അവിഹിത ബന്ധം കണ്ടെത്തിയതിന് സൈനികനെ സയനൈഡ് നല്കി കൊലപ്പെടുത്തി; ഭാര്യയും കാമുകനുമുള്പ്പടെ നാലുപേര് പിടിയില്
പൂനെ: (www.kvartha.com 17.11.2019) സോഡിയം സയനൈഡ് നല്കി സൈനികനെ കൊലപ്പെടുത്തിയ സംഭവത്തില് ഭാര്യ ഉള്പ്പടെ നാലുപേരെ പൊലീസ് അറസ്റ്റ് ചെയ്തു. ഭാര്യ ശീതളിന്റെ അവിഹിത ബന്ധം കണ്ടെത്തിയതാണ് കൊലപാതകത്തില് കലാശിച്ചതെന്ന് അന്വേഷണ ഉദ്യോഗസ്ഥര് പറഞ്ഞു. മുപ്പത്തി എട്ടുകാരനായ സഞ്ജയ് ബോസലെയാണ് ദാരുണമായി കൊല്ലപ്പെട്ടത്.
സഞ്ജയുടെ മൃതദേഹം അഞ്ച് ദിവസം മുമ്പ് ബംഗളൂരു- പൂനെ ഹൈവേയില് കണ്ടെത്തുകയായിരുന്നു. തുടര്ന്ന് നടത്തിയ അന്വേഷണത്തിലാണ് ശീതളും കാമുകന് യോഗേഷ് കദവും ഇയാളുടെ രണ്ടു കൂട്ടാളികളും പിടിയിലാവുന്നത്.
അവധി ലഭിച്ച സഞ്ജയ് നവംബര് ഏഴിനാണ് വീട്ടിലെത്തിയത്. രണ്ടുവര്ഷമായി ശീതളും യോഗേഷും പ്രണയത്തിലായിരുന്നു. യോഗേഷുമായുള്ള ബന്ധം കണ്ടെത്തിയ സൈനികന് ശീതളിനോട് ഇതേപറ്റി ചോദിച്ചു. തുടര്ന്ന് കുടുംബത്തോടൊപ്പം മറ്റൊരിടത്തേക്ക് താമസം മാറാന് സഞ്ജയ് തീരുമാനിക്കുകയായിരുന്നു. പ്രതീക്ഷിക്കാതെ ഉള്ള സഞ്ജയുടെ തീരുമാനം ശീതളിന് അംഗീകരിക്കാന് കഴിഞ്ഞില്ല. ഒരുമിച്ച് ജീവിക്കാന് സൈനികനെ കൊലപ്പെടുത്താന് ഇരുവരും ചേര്ന്ന് ഗൂഢാലോചന നടത്തുകയായിരുന്നുവെന്ന് പൊലീസ് പറയുന്നു.
സഞ്ജയുടെ കൊലപാതകത്തിന് പിന്നാലെ ശീതളിനെ ചോദ്യം ചെയ്തപ്പോള് മൊഴിയില് ചില പൊരുത്തക്കേടുകള് കണ്ടെത്തിയതിനെ തുടര്ന്ന് നടത്തിയ വിശദമായ ചോദ്യം ചെയ്യലില് പ്രതികള് കുറ്റം സമ്മതിച്ചു. സോഡിയം സയനൈഡ് കലര്ത്തിയ വെള്ളം കുടിക്കാന് നല്കിയാണ് ശീതള് ഭര്ത്താവിനെ കൊലപ്പെടുത്തിയത്. കൃത്യം നടത്തിയ ശേഷം മൃതദേഹം കാറില് കയറ്റി ഹൈവേയ്ക്ക് സമീപം ഉപേക്ഷിക്കുകയായിരുന്നു.
കോടതിയില് ഹാജരാക്കിയ നാലുപേരെയും നവംബര് പത്തൊമ്പത് വരെ പൊലീസ് കസ്റ്റഡിയില് വിട്ടു. സഞ്ജയ്ക്കും ശീതളിനും പത്ത് വയസുള്ള ഒരു മകനും എട്ടുവയസുകാരിയായ മകളും ഉണ്ട്.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: National, News, Murder, Army, Wife, Body, Court, Police,Wife Poisoned Soldier Dump his Body in Road
Powered by Info News For You
Comments
Post a Comment