വാളയാര് പ്രതിഷേധം: ക്ലാസ് മുറിയില് പോസ്റ്റര് പതിച്ച മൂന്നു പ്ലസ്ടു വിദ്യാര്ത്ഥികള്ക്ക് സസ്പെന്ഷന്
കേരളം (www.evisionnews.co): വാളയാര് കേസില് പ്രതികളെ വെറുതെ വിട്ട കോടതി വിധിയില് പ്രതിഷേധിച്ച് ക്ലാസ്സ് മുറിയില് പോസ്റ്റര് ഒട്ടിച്ചതിനു മൂന്നു പ്ലസ് ടു വിദ്യാര്ത്ഥികള്ക്ക് സസ്പെന്ഷന്. വിളവൂര്ക്കല് ഗവ ഹയര് സെക്കന്ററി സ്കൂളിലെ വിദ്യാര്ത്ഥികളെയാണ് സസ്പെന്ഡ് ചെയ്തത്. ഒരാഴ്ചത്തേക്ക് ആയിരുന്നു സസ്പെന്ഷന്.
സ്കൂളില് ഐക്യദാര്ഢ്യം പ്രഖ്യാപിച്ച് മുമ്പ് പരിപാടികള് നടത്തിയിട്ടുണ്ട്. അതുപോലെയാണ് ഇപ്പോള് ക്ലാസ് മുറിയില് പോസ്റ്റര് പതിപ്പിച്ചതെന്ന് സസ്പെന്ഷന് ഇരയായ കുട്ടികള് പറഞ്ഞു. ചേര്ത്ത് പിടിക്കേണ്ടവര് കയറിപ്പിടിക്കുമ്പോള് നേര് കാട്ടേണ്ടവര് നെറികേട് കാട്ടുമ്പോള്, വഴിയൊരുക്കേണ്ടവര് പെരുവഴിയിലാക്കുമ്പോള് -മകളെ നിനക്ക് നീ മാത്രം. എന്നെഴുതിയ പോസ്റ്ററാണ് കുട്ടികള് ഒട്ടിച്ചത്.
എന്നാല് ക്ലാസ് ടീച്ചറുടെ അനുമതിയില്ലാതെ ക്ലാസ് മുറിയില് പോസ്റ്റര് പതിപ്പിച്ചതിനാണ് അച്ചടക്ക നടപടിയെന്നാണ് സ്കൂള് പ്രിസിപ്പലിന്റെ പ്രതികരണം.
Powered by Info News For You
Comments
Post a Comment