ആപ്പിളിന്റെ ഏറ്റവും പുതിയ അവതരണം: ഐഫോണ് 11 ഇറങ്ങി
ഇടെക് (www.evisionnews.co): ആപ്പിള് കമ്പനി അവരുടെ ഏറ്റവും പുതിയ സ്മാര്ട്ട്ഫോണ് ആയ ഐഫോണ് 11 പുറത്തിറക്കി. ഐഫോണ് എക്സ്ആറിന്റെ പിന്ഗാമിയായിട്ടാണ് പുതിയ ഫോണിന്റെ വരവ്. പര്പ്പിള്, വൈറ്റ്, ഗ്രീന്, യെല്ലോ, ബ്ലാക്ക്, റെഡ് എന്നീ ആറ് നിറങ്ങളില് ഐഫോണ് 11 ലഭിക്കും. ഇതിന്റെ പ്രീ-ഓര്ഡറുകള് സെപ്റ്റംബര് 13ന് യുഎസിലും ലോകത്തെ 30 രാജ്യങ്ങളിലും തുറക്കും. ആദ്യ ബാച്ചിലുള്ള രാജ്യങ്ങളില് സെപ്റ്റംബര് 20 നും ഇന്ത്യയില് സെപ്റ്റംബര് 27 നും വില്പ്പന ആരംഭിക്കും.
ആപ്പിള് ഐഫോണ് 11ന്റെ ഇന്ത്യയിലെ വില 64,900 രൂപയും അടിസ്ഥാന 64 ജിബി വേരിയന്റിനു യു.എസില് 699 ഡോളറിനും (ഏകദേശം 50,000 രൂപ) ലഭിക്കും. കാലിഫോര്ണിയ ആസ്ഥാനമായുള്ള കുപെര്ട്ടിനോയുടെ അഭിപ്രായത്തില്, 2018 ലെ ഐഫോണ് നിരയില് ഏറ്റവും കൂടുതല് വിറ്റഴിക്കപ്പെട്ട സ്മാര്ട്ട്ഫോണാണ് ഐഫോണ് എക്സ്ആര്. ഇതിന്റെ പിന്ഗാമിയായി വരുന്ന ഐഫോണ് 11 ല് സവിശേഷതകള് കൂടുതല് മികച്ചതാക്കുന്നുവെന്നും പറയപ്പെടുന്നു.
ഐഫോണ് 11 ന് പുറമേ, ഐഫോണ് 11 പ്രോ, ഐഫോണ് 11 പ്രോ മാക്സ് ഫോണുകളും കമ്പനി പ്രദര്ശിപ്പിച്ചു. കമ്പനിയുടെ സ്മാര്ട്ട്ഫോണ് നിരയില് ഐഫോണ് എക്സ്ആറിനെ ആപ്പിള് നിലനിര്ത്തും എന്നത് ശ്രദ്ധേയമാണ്. 128 ജിബി, 256 ജിബി വേരിയന്റുകളിലും ഫോണ് വാഗ്ദാനം ചെയ്യും. 128 ജിബിക്ക് ഇന്ത്യയില് 69,900 രൂപയു, യുഎസില് 749 ഡോളറുമാണ് (ഏകദേശം 53,600 രൂപ), 256 ജിബിക്ക് ഇന്ത്യയില് 79,900 രൂപയും യു.എസില് 849 ഡോളറുമാണ് (ഏകദേശം 60,800 രൂപ).
ഐഫോണ് 11ല് പിന്നിലായിയി ഡ്യുവല് ക്യാമറ സജ്ജീകരണം, സ്പേഷ്യല് ഓഡിയോ, ഡോള്ബി അറ്റ്മോസ് പിന്തുണ, മെച്ചപ്പെട്ട ബാറ്ററി ആയുസ്സ് എന്നിങ്ങനെ മികച്ച സവിശേഷതകള് ആണ് ഉള്ച്ചേര്ത്തിരിക്കുന്നത് എന്ന് ആപ്പിള് അവകാശപ്പെടുന്നു. 6.1 ഇഞ്ച് ലിക്വിഡ് റെറ്റിന ഡിസ്പ്ലേയുള്ള ഐഫോണ് 11ല് ആപ്പിളിന്റെ പുതിയ എ 13 ബയോണിക് ചിപ്പാണ് ഉപയോഗിക്കുന്നത്. എ 13 ബയോണിക് എസ്ഒസി മറ്റേത് സ്മാര്ട്ട്ഫോണില് ഉള്ളതിനേക്കാളും ''വേഗതയേറിയ സിപിയു'', ''വേഗതയേറിയ ജിപിയു'' എന്നിവ ഐഫോണ് 11 ലേക്ക് പ്രദാനം ചെയ്യുമെന്ന് ആപ്പിള് അവകാശപ്പെടുന്നു. ഡാര്ക്ക് മോഡ്, ആപ്പിള് ഉപയോഗിച്ച് സൈന് ഇന് ചെയ്യുക, വിപുലീകരിച്ച ഹാപ്റ്റിക് ടച്ച് പിന്തുണ എന്നീ സവിശേഷതകള് നല്കുന്ന ഐഫോണ് 11 ഐഒഎസ് 13 ല് ആണ് പ്രവര്ത്തിക്കുന്നത്.
ഐഫോണ് എക്സ്ആറിനേക്കാള് മികച്ച ക്യാമറ സവിശേഷതകള് ആണ് ഐഫോണ് 11ല് ഉള്ളത്. പിന്ഭാഗത്ത് ഇരട്ട ക്യാമറ ഉള്ള ഫോണില് എഫ് / 1.8 അപ്പര്ച്ചറോട് കൂടിയ 12 മെഗാപിക്സല് വൈഡ് ആംഗിള് മെയിന് ഷൂട്ടര്, , ഒപ്റ്റിക്കല് ഇമേജ് സ്റ്റെബിലൈസേഷന്, എഫ് / 2.4 അപ്പര്ച്ചറോട് കൂടിയ 12 മെഗാപിക്സല് സെക്കന്ഡറി അള്ട്രാ വൈഡ് ആംഗിള് ഷൂട്ടര്,, 120- ഡിഗ്രി കാഴ്ച. അടുത്ത തലമുറയിലെ സ്മാര്ട്ട് എച്ച്ഡിആര്, മെച്ചപ്പെടുത്തിയ നൈറ്റ് മോഡ്, മെച്ചപ്പെടുത്തിയ പോര്ട്രെയിറ്റ് മോഡ് എന്നിവ പുതിയ ക്യാമറ സോഫ്റ്റ്വെയര് സവിശേഷതകളില് ഉള്പ്പെടുന്നു. കൂടാതെ, ഡ്യുവല് റിയര് ക്യാമറകള് 60 കെപിഎസില് 4 കെ വീഡിയോ റെക്കോര്ഡിംഗിനെ പിന്തുണയ്ക്കുന്നു, കൂടാതെ ഐഫോണ് എക്സ്ആറില് ഉള്ളതിനേക്കാള് 36 ശതമാനം ഫ്ലാഷും ഇതില് ഉണ്ട്.
ഐഫോണ് 11 ലെ ഫ്രണ്ട് ഷൂട്ടര് ഐഫോണ് എക്സ്ആറിനെക്കാള് ഒരു പടി മുന്നിലാണ്. 4 കെയിലും സ്ലോ-മോഷനിലും വീഡിയോകളിലും വീഡിയോ ഷൂട്ട് ചെയ്യാന് കഴിവുള്ള 12 മെഗാപിക്സല് ഫ്രണ്ട് ഷൂട്ടര് ആപ്പില് ഉള്പ്പെടുത്തിയിട്ടുണ്ട്. ലാന്ഡ്സ്കേപ്പ് മോഡിലേക്ക് മാറുകയാണെങ്കില് വിശാലമായ ഔട്പുട്ടും ഇത് വാഗ്ദാനം ചെയ്യുന്നു. ബാറ്ററി ലൈഫിന്റെ കാര്യത്തില്, ഐഫോണ് 11 ഒരൊറ്റ ചാര്ജില് ''ഐഫോണ് എക്സ്ആറിനേക്കാള് ഒരു മണിക്കൂര് കൂടുതല്'' വാഗ്ദാനം ചെയ്യുമെന്ന് ആപ്പിള് അവകാശപ്പെടുന്നു.
Powered by Info News For You
Comments
Post a Comment