വാഹനാപകടത്തില് സിറാജ് പത്രത്തിന്റെ തിരുവനന്തപുരം ബ്യൂറോ ചീഫ് കെ മുഹമ്മദ് ബഷീറിന് ദാരുണാന്ത്യം; അപകടം വരുത്തിയത് ശ്രീറാം വെങ്കിട്ടരാമന് സഞ്ചരിച്ച കാര്
തിരുവനന്തപുരം: (www.kvartha.com 03.08.2019) സര്വ്വേ ഡയറക്ടര് ശ്രീറാം വെങ്കിട്ടരാമന് സഞ്ചരിച്ച വാഹനമിടിച്ച് സിറാജ് പത്രത്തിന്റെ തിരുവനന്തപുരം ബ്യൂറോ ചീഫ് കെ മുഹമ്മദ് ബഷീര് മരിച്ചു.ശനിയാഴ്ച്ച പുലര്ച്ചെ ഒരു മണിയോടെയാണ് സംഭവം. അമിത വേഗതയില് എത്തിയ ശ്രീറാം സഞ്ചരിച്ചിരുന്ന വാഹനം മ്യൂസിയം ജംഗ്ഷനില് വച്ച് പബ്ലിക്ക് ഓഫീസിന്റെ മതിലിലേക്ക് ബഷീറിന്റെ വാഹനത്തെ ഇടിച്ചു തെറിപ്പിക്കുകയായിരുന്നു. സംഭവസ്ഥലത്തു വെച്ച് തന്നെ മാധ്യമപ്രവര്ത്തകന് മരിച്ചത്. കൊല്ലത്ത് സിറാജ് പത്രത്തിന്റെ യോഗത്തില് പങ്കെടുത്ത് വീട്ടിലേക്ക് മടങ്ങുന്നതിനിടെയാണ് ബഷീറിന്റെ ബൈക്ക് അപകടത്തില്പെട്ടത്.
അപകട സമയത്ത് വാഹനമോടിച്ചതാരെന്ന് വ്യക്തമായിട്ടില്ലെന്ന് മ്യൂസിയം എസ് ഐ ജയപ്രകാശ് പറഞ്ഞു. എന്നാല് അപകടസമയത്ത് മദ്യലഹരിയിലായിരുന്ന ശ്രീറാം വെങ്കിട്ടരാമനാണ് വണ്ടിയോടിച്ചെതന്ന് ഓടിക്കൂടിയ നാട്ടുകാര് പറയുന്നു. അതേസമയം, താനല്ല തനിക്കൊപ്പമുണ്ടായിരുന്നു സുഹൃത്ത് വഫാ ഫിറോസാണ് വാഹനമോടിച്ചതെന്ന് ശ്രീറാം പൊലീസിനോട് പറഞ്ഞിരുന്നു. എന്നാല്, വാഹനം ഓടിച്ച കാര്യത്തില് ഇതുവരെ വ്യക്തത വന്നിട്ടില്ലാത്തതിനാല് ഇത് സ്ഥിരീകരിക്കുന്നതിനായി അപകടം നടന്ന സ്ഥലത്തെ സിസിടിവി ദൃശ്യങ്ങള് പരിശോധിച്ചു വരികയാണ്. മാധ്യമ പ്രവര്ത്തകന് മരിച്ച സംഭവത്തില് ദുരൂഹതയേറുന്നു. അപകടത്തില് പരിക്കേറ്റ ശ്രീറാമിനെ സ്വകാര്യ ആശുപത്രിയില് പ്രവേശിപ്പിച്ചു.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )Keywords: News, Kerala, Journalist, Dies, Car accident, Thiruvananthapuram, Car Accident Journalist Killed After Sriram Venkitaraman's Car Hits on Him
Powered by Info News For You
Comments
Post a Comment