കൂടത്തായിയിലേത് കൊലപാതകം തന്നെ; അന്വേഷണ ഉദ്യോഗസ്ഥര്ക്ക് തെളിവ് ലഭിച്ചു; 6പേരുടെയും മരണം പിണറായി കൊലപാതകത്തിന് സമാനം; കുറ്റസമ്മതം നടത്തി ബന്ധുക്കള്; അറസ്റ്റ് ഉടന്
കോഴിക്കോട്: (www.kvartha.com 05.10.2019) കൂടത്തായിയില് സമാന രീതിയില് ബന്ധുക്കളായ ആറ് പേര് മരിച്ച സംഭവം കൊലപാതകമെന്ന് സ്ഥിരീകരിക്കുന്ന തെളിവുകള് അന്വേഷണ ഉദ്യോഗസ്ഥര്ക്ക് ലഭിച്ചതായി സൂചന. മരിച്ച ആറുപേരുടെയും ബന്ധുക്കളായ ചിലര് കുറ്റസമ്മതം നടത്തിയതായാണ് പോലീസ് നല്കുന്ന വിവരം. കുറ്റസമ്മതം ലഭിച്ചതോടെ ഇവരുടെ അറസ്റ്റ് ഉടന് ഉണ്ടായേക്കും. ആറുപേരുടെയും മരണം പിണറായി കൊലപാതകത്തിന് സമാനമെന്നാണ് പോലീസ് നല്കുന്ന വിവരം.
കൊലയ്ക്ക് പിന്നില് ടോം തോമസിന്റെയും കുടുംബാംഗങ്ങളുടെയും സ്വത്ത് തട്ടിയെടുക്കലായിരുന്നു പ്രധാന ലക്ഷ്യം. ഇത് ഉറപ്പിക്കുന്ന തെളിവുകള് പോലീസിന് ലഭിച്ചു. അന്വേഷണത്തിന്റെ തുടക്കത്തില് മരിച്ചവരുടെ ബന്ധുക്കളെയും കുടുംബവുമായി അടുത്തിടപഴകുന്ന ആളുകളെയും പോലീസ് ചോദ്യം ചെയ്തിരുന്നു. നൂറിലധികം പേരെയാണ് പോലീസ് ചോദ്യം ചെയ്തത്. ഇവരുടെ മൊഴിയുടെ അടിസ്ഥാനത്തില് കൂടുതല് അന്വേഷണം നടത്തിയ ശേഷം വീണ്ടും ചോദ്യം ചെയ്തു.
രണ്ടാമതു നടന്ന ചോദ്യം ചെയ്യലില് കുടുംബത്തിലുള്ള ചിലര് കുറ്റസമ്മതം നടത്തിയെന്നാണ് പോലീസ് നല്കുന്ന സൂചന. ഭക്ഷണത്തില് വിഷം കലര്ത്തി നല്കിയതിനെ തുടര്ന്നാണ് മരണമുണ്ടായതെന്ന് മൊഴി ലഭിച്ചിട്ടുണ്ട്. മരിച്ച മിക്കവരും ഭക്ഷണത്തിനുശേഷം ഛര്ദിക്കുകയും കുഴഞ്ഞുവീഴുകയും ചെയ്താണ് മരണത്തിന് കീഴടങ്ങിയത്.
മരണകാരണം സയെനെഡ് അടക്കമുള്ള വിഷവസ്തുക്കളാണെന്ന നിഗമനത്തിലാണ് അന്വേഷണ ഉദ്യോഗസ്ഥര്. ഇത് സ്ഥിരീകരിക്കുന്ന മൊഴി ലഭിച്ചുവെന്നാണ് സൂചന. സയനൈഡ് എവിടെ നിന്നു കിട്ടിയെന്ന കാര്യവും ഉദ്യോഗസ്ഥര് അന്വേഷിക്കുന്നുണ്ട്. എന്നാല് ആരൊക്കെയാണ് കുറ്റസമ്മതം നടത്തിയതെന്നത് അന്വേഷണ ഉദ്യോഗസ്ഥര് രഹസ്യമാക്കി വെച്ചിരിക്കുകയാണ്.
അതേസമയം ഒന്നിലധികമാളുകള് കുറ്റകൃത്യത്തിലുണ്ടെന്ന് ഉദ്യോഗസ്ഥര് സ്ഥിരീകരിക്കുന്നു. വ്യാജ വില്പത്രമുണ്ടാക്കിയ ആളുകളെയും പോലീസ് കണ്ടെത്തിയിട്ടുണ്ട്. ഇവരും കുറ്റസമ്മതം നടത്തിയെന്നാണ് സൂചന. ടോം തോമസിന്റെ കുടുംബത്തിലെ ചിലരുടെ നിര്ദേശപ്രകാരം വ്യാജ വില്പത്രമുണ്ടാക്കിയെന്നാണ് ഇവര് നല്കിയ മൊഴി. കുറ്റസമ്മതമുള്ള സാഹചര്യത്തില് ഫോറന്സിക് പരിശോധന കഴിയുംവരെ കാത്തിരിക്കേണ്ടെന്നാണ് അന്വേഷണ ഉദ്യോഗസ്ഥര്ക്ക് ലഭിച്ച നിയമോപദേശം. അങ്ങനെയെങ്കില് അറസ്റ്റ് ഉടന് ഉണ്ടാകും.
അതേസമയം ആറുപേരുടെ ദുരൂഹമരണവുമായി ബന്ധപ്പെട്ട് വ്യാഴാഴ്ച കോടഞ്ചേരി സെന്റ് മേരീസ് ഫറോന പള്ളിയിലെയും കൂടത്തായി ലൂര്ദ് മാതാ പള്ളിയിലെയും കല്ലറകള് തുറന്നു പരിശോധിച്ചിരുന്നു. സിലിയുടെയും രണ്ടുവയസ്സു പ്രായമുള്ള കുഞ്ഞിന്റെയും മൃതദേഹങ്ങള് അടക്കിയ കല്ലറയാണ് ആദ്യം തുറന്നത്. പോലീസും ഫോറന്സിക് വിദഗ്ധരും പരിശോധന നടത്തി.
ആറു മരണങ്ങളില് ഏറ്റവും അവസാനം നടന്ന മരണങ്ങളായതുകൊണ്ടാണ് ഇവരുടെ കല്ലറകള് ആദ്യം തുറന്നതെന്ന് അന്വേഷണ സംഘം അറിയിച്ചു. കൂടത്തായി ലൂര്ദ് മാതാ പള്ളിയില് നാലുപേരുടെ മൃതദേഹം സംസ്കരിച്ച രണ്ടുകല്ലറകളും തുറന്ന് പരിശോധിച്ചു.
വര്ഷങ്ങളുടെ ഇടവേളയില് നടന്ന മരണങ്ങളില് സംശയം പ്രകടിപ്പിച്ച് ക്രൈംബ്രാഞ്ചിന് പരാതി ലഭിച്ചതിനെ തുടര്ന്നാണ് നടപടി. കോഴിക്കോട് മെഡിക്കല് കോളജ് ഫൊറന്സിക് മേധാവിയടക്കം ആറംഗ വിദഗ്ധ സംഘമാണ് പരിശോധന നടത്തിയത്.
റിട്ട. വിദ്യാഭ്യാസ വകുപ്പ് ഉദ്യോഗസ്ഥന് കൂടത്തായി പൊന്നാമറ്റം ടോം തോമസ് (66), ഭാര്യ റിട്ട. അധ്യാപിക അന്നമ്മ (57), മകന് റോയി തോമസ് (40), ബന്ധുവായ യുവതി സിലി, സിലിയുടെ മകള് അല്ഫോന്സ( 2), അന്നമ്മയുടെ സഹോദരന് മാത്യു മഞ്ചാടിയില് (68), എന്നിവരുടെ മൃതദേഹങ്ങളാണ് പുറത്തെടുത്ത്.
2002 ലാണ് അന്നമ്മയുടെ മരണം. ടോം തോമസ് 2008ലും റോയി 2011ലും മാത്യു 2014ലുമാണ് മരിച്ചത്. പിന്നീട് സിലിയുടെ കുട്ടിയും തുടര്ന്ന് 2016ല് സിലിയും മരിച്ചു. മരിച്ച റോയിയുടെ ഭാര്യയുടെ രണ്ടാം ഭര്ത്താവായ ഷാജുവിന്റെ ഭാര്യയാണു സിലി. കേസുമായി ബന്ധപ്പെട്ട് ക്രൈം ബ്രാഞ്ച് ചോദ്യം ചെയ്ത ചിലര് കര്ശന നിരീക്ഷണത്തിലാണ്. ഒരു പ്രാദേശിക നേതാവും ഇതില് ഉള്പ്പെടും. പെട്ടെന്ന് അസ്വസ്ഥത അനുഭവപ്പെട്ട് കുഴഞ്ഞു വീണായിരുന്നു മിക്കവരുടെയും മരണം.
ടോം തോമസിന്റെ സ്വത്തുക്കള് വ്യാജ ഒസ്യത്തിന്റെ സഹായത്തോടെ നഷ്ടപ്പെട്ടതിനെ തുടര്ന്നാണ് മരണം സംബന്ധിച്ച സംശയങ്ങള് ഉണ്ടായത്. തുടര്ന്നാണ് അമേരിക്കയിലുള്ള ഇവരുടെ മകന് റോജോ പരാതി നല്കിയത്. റോയിയുടെ മൃതദേഹം പോസ്റ്റ്മോര്ട്ടം നടത്തിയപ്പോള് വിഷം ഉള്ളില് ചെന്നതായി കണ്ടെത്തിയിരുന്നു.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Koodathai serial deaths; victims murdered by mixing cyanide in food?, Kozhikode, News, Trending, Murder, Police, Probe, Dead Body, Kerala.
കൊലയ്ക്ക് പിന്നില് ടോം തോമസിന്റെയും കുടുംബാംഗങ്ങളുടെയും സ്വത്ത് തട്ടിയെടുക്കലായിരുന്നു പ്രധാന ലക്ഷ്യം. ഇത് ഉറപ്പിക്കുന്ന തെളിവുകള് പോലീസിന് ലഭിച്ചു. അന്വേഷണത്തിന്റെ തുടക്കത്തില് മരിച്ചവരുടെ ബന്ധുക്കളെയും കുടുംബവുമായി അടുത്തിടപഴകുന്ന ആളുകളെയും പോലീസ് ചോദ്യം ചെയ്തിരുന്നു. നൂറിലധികം പേരെയാണ് പോലീസ് ചോദ്യം ചെയ്തത്. ഇവരുടെ മൊഴിയുടെ അടിസ്ഥാനത്തില് കൂടുതല് അന്വേഷണം നടത്തിയ ശേഷം വീണ്ടും ചോദ്യം ചെയ്തു.
രണ്ടാമതു നടന്ന ചോദ്യം ചെയ്യലില് കുടുംബത്തിലുള്ള ചിലര് കുറ്റസമ്മതം നടത്തിയെന്നാണ് പോലീസ് നല്കുന്ന സൂചന. ഭക്ഷണത്തില് വിഷം കലര്ത്തി നല്കിയതിനെ തുടര്ന്നാണ് മരണമുണ്ടായതെന്ന് മൊഴി ലഭിച്ചിട്ടുണ്ട്. മരിച്ച മിക്കവരും ഭക്ഷണത്തിനുശേഷം ഛര്ദിക്കുകയും കുഴഞ്ഞുവീഴുകയും ചെയ്താണ് മരണത്തിന് കീഴടങ്ങിയത്.
മരണകാരണം സയെനെഡ് അടക്കമുള്ള വിഷവസ്തുക്കളാണെന്ന നിഗമനത്തിലാണ് അന്വേഷണ ഉദ്യോഗസ്ഥര്. ഇത് സ്ഥിരീകരിക്കുന്ന മൊഴി ലഭിച്ചുവെന്നാണ് സൂചന. സയനൈഡ് എവിടെ നിന്നു കിട്ടിയെന്ന കാര്യവും ഉദ്യോഗസ്ഥര് അന്വേഷിക്കുന്നുണ്ട്. എന്നാല് ആരൊക്കെയാണ് കുറ്റസമ്മതം നടത്തിയതെന്നത് അന്വേഷണ ഉദ്യോഗസ്ഥര് രഹസ്യമാക്കി വെച്ചിരിക്കുകയാണ്.
അതേസമയം ഒന്നിലധികമാളുകള് കുറ്റകൃത്യത്തിലുണ്ടെന്ന് ഉദ്യോഗസ്ഥര് സ്ഥിരീകരിക്കുന്നു. വ്യാജ വില്പത്രമുണ്ടാക്കിയ ആളുകളെയും പോലീസ് കണ്ടെത്തിയിട്ടുണ്ട്. ഇവരും കുറ്റസമ്മതം നടത്തിയെന്നാണ് സൂചന. ടോം തോമസിന്റെ കുടുംബത്തിലെ ചിലരുടെ നിര്ദേശപ്രകാരം വ്യാജ വില്പത്രമുണ്ടാക്കിയെന്നാണ് ഇവര് നല്കിയ മൊഴി. കുറ്റസമ്മതമുള്ള സാഹചര്യത്തില് ഫോറന്സിക് പരിശോധന കഴിയുംവരെ കാത്തിരിക്കേണ്ടെന്നാണ് അന്വേഷണ ഉദ്യോഗസ്ഥര്ക്ക് ലഭിച്ച നിയമോപദേശം. അങ്ങനെയെങ്കില് അറസ്റ്റ് ഉടന് ഉണ്ടാകും.
അതേസമയം ആറുപേരുടെ ദുരൂഹമരണവുമായി ബന്ധപ്പെട്ട് വ്യാഴാഴ്ച കോടഞ്ചേരി സെന്റ് മേരീസ് ഫറോന പള്ളിയിലെയും കൂടത്തായി ലൂര്ദ് മാതാ പള്ളിയിലെയും കല്ലറകള് തുറന്നു പരിശോധിച്ചിരുന്നു. സിലിയുടെയും രണ്ടുവയസ്സു പ്രായമുള്ള കുഞ്ഞിന്റെയും മൃതദേഹങ്ങള് അടക്കിയ കല്ലറയാണ് ആദ്യം തുറന്നത്. പോലീസും ഫോറന്സിക് വിദഗ്ധരും പരിശോധന നടത്തി.
ആറു മരണങ്ങളില് ഏറ്റവും അവസാനം നടന്ന മരണങ്ങളായതുകൊണ്ടാണ് ഇവരുടെ കല്ലറകള് ആദ്യം തുറന്നതെന്ന് അന്വേഷണ സംഘം അറിയിച്ചു. കൂടത്തായി ലൂര്ദ് മാതാ പള്ളിയില് നാലുപേരുടെ മൃതദേഹം സംസ്കരിച്ച രണ്ടുകല്ലറകളും തുറന്ന് പരിശോധിച്ചു.
വര്ഷങ്ങളുടെ ഇടവേളയില് നടന്ന മരണങ്ങളില് സംശയം പ്രകടിപ്പിച്ച് ക്രൈംബ്രാഞ്ചിന് പരാതി ലഭിച്ചതിനെ തുടര്ന്നാണ് നടപടി. കോഴിക്കോട് മെഡിക്കല് കോളജ് ഫൊറന്സിക് മേധാവിയടക്കം ആറംഗ വിദഗ്ധ സംഘമാണ് പരിശോധന നടത്തിയത്.
റിട്ട. വിദ്യാഭ്യാസ വകുപ്പ് ഉദ്യോഗസ്ഥന് കൂടത്തായി പൊന്നാമറ്റം ടോം തോമസ് (66), ഭാര്യ റിട്ട. അധ്യാപിക അന്നമ്മ (57), മകന് റോയി തോമസ് (40), ബന്ധുവായ യുവതി സിലി, സിലിയുടെ മകള് അല്ഫോന്സ( 2), അന്നമ്മയുടെ സഹോദരന് മാത്യു മഞ്ചാടിയില് (68), എന്നിവരുടെ മൃതദേഹങ്ങളാണ് പുറത്തെടുത്ത്.
2002 ലാണ് അന്നമ്മയുടെ മരണം. ടോം തോമസ് 2008ലും റോയി 2011ലും മാത്യു 2014ലുമാണ് മരിച്ചത്. പിന്നീട് സിലിയുടെ കുട്ടിയും തുടര്ന്ന് 2016ല് സിലിയും മരിച്ചു. മരിച്ച റോയിയുടെ ഭാര്യയുടെ രണ്ടാം ഭര്ത്താവായ ഷാജുവിന്റെ ഭാര്യയാണു സിലി. കേസുമായി ബന്ധപ്പെട്ട് ക്രൈം ബ്രാഞ്ച് ചോദ്യം ചെയ്ത ചിലര് കര്ശന നിരീക്ഷണത്തിലാണ്. ഒരു പ്രാദേശിക നേതാവും ഇതില് ഉള്പ്പെടും. പെട്ടെന്ന് അസ്വസ്ഥത അനുഭവപ്പെട്ട് കുഴഞ്ഞു വീണായിരുന്നു മിക്കവരുടെയും മരണം.
ടോം തോമസിന്റെ സ്വത്തുക്കള് വ്യാജ ഒസ്യത്തിന്റെ സഹായത്തോടെ നഷ്ടപ്പെട്ടതിനെ തുടര്ന്നാണ് മരണം സംബന്ധിച്ച സംശയങ്ങള് ഉണ്ടായത്. തുടര്ന്നാണ് അമേരിക്കയിലുള്ള ഇവരുടെ മകന് റോജോ പരാതി നല്കിയത്. റോയിയുടെ മൃതദേഹം പോസ്റ്റ്മോര്ട്ടം നടത്തിയപ്പോള് വിഷം ഉള്ളില് ചെന്നതായി കണ്ടെത്തിയിരുന്നു.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Koodathai serial deaths; victims murdered by mixing cyanide in food?, Kozhikode, News, Trending, Murder, Police, Probe, Dead Body, Kerala.
Powered by Info News For You
Comments
Post a Comment