ഓണ്ലൈന് പഠനത്തിന് സൗകര്യമില്ലാതെ ബുദ്ധിമുട്ടിലായ വിദ്യാര്ത്ഥിക്ക് ടി വി നല്കി എബിവിപി പ്രവര്ത്തകര്
കാസര്കോട്: (www.kasargodvartha.com 06.06.2020) സംസ്ഥാനത്ത് ഓണ്ലൈന് ക്ലാസുകള് ആരംഭിച്ച സാഹചര്യത്തില് പഠനത്തിനാവശ്യമായ ടി വിയോ സ്മാര്ട്ട്ഫോണോ മറ്റ് സംവിധാനങ്ങളോ ഇല്ലാതെ ബുദ്ധിമുട്ടിലായ കാസര്കോട് നെല്ലിക്കുന്ന് സ്വദേശിയും കാസര്കോട് ബി ഇ എം എച്ച് എസ് എസിലെ എസ് എസ് എല് സി വിദ്യാര്ത്ഥിയുമായ റിതേഷിന് എബിവിപി കാസര്കോട് ജില്ലാ കമ്മിറ്റി ടി വി വാങ്ങി നല്കി.
പഠന സൗകര്യങ്ങളില്ലാത്ത വിദ്യാര്ത്ഥിക്കകള്ക്ക് പഠന സൗകര്യം ഒരുക്കുന്നതിനായി എബിവിപി സംസ്ഥാന തലത്തില് സംഘടിപ്പിക്കുന്ന ക്യാമ്പയിനിന്റെ ഭാഗമായാണ് ടി വി വിതരണം ചെയ്തത്. എബിവിപി ജില്ലാ പ്രസിഡന്റ് വൈശാഖ് കൊട്ടോടി ടി വി കൈമാറി.
ജില്ലാ സെക്രട്ടറി രാഹുല് ഉദയഗിരി, സംസ്ഥാന സമിതിയംഗം മോഹന് കെ, നിതിന് ബി ബോവിക്കാനം, സഞ്ചിത്ത്കുമാര് എന്നിവര് സന്നിഹിതരായിരുന്നു.
Powered by Info News For You

Comments
Post a Comment