ഉറവിടം അറിയാത്ത മൂന്നാമത്തെ കോവിഡ് മരണം; തിരുവനന്തപുരത്ത് അതീവ ജാഗ്രത
കേരളം (www.evisionnews.co): തിരുവനന്തപുരത്തെ മൂന്നാമത്തെ കോവിഡ് മരണത്തിലും രോഗത്തിന്റെ ഉറവിടം കണ്ടെത്താനായിട്ടില്ല. വെള്ളിയാഴ്ച മരിച്ച വഞ്ചിയൂര് സ്വദേശിയുമായി സമ്പര്ക്കത്തിലേര്പ്പെട്ടവരെ കണ്ടെത്താനുള്ള ശ്രമത്തിലാണ് ആരോഗ്യവകുപ്പ്. ആശാ വര്ക്കറിന് രോഗം സ്ഥിരീകരിച്ച കട്ടാക്കടയിലും അതീവ ജാഗ്രത തുടരുകയാണ്.
തിരുവനന്തപുരത്ത് മൂന്നാമത്തെ കോവിഡ് മരണമാണ് ജൂണ് 12ന് റിപ്പോര്ട്ട് ചെയ്തത്. പോത്തന്കോട് സ്വദേശിയായ അബ്ദുല് അസീസ്, വൈദികന് കെജി വര്ഗ്ഗീസ്, വഞ്ചിയൂര് സ്വദേശി രമേശ് എന്നിവരാണ് തലസ്ഥാന ജില്ലയില് കോവിഡ് ബാധിച്ച് മരിച്ചത്. മൂന്ന് പേര്ക്കും രോഗം ബാധിച്ചത് എവിടെ നിന്നാണെന്ന് ഇതുവരെയും കണ്ടെത്താനായിട്ടില്ല.
വഞ്ചിയൂര് സ്വദേശിയായ രമേശ് കഴിഞ്ഞ വെള്ളിയാഴ്ചയാണ് മരിച്ചത്. ഇദ്ദേഹത്തിന്റെ കുടുംബാംഗങ്ങളോട് നിരീക്ഷണത്തില് പോകാനാണ് ആരോഗ്യവകുപ്പ് നിലവില് നിര്ദ്ദേശിച്ചിട്ടുള്ളത്. ഗുരുതര ശ്വാസകോശ രോഗവുമായി ഇദ്ദേഹം 23 മുതല് 28 വരെ ചികിത്സയില് കഴിഞ്ഞ ജനറല് ആശുപത്രിയില്, ഈ സമയം എത്തിയവരെ കണ്ടെത്താനുള്ള ശ്രമം തുടരുകയാണ്.
Powered by Info News For You
Comments
Post a Comment