ശുചിത്വമിഷന് പ്രവര്ത്തനങ്ങളില് ഡെപ്യൂട്ടേഷന് നിയമനത്തിന് അപേക്ഷ ക്ഷണിച്ചു; അവസാന തീയതി സെപ്റ്റംബര് 30
തിരുവനന്തപുരം: (https://ift.tt/330t3Ke) ശുചിത്വമിഷന് പ്രവര്ത്തനങ്ങളില് ഡെപ്യൂട്ടേഷന് നിയമനത്തിന് അപേക്ഷ ക്ഷണിച്ചു. തദ്ദേശസ്വയംഭരണ വകുപ്പിന്റെ കീഴിലുളള ജില്ലാ ശുചിത്വമിഷനുകളില് അസിസ്റ്റന്റ് ജില്ലാ കോ-ഓര്ഡിനേറ്റര് തസ്തികകളില് ശുചിത്വമിഷന് പ്രവര്ത്തനങ്ങളില് താത്പര്യമുളള ജീവനക്കാരില് നിന്നുമാണ് ഡെപ്യൂട്ടേഷന് നിയമനത്തിന് അപേക്ഷ ക്ഷണിച്ചത്.
അസിസ്റ്റന്റ് ജില്ലാ കോ-ഓര്ഡിനേറ്റര് (സോളിഡ് വേസ്റ്റ് മാനേജ്മെന്റ്) തസ്തികയില് അപേക്ഷിക്കുന്നവര് 35700-65400 ശമ്പള സ്കെയിലില് സംസ്ഥാന സര്ക്കാര് സര്വീസില് ജോലിചെയ്യുന്നവരും സയന്സ് ബിരുദധാരികളോ, സിവില് എന്ജിനിയറിങ് ഡിപ്ലോമ/ബിരുദധാരികളോ ആയിരിക്കണം. അസിസ്റ്റന്റ് കോ-ഓര്ഡിനേറ്റര് (ഐ.ഇ.സി) തസ്തികയില് അപേക്ഷിക്കുന്നവര് 27,800-59,400 എന്ന ശമ്പള സ്കെയില് ജോലിചെയ്യുന്നവരും, വിവര വിജ്ഞാന വ്യാപന പ്രവര്ത്തന മേഖലയില് താത്പര്യമുളളവരുമാകണം.
കൊല്ലം, ആലപ്പുഴ, എറണാകുളം, ഇടുക്കി, പാലക്കാട്, മലപ്പുറം, വയനാട് എന്നീ ജില്ലകളില് അസിസ്റ്റന്റ് ജില്ലാ കോ-ഓര്ഡിനേറ്ററുടെ (ഐ ഇ സി) ഓരോ ഒഴിവിലേക്കും എറണാകുളം, ഇടുക്കി, മലപ്പുറം, കോഴിക്കോട്, കാസര്കോട് ജില്ലകളില് അസിസ്റ്റന്റ് ജില്ലാ കോ-ഓര്ഡിനേറ്ററുടെ (സോളിഡ് വേസ്റ്റ് മാനേജ്മെന്റ്) ഓരോ ഒഴിവിലേക്കുമാണ് അപേക്ഷ ക്ഷണിച്ചിട്ടുളളത്.
താത്പര്യമുളളവര് നിലവിലെ വകുപ്പ് മേധാവിയുടെ നിരാക്ഷേപ പത്രം സഹിതം 30ന് മുമ്പ് എക്സിക്യൂട്ടീവ് ഡയറക്ടര്, സംസ്ഥാന ശുചിത്വമിഷന്, സ്വരാജ് ഭവന്, നന്തന്കോട്, കവടിയാര് പി ഒ, തിരുവനന്തപുരം-695003 എന്ന വിലാസത്തില് ലഭ്യമാകും വിധം നേരിട്ടോ, തപാലിലോ സമര്പ്പിക്കണം. വിശദവിവരങ്ങള് https://ift.tt/2rtaYnp ല് ലഭിക്കും.
Powered by Info News For You

Comments
Post a Comment