കടുത്ത നിയന്ത്രണം: മംഗളൂരുവില് റിപ്പോര്ട്ടിംഗ് തടഞ്ഞ് പോലീസ്: പത്ത് മലയാളി മാധ്യമ പ്രവര്ത്തകര് കസ്റ്റഡിയില്
മംഗളൂരു (www.evisionnews.co): പൗരത്വ നിയമ ഭേദഗതിക്കെതിരെ പ്രതിഷേധിച്ചവര്ക്ക് നേരെയുണ്ടായ പോലീസ് വെടിവെപ്പില് രണ്ട് പേര് കൊല്ലപ്പെട്ടതിന് പിന്നാലെ മംഗളുരുവില് കനത്ത നിയന്ത്രണങ്ങള്. റിപ്പോര്ട്ടിംഗിനെത്തിയ മാധ്യമപ്രവര്ത്തകരെ പോലീസ് കസ്റ്റഡിയിലെടുത്തു. മീഡിയ വണ്, ഏഷ്യാനെറ്റ്, മാതൃഭൂമി സംഘത്തിലുള്പ്പെടെയുള്ളവരെയാണ് കസ്റ്റഡിയിലെടുത്തിരിക്കുന്നത്.
വെടിവെപ്പില് കൊല്ലപ്പെട്ടവരുടെ മൃതദേഹം സൂക്ഷിച്ചിരിക്കുന്ന മോര്ച്ചറിക്ക് മുന്നില് നിന്ന് റിപ്പോര്ട്ട് ചെയ്യുകയായിരുന്ന മാധ്യമപ്രവര്ത്തകരെ ബലം പ്രയോഗിച്ച് മാറ്റുകയായിരുന്നു. അവിടെ നിന്ന് വിശദാംശങ്ങള് നല്കുന്നതിനിടെ മീഡിയവണ് റിപ്പോര്ട്ടറെ പോലീസ് തടസപ്പെടുത്തി. സ്ഥലത്ത് നിന്ന് നിര്ബന്ധിച്ച് പറഞ്ഞുവിടുകയും ചെയ്തു. ഇതിന് പിന്നാലെയാണ് മാധ്യമപ്രവര്ത്തകരെ കസ്റ്റിഡിയിലെടുത്തത്.
Powered by Info News For You
Comments
Post a Comment