ലഡാക്ക് ഏറ്റുമുട്ടല്: നാലു ഇന്ത്യന് സൈനികര് ഗുരുതരാവസ്ഥയില്: മരണസംഖ്യ ഉയര്ന്നേക്കും
ദേശീയം (www.evisionnews.co): ലഡാക്കിലെ ഗല്വന് താഴ്വരയിലെ സംഘര്ഷത്തില് മരണസംഖ്യ ഉയരാന് സാദ്ധ്യതയുണ്ടെന്നു റിപ്പോര്ട്ട്. ഇതു സംബന്ധിച്ച് സൈന്യത്തിന്റെ ഭാഗത്തു നിന്ന് ഔദ്യോഗിക വിശദീകരണം ഉണ്ടായിട്ടില്ല.
തിങ്കളാഴ്ച രാത്രി ചൈനീസ് സൈന്യവുമായുണ്ടായ ഏറ്റുമുട്ടലിന് ശേഷം നാലു ഇന്ത്യന് സൈനികര് അതിഗുരുതരാവസ്ഥയിലെന്ന് റിപ്പോര്ട്ട്. ഇവര് ഗുരുതരാവസ്ഥയില് തുടരുകയാണെന്ന് സൈനിക വൃത്തങ്ങളെ ഉദ്ധരിച്ച് എ.എന്ഐ വാര്ത്താ ഏജന്സിയാണ് റിപ്പോര്ട്ട് ചെയ്തത്.
ഏറ്റുമുട്ടലില് കേണലടക്കം 20 ഇന്ത്യന് സൈനികരെങ്കിലും വീരമൃത്യു വരിച്ചതായി സൈന്യം സ്ഥിരീകരിച്ചിരുന്നു. ഇരുഭാഗത്തുമായി ഇരുനൂറോളം ജവാന്മാരാണ് ഉണ്ടായിരുന്നത്. ദുര്ഘടമായ ഭാഗത്ത് ഉണ്ടായ സംഘര്ഷത്തില് പലരും ഏറെ താഴെയുള്ള ഗല്വന് നദിയിലേക്കു വീഴുകയായിരുന്നുവെന്നാണു സൂചന.
Powered by Info News For You
Comments
Post a Comment