യുക്രെയിനില് സൈനിക വിമാനം തകര്ന്നു; കേഡറ്റുകള് ഉള്പ്പെടെ 22 പേര് മരിച്ചു
കീവ്: (www.kvartha.com 26.09.2020) യുക്രെയിനിന്റെ കിഴക്കന് പ്രദേശമായ ഖാര്കിവിനു സമീപം സൈനിക വിമാനം തകര്ന്ന് സൈനിക കേഡറ്റുകള് ഉള്പ്പെടെ 22 പേര് മരിച്ചു. അപകടത്തില് രണ്ട് പേര്ക്ക് ഗുരുതരമായി പരിക്കേറ്റു. വെള്ളിയാഴ്ച രാത്രി 8.50 മണിയോടെയാണ് ചുഹൂവ് സൈനിക വ്യോമതാവളത്തില് പറന്നുയര്ന്ന അന്റനോവ് -26 വിമാനമാണ് തകര്ന്നത്. 21 കേഡറ്റുകളും ഏഴ് ജീവനക്കാരും ഉള്പ്പെടെ 28 യാത്രക്കാരായിരുന്നു വിമാനത്തിലുണ്ടായിരുന്നത്. മറ്റുള്ളവര്ക്കായി തെരച്ചില് നടത്തുകയാണെന്ന് യുക്രെയിന് ആഭ്യന്തരമന്ത്രി ആന്റണ് ജെറാഷ്ചെങ്കോ പറഞ്ഞു.
ചുഹൂവ് സൈനിക വ്യോമതാവളത്തില് പറന്നുയര്ന്ന അന്റനോവ് -26 വിമാനമാണ് തകര്ന്നത്. വിമാനാപകടത്തിന്റെ കാരണം വ്യക്തമല്ലെന്നും പ്രസിഡന്റ് വോളോഡിമര് സെലെന്സ്കി ശനിയാഴ്ച പ്രദേശം സന്ദര്ശിക്കുമെന്നും ജെറാഷ്ചെങ്കോ പറഞ്ഞു. വിമാനാപകടം അന്വേഷിക്കാന് പ്രത്യേക സംഘത്തെ നിയോഗിക്കുമെന്നും അദ്ദേഹം അറിയിച്ചു. വിമാനം തര്ന്നയുടനെ തീ പിടിച്ചിരുന്നു. ഒരു മണിക്കൂറിനുശേഷമാണ് തീയണയ്ക്കാന് സാധിച്ചത്.
Keywords: News, World, Flight, Death, Injured, Fire, Kyiv, Ukraine military plane crash: Cadets among at least 22 people died
Powered by Info News For You

Comments
Post a Comment