നിരീക്ഷണത്തിലിരിക്കെ ആലപ്പുഴയില് മരിച്ച യുവാവിന് കോവിഡ്: സംസ്ഥാനത്ത് മരണം 9ആയി
രോഗം മൂര്ഛിച്ചതിനെത്തുടര്ന്ന് വെള്ളിയാഴ്ച രാവിലെയാണ് മെഡിക്കല് കോളജ് ആശുപത്രിയില് പ്രവേശിപ്പിച്ചത്. മൂന്നുമണിക്കു മരിച്ചു. തുടര്ന്ന് സ്രവം പരിശോധനയ്ക്ക് അയച്ചു. ഇതോടെ സംസ്ഥാനത്ത് വെള്ളിയാഴ്ച കോവിഡ് ബാധിച്ച് മരിച്ചവരുടെ എണ്ണം രണ്ടായി. തിരുവല്ല ഇടിഞ്ഞില്ലം പ്രക്കാട്ട് ജോഷി മാത്യു (69) കോട്ടയം മെഡിക്കല് കോളജ് ആശുപത്രിയില് ചികിത്സയിലിരിക്കെ മരിച്ചു.
ഷാര്ജയില് ജോലി ചെയ്തിരുന്ന ജോഷി മേയ് 11ന് ദുബൈ- കൊച്ചി വിമാനത്തിലാണ് നാട്ടിലെത്തിയത്. പത്തനംതിട്ടയിലെ ക്വാറന്റീന് കേന്ദ്രത്തില് കഴിയുകയായിരുന്നു. മേയ് 16ന് സാംപിള് ശേഖരിക്കുന്നതുവരെ രോഗലക്ഷണങ്ങള് ഉണ്ടായിരുന്നില്ല. രോഗം സ്ഥിരീകരിച്ചതിനെത്തുടര്ന്ന് മേയ് 18ന് പത്തനംതിട്ട ജനറല് ആശുപത്രിയില് പ്രവേശിപ്പിച്ചു.
ഗുരുതരമായ പ്രമേഹ രോഗവുമുണ്ടായിരുന്നതിനാല് വിദഗ്ധ ചികിത്സയ്ക്കായി മേയ് 25ന് കോട്ടയം മെഡിക്കല് കോളജ് ആശുപത്രിയിലേക്ക് മാറ്റി. 27മുതല് വെന്റിലേറ്ററിലായിരുന്നു. ഇതിനിടെ ഹൃദത്തിന്റെയും വൃക്കകളുടെയും പ്രവര്ത്തനം തകരാറിലായി. കോവിഡ് പ്രോട്ടോക്കോള് പ്രകാരവും സംസ്ഥാനതല വിദഗ്ധരുടെ നിര്േദശങ്ങള്ക്കനുസരിച്ചും ഏഴംഗ പ്രത്യേക മെഡിക്കല് ബോര്ഡാണ് ചികിത്സാ മേല്നോട്ടം വഹിച്ചിരുന്നത്.
Powered by Info News For You
Comments
Post a Comment