അസമില് മാത്രമല്ല: കേരളത്തിലും തടങ്കല് ഒരുങ്ങുന്നു: കേന്ദ്ര നിര്ദേശം പാലിക്കാനൊരുങ്ങി സര്ക്കാര്
കൊച്ചി (www.evisionnews.co): എന്.ആര്.സിയുമായി ബന്ധപ്പെട്ട് രാജ്യത്തെ കരുതല് തടങ്കല് കേന്ദ്രങ്ങളെക്കുറിച്ചുള്ള വാദങ്ങളും പ്രതിവാദങ്ങളും കൊടുമ്പിരിക്കൊണ്ടിരിക്കെ കേരളത്തിലും സമാന നീക്കം. ജയിലില്ക്കഴിയുന്ന വിദേശികളെ പാര്പ്പിക്കാന് തടങ്കല് കേന്ദ്രം നിര്മിക്കണമെന്ന കേന്ദ്ര സര്ക്കാരിന്റെ നിര്ദേശം പാലിക്കാനൊരുങ്ങുകയാണ് കേരളാ സര്ക്കാര്. 'ദ ഹിന്ദു'വാണ് ഇക്കാര്യം റിപ്പോര്ട്ട് ചെയ്തത്.
സാമൂഹിക നീതി വകുപ്പിനാണ് ഇതു നിര്മിക്കാനുള്ള ചുമതല. ഇതിനായി ശിക്ഷിക്കപ്പെട്ടതോ വിവിധ കുറ്റങ്ങളില്പ്പെട്ട് നാടുകടത്തേണ്ടതോ ആയ വിദേശികളുടെ വിവരങ്ങള് ലഭിക്കേണ്ടതുണ്ട്. അതു ലഭിച്ചാല് നിര്മാണം സംബന്ധിച്ച നീക്കവുമായി വകുപ്പ് മുന്നോട്ടുപോകും. എത്ര പേരെ പാര്പ്പിക്കേണ്ടി വരുമെന്നതിന്റെ വിവരങ്ങള് ലഭിച്ചതിനു ശേഷം മാത്രമേ കെട്ടിടത്തെക്കുറിച്ച് അന്തിമധാരണയാകൂ. നിലവില് വകുപ്പിന്റെ കീഴിലുള്ള ഒരു കെട്ടിടവും ലഭ്യമല്ല. അതുപ്രകാരം പുതിയ കെട്ടിടം നിര്മിക്കുകയോ വാടകയ്ക്കെടുക്കുകയോ ചെയ്യുമെന്ന് ഒരു ഉന്നത സര്ക്കാര് ഉദ്യോഗസ്ഥന് പറഞ്ഞതായി ഹിന്ദു റിപ്പോര്ട്ട് ചെയ്തു.
Powered by Info News For You
Comments
Post a Comment