'കുറച്ചു ഫയലുകള് മാത്രമേ കത്തിച്ചുള്ളൂ', മാധ്യമങ്ങളോട് പ്രതികരിക്കുമ്പോള് പറഞ്ഞതു നാക്കുപിഴയാണോ അതോ സത്യം അറിയാതെ പറഞ്ഞുപോയതാണോ എന്ന് കോണ്ഗ്രസ് നേതാവ് വിഷ്ണുനാഥ്
കോട്ടയം: (www.kvartha.com 26.08.2020) പൊതുഭരണ വകുപ്പ് അഡീഷണല് സെക്രട്ടറി പി ഹണി 'കുറച്ചു ഫയലുകള് മാത്രമേ കത്തിച്ചുള്ളൂ' എന്ന് മാധ്യമങ്ങളോട് പ്രതികരിക്കുമ്പോള് പറഞ്ഞത് നാക്കുപിഴയാണോ അതോ സത്യം അറിയാതെ പറഞ്ഞുപോയതാണോ എന്ന് ചോദിച്ച് കോണ്ഗ്രസ് നേതാവ് പി സി വിഷ്ണുനാഥ്. ഫെയ്സ്ബുക്ക് പോസ്റ്റിലൂടെയാണ് അദ്ദേഹം ചോദ്യം ഉന്നയിച്ചത്.
സെക്രട്ടറിയേറ്റിലെ ഇടതുസംഘടനാ നേതാവ് കൂടിയാണ് ഇദ്ദേഹം. നാക്കുപിഴയാണോ അതോ സത്യം അറിയാതെ പറഞ്ഞുപോയതാണോ (ഫ്രോയിഡിയന് സ്ലിപ്) എന്ന് കണ്ടറിയണ്ടിയിരിക്കുന്നു. സമാനതകളില്ലാത്ത ക്രമക്കേടുകളും ആട്ടിമറികളുമാണ് സ്വര്ണക്കള്ളക്കടത്തു കേസുമായി ബന്ധപ്പെട്ട് കേരളത്തില് നടന്നുകൊണ്ടിരിക്കുന്നത്. സ്വര്ണക്കള്ളക്കടത്തു കേസ് അട്ടിമറിക്കാന് ഭരണകൂടം ഏതറ്റം വരെയും പോവുമെന്നതിന്റെ സൂചനകള് കൂടിയാണ് ഇത്തരം സംഭവങ്ങള് എന്നും വിഷ്ണുനാഥ് ആരോപിച്ചു.
Keywords: Kottayam, News, Kerala, Congress, Facebook, Post, Fire, Secretariat, Congress leader Vishnunath about secretariat fire
Powered by Info News For You


Comments
Post a Comment