88 ലക്ഷം കുടുംബങ്ങള്ക്ക് അടുത്ത നാലു മാസവും സൗജന്യ ഭക്ഷ്യ കിറ്റ്: ഉത്തരവ് പുറത്തിറക്കി
കേരളം (www.evisionnews.co): കോവിഡ് പശ്ചാത്തലത്തില് സംസ്ഥാനത്തെ 88 ലക്ഷം കുടുംബങ്ങള്ക്ക് അടുത്ത നാല് മാസവും സൗജന്യ ഭക്ഷ്യധാന്യക്കിറ്റ് നല്കുന്നതിനുള്ള ഉത്തരവ് സര്ക്കാര് പുറത്തിറക്കി. എട്ടിനം ഭക്ഷ്യധാന്യങ്ങളാണ് സര്ക്കാര് സൗജന്യമായി ജനങ്ങള്ക്ക് നല്കുന്നത്. സംസ്ഥാന സര്ക്കാരിന്റെ നൂറു ദിവസങ്ങള്ക്കുള്ളില് നടപ്പാക്കുന്ന നൂറു പദ്ധതികളില് ഏറ്റവും പ്രധാനപ്പെട്ട ഒന്നാണ് സൗജന്യ ഭക്ഷ്യധാന്യക്കിറ്റ് വിതരണം.
കോവിഡ് 19 മഹാമാരിക്കാലത്ത് ലോക്ഡൗണ് സൃഷ്ടിച്ച ദുരിതത്തെ മറികടക്കാനാണ് സര്ക്കാര് സൗജന്യ ഭക്ഷ്യധാന്യക്കിറ്റ് വിതരണം തീരുമാനിച്ചത്. ലോക് ഡൗണ് കാലത്ത് ആരും പട്ടിണി കിടക്കാന് ഇടവരരുത് എന്ന ദൃഢനിശ്ചയമാണ് സര്ക്കാരിനെ ഇത്തരമൊരു തീരുമാനത്തിലേക്ക് പ്രേരിപ്പിച്ചത്. കോവിഡ് 19 തീര്ക്കുന്ന ദുരിതം തുടരുന്ന സാഹചര്യത്തില് നമ്മുടെ ജനതയെ താങ്ങി നിര്ത്താന് നാലു മാസത്തേക്ക് കൂടി ഭക്ഷ്യധാന്യക്കിറ്റ് വിതരണം ചെയ്യാന് തീരുമാനിക്കുകയായിരുന്നു.
Powered by Info News For You
Comments
Post a Comment