാകുന്നതിനിടയില് തെററ് ചെയ്യാത്ത തനിക്ക് ആരേയും പേടിക്കാനില്ലെന്ന വിശദീകരണവുമായി മന്ത്രി രംഗത്തെത്തി. ഒരു മുടിനാരിഴ പോലും തെറ്റ് ചെയ്തിട്ടില്ലെന്ന ഉത്തമബോധ്യം ഉണ്ട് അതുകൊണ്ടാണ് ആരേയും കൂസാതെ മുന്നോട്ടുപോകാന് കഴിയുന്നതെന്ന് മന്ത്രി ഫേസ്ബുക്കിലൂടെ വ്യക്തമാക്കി.
ഒരു വാഹനമോ ഒരു പവന് സ്വര്ണ്ണമോ കൈവശമില്ലാത്ത ഒരു പൊതുപ്രവര്ത്തകന് പടച്ചതമ്പുരാനെയല്ലാതെ മറ്റാരെ ഭയപ്പെടാന് എന്നാണ് അദ്ദേഹത്തിന്റെ ചോദ്യം. എതിരാളികള്ക്ക് എന്നെ കൊല്ലാന് കഴിഞ്ഞേക്കും. പക്ഷെ, ഒരിക്കലും തോല്പ്പിക്കാന് കഴിയില്ലെന്നും ഏതന്വേഷണ ഏജന്സി കാര്യങ്ങള് ചോദിച്ചാലും ഇല്ലാത്ത ഒന്ന് ഉണ്ടാവില്ലെന്നും ഫേസ്ബുക്കില് എഴുതിയ കുറിപ്പില് ജലീല് വ്യക്തമാക്കുന്നു.
ഫേസ്ബുക്ക് കുറിപ്പിന്റെ പൂര്ണരൂപം,
ഏതന്വേഷണ ഏജന്സി കാര്യങ്ങള് ചോദിച്ചാലും ഇല്ലാത്ത ഒന്ന് ഉണ്ടാവില്ല. ഒരു മുടിനാരിഴപോലും തെറ്റ് ചെയ്തിട്ടില്ലെന്ന ഉത്തമബോദ്ധ്യം ഉള്ളത് കൊണ്ടാണ് ആരെയും ലവലേശം കൂസാതെ മുന്നോട്ടു പോകാന് കഴിയുന്നത്. എന്നെ അപായപ്പെടുത്താന് കലാപകാരികള്ക്ക് എന്റെ ചലനങ്ങളും യാത്രക്കിടെ എത്തുന്ന സ്ഥലവും താമസിക്കുന്ന ഇടവും തല്സമയം വിവരം നല്കുന്ന മീഡിയാ സുഹൃത്തുക്കളോട് എനിക്ക് സഹതാപമേ ഉള്ളൂ.
എന് ഐ എ, സിആര് പി സി 160 പ്രകാരം 'നോട്ടീസ് റ്റു വിറ്റ്നസ്' ആയി വിസ്തരിക്കാന് വിളിച്ചതിനെ, തൂക്കിലേറ്റാന് വിധിക്കുന്നതിന് മുമ്പ് 'നിങ്ങള്ക്ക് അവസാനമായി എന്തെങ്കിലും പറയാനുണ്ടോ' എന്ന് ചോദിക്കാനാണെന്ന മട്ടിലാണ് ചിലര് പ്രചരിപ്പിച്ചത്. എന് ഐ എയുടെ നോട്ടീസിന്റെ പകര്പ്പ് രാത്രി എട്ടുമണിയോടെ പുറത്തുവന്നപ്പോള് ദുഷ്പ്രചാരകര് കളം മാറ്റിച്ചവിട്ടി.
ഒരാളെയും കൂസാതെ സധൈര്യം എനിക്ക് മുന്നോട്ടു പോകാന് കഴിയുന്നത് ഒളിച്ചു വെക്കാന് ഒന്നുമില്ലാത്തത് കൊണ്ടുതന്നെയാണ്. ഈ ഭൂമുഖത്ത് അകെ പത്തൊന്പതര സെന്റ് സ്ഥലവും ഒരു വീടും, എനിക്കും ഭാര്യക്കും ലഭിച്ച ശമ്പളത്തിലെ ചെലവു കഴിഞ്ഞുള്ള ശേഷിപ്പുമല്ലാതെ മറ്റൊന്നും ബാങ്ക് അക്കൗണ്ടുകളില് പോലും സമ്പാദ്യമായി ഇല്ലാത്ത ഒരാള്ക്ക് ആരെ പേടിക്കാന്?
ഏതന്വേഷണ ഏജൻസി കാര്യങ്ങൾ ചോദിച്ചാലും ഇല്ലാത്ത ഒന്ന് ഉണ്ടാവില്ല. ഒരു മുടിനാരിഴപോലും തെറ്റ് ചെയ്തിട്ടില്ലെന്ന...
Posted by Dr KT Jaleel on Thursday, 17 September 2020
ഒരു വാഹനമോ ഒരു പവന് സ്വര്ണ്ണമോ കൈവശമില്ലാത്ത ഒരു പൊതുപ്രവര്ത്തകന് പടച്ചതമ്പുരാനെയല്ലാതെ മറ്റാരെ ഭയപ്പെടാന്? എന്റെ എതിരാളികള്ക്ക് എന്നെ കൊല്ലാന് കഴിഞ്ഞേക്കും. പക്ഷെ, ഒരിക്കലും തോല്പ്പിക്കാന് കഴിയില്ല.
Powered by Info News For You
Comments
Post a Comment