ഇബ്രാഹിം ഫൈസി ജെഡിയാറിനെ നേതാക്കള് അനുസ്മരിക്കുന്നു
കാസര്കോട് (www.evisionnews.co): സമസ്ത ജില്ലാ മുശാവറാംഗവും എസ്.കെ.എസ്.എസ്.എഫ് മുന് സംസ്ഥാന വൈസ് പ്രസിഡന്റുമായിരുന്ന ഇബ്രാഹിം ഫൈസി ജെഡിയാറിനെ മത സാമൂഹിക സാംസ്കാരിക നേതാക്കള് അനുസ്മരിക്കുന്നു
-മികച്ച ദീനീ പ്രവര്ത്തകന്: താഖ അഹമ്മദ് മൗലവി
സംഘടനാ പ്രവര്ത്തനം സജീവമാക്കുന്നതില് വിലപ്പെട്ട പ്രവര്ത്തനം കാഴ്ചവെച്ച യുവ പണ്ഡിതനായിരുന്നുവെന്ന് സമസ്ത കാസര്കോട് ജില്ലാ പ്രസിഡന്റ് ഖാസി ത്വാഖ അഹമ്മദ് മൗലവി. ഈയടുത്താണ് സമസ്ത കേരള ജംഇയ്യത്തുല് ഉലമയുടെ കാസര്കോട് ജില്ലാ മുശാവറ അംഗമായി ഇബ്രാഹിം ഫൈസിയെ തെരഞ്ഞടുത്തത്. ചെറിയ പ്രായത്തില് തന്നെ സമസ്തയുടെ വലിയ പ്രതീക്ഷയായി മാറിയിരുന്നു അദ്ദേഹം. ദീനീ രംഗത്തെ അദ്ദേഹത്തിന്റെ ഇടപെടലുകള് എന്നെന്നും സ്മരിക്കപ്പെടുമെന്നും ഖാസി പറഞ്ഞു.
-ജനകീയനായ യുവ പണ്ഡിതന്: എന്.എ നെല്ലിക്കുന്ന്
കാസര്കോടിന്റെ മത സാമൂഹിക മേഖലയിലെ നിറസാന്നിധ്യവും ജനകീയനുമായിരുന്നുവെന്ന് എന്.എ നെല്ലിക്കുന്ന് എം.എല്.എ. ചുറുചുറുക്കും ആത്മാര്ത്ഥതയും അദ്ദേഹത്തിന്റെ സംഘടനാ പ്രവര്ത്തനം മികവുറ്റതാക്കി. അസൂയാവഹമായിരുന്നു ജെഡിയാര് ഫൈസിയുടെ സംഘടനാ പാടവം. അസുഖ ബാധിതനായി വീട്ടില് വിശ്രമിക്കുമ്പോഴും മത സാമൂഹിക മേഖലകളില് നടത്തിയ ഇടപെടലുകള് പ്രതീക്ഷയുളവാക്കുന്നതായിരുന്നു. എം.എല്.എ ആയതിന് ശേഷം വലിയ വ്യക്തി ബന്ധം പുലര്ത്തിയിരുന്നു. ഭാവിയുടെ പ്രതീക്ഷയായിരുന്നുവെന്നും അദ്ദേഹം അനുസ്മരിച്ചു.
-നിലപാടുകാരന്, മികച്ച സംഘാടകന്: ഹാരിസ് ദാരിമി
ഇബ്രാഹിം ഫൈസിയുടെ വിയോഗത്തിലൂടെ സമസ്തക്കും കാസര്കോടിന്റെ സാമൂഹിക മത മേഖലയ്ക്കും നഷ്ടപ്പെട്ടത് മികച്ച സംഘാടക നേതൃപാടവമുള്ള വ്യക്തിത്വത്തെ എന്ന് സംസ്ഥാന സെക്രട്ടറി ഹാരിസ് ദാരിമി ബെദിര. പ്രവര്ത്തനങ്ങളിലെ ആത്മാര്ത്ഥതയും നിലപാടുകളിലെ ഉറപ്പുമായിരുന്നു മുഖമുദ്ര. പ്രസിഡന്റായും ജനറല് സെക്രട്ടറിയായും ഒരുമിച്ച് പ്രവര്ത്തിച്ച കാലങ്ങളില് അത് നേരിട്ടനുഭവിക്കാന് കഴിഞ്ഞിട്ടുണ്ട്. സമസ്തയുടെ പ്രതീക്ഷയായ അദ്ദേഹത്തിന്റെ വിയോഗം തീരാനഷ്ടമാണെന്നും അദ്ദേഹം അനുസ്മരിച്ചു.
Powered by Info News For You
Comments
Post a Comment