വണ്പ്ലസിന്റെ 8 ടി 5ജി സ്മാര്ട്ട്ഫോണ് ഇന്ത്യയില് വിപണിയിലെത്തുമെന്ന് സൂചന; വില്പ്പനയ്ക്ക് മുന്നോടിയായി ആമസോണ് പ്ലാറ്റ്ഫോമില് ലിസ്റ്റുചെയ്തു
ന്യൂയോര്ക്ക്: (https://ift.tt/2HeGsqS) ദീപാവലിയോടനുബന്ധിച്ചത് വണ്പ്ലസ് 8 ടി 5ജി ഇന്ത്യയില് ലോഞ്ച് ചെയ്യുന്നതിനെക്കുറിച്ചുള്ള അഭ്യൂഹങ്ങള് പരക്കവെ, സൂചനകള് സത്യമാകുന്നതായി പുതിയ റിപോര്ട്ട്.
ഔദ്യോഗിക സ്ഥിരീകരണമുണ്ടായിട്ടില്ലെങ്കിലും ആമസോണുമായി സഹകരിച്ച് വില്പ്പന ആരംഭിക്കുന്നതിന് മുന്നോടിയായി പ്ലാറ്റ്ഫോമില് ഇത് ലിസ്റ്റുചെയ്തു. ഒക്ടോബര് 14 ന് വണ്പ്ലസിനെ ഇന്ത്യയില് എത്തിച്ചേക്കും എന്നാണ് ടീസറുകള് സൂചിപ്പിക്കുന്നത്.
എന്നാല് ആദ്യം ഇന്ത്യയില് ലോഞ്ച് ചെയ്യാമെന്ന സൂചനയുമായി വണ്പ്ലസ് 8 ടി യുടെ പ്രൊമോഷനുകള് ഇന്ത്യയില് വരുന്നുണ്ട്. റിപോര്ട്ടുകള് പ്രകാരം, 8 ജിബി റാം, 128 ജിബി സ്റ്റോറേജ്, സ്നാപ്ഡ്രാഗണ് 865+ പ്രോസസറുമായി ചേര്ത്ത ഫോണിന് ശക്തമായ ഹാര്ഡ്വെയര് പിന്തുണയാണുള്ളത്. വണ്പ്ലസ് 8 ല് മുമ്പ് കണ്ട അതേ പാനലിനൊപ്പം ഫോണ് വരുമെന്ന സൂചനകളും ഉണ്ട്, പക്ഷേ ചെറിയ ട്വിസ്റ്റോടെ. അതുപോലെ, 90 ഹെര്ട്സ് വേഗതയില് 120 ഹെര്ട്സ് റിഫ്രഷ് റേറ്റില് 6.55 ഇഞ്ച് അമോലെഡ് പാനലില് പ്രവര്ത്തിക്കും. ബാറ്ററി വിഭാഗത്തില്, 65 വാട്ട് ഫാസ്റ്റ് ചാര്ജിംഗിനുള്ള പിന്തുണയോടെ 4500 എംഎഎച്ച് ബാറ്ററിയാണ് വണ്പ്ലസ് 8 ടിയില് പ്രതീക്ഷിക്കുന്നത്.
പിന് സജ്ജീകരണത്തെ സംബന്ധിച്ചിടത്തോളം, 48 മെഗാപിക്സലിന്റെ പ്രധാന സെന്സറുള്ള ഒരു ക്വാഡ് ക്യാമറ സജ്ജീകരണവും 16 മെഗാപിക്സല് അള്ട്രാവൈഡും 5 മെഗാപിക്സല് മാക്രോയും 2 മെഗാപിക്സല് ഡെപ്ത് സെന്സറും ഉണ്ടായിരിക്കും. പ്രധാന ക്യാമറകള് ഒന്നുതന്നെയാണെങ്കിലും, വലിയ മാറ്റം മാക്രോ ലെന്സിന്റെ കൂട്ടിച്ചേര്ക്കലാണ്. കൂടാതെ, പ്രാഥമിക 48 മെഗാപിക്സല് ലെന്സില് ചിത്രത്തിന്റെ ഗുണനിലവാരം മെച്ചപ്പെടുത്തുന്നതിന് വണ്പ്ലസ് ഒരു പുതിയ ഇമേജിംഗ് സെന്സര് ഉപയോഗിക്കുമെന്നാണ് റിപോര്ട്ടിലെ അവകാശവാദം.
Powered by Info News For You
Comments
Post a Comment