ഇതുവരെ കൂടുതല് മഴ ലഭിച്ചത് ഇടുക്കിയില്: സംസ്ഥാനത്ത് കനത്ത മഴ തുടരുമെന്ന് മുന്നറിയിപ്പ് കാസര്കോട്ട് യെല്ലോ അലര്ട്ട്
കേരളം (www.evisionnews.co): സംസ്ഥാനത്ത് ഇന്നും അതിതീവ്രമായ മഴയ്ക്ക് സാദ്ധ്യതയുള്ളതായി കാലാവസ്ഥാ വകുപ്പ്. ആലപ്പുഴ, എറണാകുളം, മലപ്പുറം, കണ്ണൂര് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. കാസര്കോട്, വയനാട്, കോഴിക്കോട്, കൊല്ലം, പത്തനംതിട്ട, ഇടുക്കി, തൃശൂര് ജില്ലകളില് ഇന്ന് യെല്ലോ അലര്ട്ട് ആണ്. മലയോര മേഖലയില് കനത്ത മഴ ലഭിച്ചേക്കും.
ബംഗാള് ഉള്ക്കടലില് രൂപം കൊണ്ട പുതിയ ന്യൂനമര്ദ്ദത്തിന്റെ സ്വാധീനം കാരണമാണ് കനത്ത മഴ തുടരുന്നതെന്നാണ് റിപ്പോര്ട്ട്. ഒഡിഷ-ആന്ധ്രാപ്രദേശ് തീരത്താണ് ന്യൂനമര്ദ്ദം രൂപം കൊണ്ടത്. മത്സ്യബന്ധനത്തിനുള്ള വിലക്ക് തിങ്കളാഴ്ചത്തേക്കു കൂടി നീട്ടി. വൈകുന്നേരത്തോടെ മഴയുടെ തീവ്രത കുറഞ്ഞു തുടങ്ങും എന്നാണ് പ്രതീക്ഷിക്കുന്നത്. ചൊവ്വാഴ്ചയോടെ മഴയുടെ ശക്തിയും കാറ്റിന്റെ വേഗവും കുറയും.
ആഗസ്ത് ഒന്നു മുതല് ഇന്നലെ വരെ ഏറ്റവും കൂടുതല് മഴ ലഭിച്ചത് ഇടുക്കി, വയനാട് ജില്ലകളിലാണ്. ഇടുക്കിയില് ഇക്കാലയളവില് 722 മില്ലീമീറ്റര് മഴയാണ് പെയ്തത്. വയനാട്ടില് 716 മില്ലീമീറ്റര് മഴയും ലഭിച്ചു. ഏറ്റവും കുറവ് മഴ തിരുവനന്തപുരം, പത്തനംതിട്ട ജില്ലകളിലാണ്.
Powered by Info News For You
Comments
Post a Comment