മാധ്യമപ്രവര്ത്തകന്റെ അപകട മരണം; വാഹനമോടിച്ചത് ശ്രീറാം വെങ്കിട്ടരാമന് തന്നെയെന്ന് ദൃക്സാക്ഷിയും ഒപ്പമുണ്ടായിരുന്ന യുവതിയും ; അറസ്റ്റ് ഉടനുണ്ടാകും
തിരുവനന്തപുരം: (www.kvartha.com 03.08.2019) സിറാജ് പത്രത്തിന്റെ തിരുവനന്തപുരം യൂണിറ്റ് മേധാവി കെ. എം മുഹമ്മദ് ബഷീറിന്റെ മരണത്തിലേക്ക് നയിച്ച വാഹനാപകടത്തില് സര്വ്വേ വകുപ്പ് ഡയറക്ടര് ശ്രീറാം വെങ്കിട്ടരാമന് ഐഎഎസ് പ്രതിയാകുമെന്ന് ഏതാണ്ട് ഉറപ്പായി. അപകടമുണ്ടാക്കിയ കാര് ഓടിച്ചിരുന്നത് തനിക്കൊപ്പമുണ്ടായ സുഹൃത്ത് വഫ ഫിറോസായിരുന്നു എന്നാണ് ശ്രീറാം പോലീസിന് നല്കിയിരുന്ന മൊഴി. പിന്നാലെ ആരേയും പ്രതി ചേര്ക്കാതെ മന:പൂര്വമല്ലാത്ത നരഹത്യയ്ക്കുള്ള വകുപ്പ് ചേര്ത്ത് പോലീസ് കേസെടുക്കുകയും ചെയ്തിരുന്നു.
എന്നാല് വാഹനമോടിച്ചത് ശ്രീറാം തന്നെയാണെന്നും അദ്ദേഹം മദ്യപിച്ചിരുന്നുവെന്നും സ്ഥിരീകരിക്കുന്ന ദൃക്സാക്ഷികളുടേയും അദ്ദേഹത്തെ പരിശോധിച്ച ഡോക്ടര്മാരുടേയും മൊഴികള് പുറത്തു വന്നതോടെ പോലീസ് സമ്മര്ദത്തിലായി. ഒടുവില് ശ്രീറാമിനൊപ്പം ഉണ്ടായിരുന്ന യുവതിയും അദ്ദേഹമാണ് വണ്ടിയോടിച്ചത് എന്നു മൊഴി നല്കിയതോടെയാണ് അപകടമുണ്ടാക്കിയത് ശ്രീറാമാണെന്ന വിവരം പോലീസ് സ്ഥിരീകരിച്ചത്. അപകടത്തില് ശ്രീറാം വെങ്കിട്ടരാമനും പരിക്കേറ്റിരുന്നു. ഇദ്ദേഹത്തെ നഗരത്തിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്.
ശ്രീറാമിന്റെ മൊഴി ഡിസിപി ഇതിനോടകം രേഖപ്പെടുത്തിയിട്ടുണ്ട്. തിരുവനന്തപുരം കിംസ് ആശുപത്രിയിലുള്ള ശ്രീറാമിന്റെ രക്തസാംപിളുകളും ശേഖരിച്ചിട്ടുണ്ട്. അദ്ദേഹത്തെ ഉടനെ അറസ്റ്റ് ചെയ്യുമെന്നാണ് സൂചന.
തിരുവനന്തപുരം നഗരത്തിലെ ഓട്ടോ ഡ്രൈവറായ ഷഫീക്കാണ് അപകടത്തെക്കുറിച്ചുള്ള കൂടുതല് വിവരങ്ങള് വെളിപ്പെടുത്തിയത്.
'' വെള്ളയമ്പലത്തുവച്ച് എന്നെ ഓവര്ടേക്ക് ചെയ്താണ് കാര് വന്നത്. അമിതവേഗത്തിലായിരുന്നു. ഇതിനിടെ കാര് സ്കിഡായി ബൈക്കിലിടിക്കുകയായിരുന്നു. സ്ത്രീയും പുരുഷനുമായിരുന്നു കാറിലുണ്ടായിരുന്നത്. പുരുഷനായിരുന്നു ഡ്രൈവിങ് സീറ്റില്. ഇയാള് നല്ലരീതിയില് മദ്യപിച്ചിട്ടുണ്ടായിരുന്നു. വണ്ടി ഓടിച്ച ആള് തന്നെയാണ് മരിച്ചയാളെ ബൈക്കിനിടയില്നിന്ന് പുറത്തെടുത്തത്. താന് ഡോക്ടറാണെന്നാണ് ഇയാള് പോലീസിനോട് പറഞ്ഞത്''- ഷഫീഖ് പറഞ്ഞു.
ശനിയാഴ്ച പുലര്ച്ചെ ഒരു മണിയോടെയാണ് തിരുവനന്തപുരം മ്യൂസിയത്തിന് സമീപം വച്ച് ശ്രീറാം വെങ്കിട്ടരാമന് ഓടിച്ച കാര് അപകടത്തില്പ്പെട്ടത്. ഡ്യൂട്ടി കഴിഞ്ഞു വീട്ടിലേക്ക് മടങ്ങുകയായിരുന്ന സിറാജ് പത്രത്തിന്റെ തിരുവനന്തപുരം ബ്യൂറോ ചീഫ് കെഎം മുഹമ്മദ് ബഷീര് ഓടിച്ച ബൈക്കിലേക്ക് അമിത വേഗത്തിലെത്തിയ ശ്രീറാമിന്റെ കാര് ഇടിക്കുകയായിരുന്നു.
മ്യൂസിയം പോലീസ് സ്റ്റേഷന് 50 മീറ്റര് ദൂരത്തിലാണ് പുലര്ച്ചെ അപകടമുണ്ടായത്. അപകടത്തിന്റെ ശബ്ദം കേട്ട മ്യൂസിയം സ്റ്റേഷനിലെ ഉദ്യോഗസ്ഥര് ഓടിയെത്തുമ്പോള് കണ്ടത് പരിക്കേറ്റ ബഷീറിനെയും എടുത്തു നില്ക്കുന്ന ശ്രീറാം വെങ്കിട്ടരാമനെയുമാണ്. ശ്രീറാം തന്നെ ആംബുലന്സ് വിളിച്ചു വരുത്താന് പോലീസിനോട് ആവശ്യപ്പെട്ടു. ശേഷം കൂടെയാരുമില്ലാതെ ഒരാളെ ആശുപത്രിയിലേക്ക് കൊണ്ടു വരുന്നുണ്ടെന്നും വേണ്ട സഹായം ചെയ്യണമെന്നും തന്റെ വാഹനം ഇടിച്ചാണ് അപകടമുണ്ടായതെന്നും ശ്രീറാം വെങ്കിട്ടരാമന് ആശുപത്രിയിലേക്ക് വിളിച്ചു പറഞ്ഞതായി സംഭവസ്ഥലത്തുണ്ടായിരുന്ന ദൃക്സാക്ഷികള് പറയുന്നു.
എന്നാല് വാഹനമോടിച്ചത് ശ്രീറാം തന്നെയാണെന്നും അദ്ദേഹം മദ്യപിച്ചിരുന്നുവെന്നും സ്ഥിരീകരിക്കുന്ന ദൃക്സാക്ഷികളുടേയും അദ്ദേഹത്തെ പരിശോധിച്ച ഡോക്ടര്മാരുടേയും മൊഴികള് പുറത്തു വന്നതോടെ പോലീസ് സമ്മര്ദത്തിലായി. ഒടുവില് ശ്രീറാമിനൊപ്പം ഉണ്ടായിരുന്ന യുവതിയും അദ്ദേഹമാണ് വണ്ടിയോടിച്ചത് എന്നു മൊഴി നല്കിയതോടെയാണ് അപകടമുണ്ടാക്കിയത് ശ്രീറാമാണെന്ന വിവരം പോലീസ് സ്ഥിരീകരിച്ചത്. അപകടത്തില് ശ്രീറാം വെങ്കിട്ടരാമനും പരിക്കേറ്റിരുന്നു. ഇദ്ദേഹത്തെ നഗരത്തിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്.
ശ്രീറാമിന്റെ മൊഴി ഡിസിപി ഇതിനോടകം രേഖപ്പെടുത്തിയിട്ടുണ്ട്. തിരുവനന്തപുരം കിംസ് ആശുപത്രിയിലുള്ള ശ്രീറാമിന്റെ രക്തസാംപിളുകളും ശേഖരിച്ചിട്ടുണ്ട്. അദ്ദേഹത്തെ ഉടനെ അറസ്റ്റ് ചെയ്യുമെന്നാണ് സൂചന.
തിരുവനന്തപുരം നഗരത്തിലെ ഓട്ടോ ഡ്രൈവറായ ഷഫീക്കാണ് അപകടത്തെക്കുറിച്ചുള്ള കൂടുതല് വിവരങ്ങള് വെളിപ്പെടുത്തിയത്.
'' വെള്ളയമ്പലത്തുവച്ച് എന്നെ ഓവര്ടേക്ക് ചെയ്താണ് കാര് വന്നത്. അമിതവേഗത്തിലായിരുന്നു. ഇതിനിടെ കാര് സ്കിഡായി ബൈക്കിലിടിക്കുകയായിരുന്നു. സ്ത്രീയും പുരുഷനുമായിരുന്നു കാറിലുണ്ടായിരുന്നത്. പുരുഷനായിരുന്നു ഡ്രൈവിങ് സീറ്റില്. ഇയാള് നല്ലരീതിയില് മദ്യപിച്ചിട്ടുണ്ടായിരുന്നു. വണ്ടി ഓടിച്ച ആള് തന്നെയാണ് മരിച്ചയാളെ ബൈക്കിനിടയില്നിന്ന് പുറത്തെടുത്തത്. താന് ഡോക്ടറാണെന്നാണ് ഇയാള് പോലീസിനോട് പറഞ്ഞത്''- ഷഫീഖ് പറഞ്ഞു.
ശനിയാഴ്ച പുലര്ച്ചെ ഒരു മണിയോടെയാണ് തിരുവനന്തപുരം മ്യൂസിയത്തിന് സമീപം വച്ച് ശ്രീറാം വെങ്കിട്ടരാമന് ഓടിച്ച കാര് അപകടത്തില്പ്പെട്ടത്. ഡ്യൂട്ടി കഴിഞ്ഞു വീട്ടിലേക്ക് മടങ്ങുകയായിരുന്ന സിറാജ് പത്രത്തിന്റെ തിരുവനന്തപുരം ബ്യൂറോ ചീഫ് കെഎം മുഹമ്മദ് ബഷീര് ഓടിച്ച ബൈക്കിലേക്ക് അമിത വേഗത്തിലെത്തിയ ശ്രീറാമിന്റെ കാര് ഇടിക്കുകയായിരുന്നു.
മ്യൂസിയം പോലീസ് സ്റ്റേഷന് 50 മീറ്റര് ദൂരത്തിലാണ് പുലര്ച്ചെ അപകടമുണ്ടായത്. അപകടത്തിന്റെ ശബ്ദം കേട്ട മ്യൂസിയം സ്റ്റേഷനിലെ ഉദ്യോഗസ്ഥര് ഓടിയെത്തുമ്പോള് കണ്ടത് പരിക്കേറ്റ ബഷീറിനെയും എടുത്തു നില്ക്കുന്ന ശ്രീറാം വെങ്കിട്ടരാമനെയുമാണ്. ശ്രീറാം തന്നെ ആംബുലന്സ് വിളിച്ചു വരുത്താന് പോലീസിനോട് ആവശ്യപ്പെട്ടു. ശേഷം കൂടെയാരുമില്ലാതെ ഒരാളെ ആശുപത്രിയിലേക്ക് കൊണ്ടു വരുന്നുണ്ടെന്നും വേണ്ട സഹായം ചെയ്യണമെന്നും തന്റെ വാഹനം ഇടിച്ചാണ് അപകടമുണ്ടായതെന്നും ശ്രീറാം വെങ്കിട്ടരാമന് ആശുപത്രിയിലേക്ക് വിളിച്ചു പറഞ്ഞതായി സംഭവസ്ഥലത്തുണ്ടായിരുന്ന ദൃക്സാക്ഷികള് പറയുന്നു.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Sriram Venkataraman's drunken overspeed driving kills journalist, Thiruvananthapuram, News, Trending, Accidental Death, Media, Allegation, Kerala.
Keywords: Sriram Venkataraman's drunken overspeed driving kills journalist, Thiruvananthapuram, News, Trending, Accidental Death, Media, Allegation, Kerala.
Powered by Info News For You
Comments
Post a Comment