മംഗളൂരു വെടിവെയ്പ്: കാസര്കോട്, കണ്ണൂര് ഉള്പ്പടെ വടക്കന് കേരളത്തില് അതീവ ജാഗ്രതാ നിര്ദ്ദേശം
മംഗളൂരു (www.evisionnews.co): മംഗളൂരു സംഘര്ഷത്തിന്റെ പശ്ചാത്തലത്തില് മംഗളൂരൂ കമ്മീഷണറേറ്റ് പരിധിയില് മുഴുവന് കര്ഫ്യൂ പ്രഖ്യാപിച്ചു. നേരത്തെ അഞ്ചു പോലീസ് സ്റ്റേഷന് പരിധിയില് മാത്രമായിരുന്നു കര്ഫ്യൂ. വെടിവെയ്പിന്റെ പശ്ചാത്തലത്തില് വടക്കന് കേരളത്തിലും അതീവ ജാഗ്രതാ നിര്ദ്ദേശം നല്കിയിരിക്കുകയാണ്. കാസര്കോട്, കണ്ണൂര്, വയനാട്, കോഴിക്കോട് ജില്ലകളില് പോലീസ് സുരക്ഷ കര്ശനമാക്കി.
കര്ണാടകത്തിലെ മുഴുവന് ജില്ലകളിലും ജാഗ്രതാ നിര്ദ്ദേശം നല്കിയിട്ടുണ്ട്. സമാധാനം പാലിക്കണമെന്ന് മുഖ്യമന്ത്രി ബി എസ് യെദിയൂരപ്പ അഭ്യര്ത്ഥിച്ചു. കലബുറഗി, മൈസൂരു, ഹാസന്, ബെല്ലാരി, ഉത്തര കന്നഡ ജില്ലകളില് കൂടുതല് പോലീസിനെ വിന്യസിച്ചിട്ടുണ്ട്. എഡിജിപി ബി ദയാനന്ദ് മംഗളൂരുവില് എത്തി. അതേസമയം നിരോധനാജ്ഞ ലംഘിച്ചു ബെംഗളൂരുവില് സമരം ചെയ്യുമെന്ന് വിവിധ സംഘടനകള് പ്രഖ്യാപിച്ചിട്ടുണ്ട്.
പോലീസ് വെടിവയ്പ്പില് രണ്ടുപേര് കൊല്ലപ്പെട്ട സംഭവത്തിന് പിന്നാലെ കേരള അതിര്ത്തിയോട് ചേര്ന്നുള്ള ദക്ഷിണ കന്നഡ ജില്ലയില് ഇന്റര്നെറ്റിന് രണ്ട് ദിവസത്തേക്ക് നിരോധനം ഏര്പ്പെടുത്തി. പ്രതിഷേധത്തിനിടെ പൊലീസ് വെടിവയ്പ്പില് ഇന്നലെ രാജ്യത്താകെ മൂന്ന് പേരാണ് കൊല്ലപ്പെട്ടത്.
Powered by Info News For You
Comments
Post a Comment