നെറ്റ് ബാങ്കിംഗ് ചാര്ജുകള് ഇനി മുതല് ഈടാക്കില്ലെന്ന് എസ്.ബി.ഐ
(www.evisionnews.co) ഇന്ത്യയിലെ ഏറ്റവും വലിയ പൊതുമേഖലാ ബാങ്കായ എസ്.ബി.ഐ നെറ്റ് ബാങ്കിംഗ് ചാര്ജുകള് ഒഴിവാക്കി. ഡിജിറ്റല് ഇടപാടുകള് പ്രോത്സാഹിപ്പിക്കുന്നതിന്റെ ഭാഗമായാണിത്. ആര്.ടി.ജി.എസ്, എന്.ഇ.എഫ്.ടി വഴിയുള്ള ഇടപാടുകള്ക്കുള്ള ചാര്ജുകളാണ് എസ്.ബി.ഐ ഒഴിവാക്കിയത്. ഡിജിറ്റല് ഇടപാടുകള് പ്രോത്സാഹിപ്പിക്കാന് ഇത്തരം ചാര്ജുകള് ഒഴിവാക്കാന് ആര്.ബി.ഐ തീരുമാനിച്ചിരുന്നു. ഇതിന്റെ അടിസ്ഥാനത്തിലാണ് എസ്.ബി.ഐയുടെ നടപടി.
ഡിജിറ്റല് ഇടപാടുകളുടെ ആനുകൂല്യം ഉപഭോക്താക്കള്ക്ക് കൈമാറണമെന്ന് ബാങ്കുകളോട് ആവശ്യപ്പെട്ടു കൊണ്ടായിരുന്നു റിസര്വ് ബാങ്ക് ചാര്ജുകള് ഒഴിവാക്കാന് നിര്ദേശിച്ചത്. എന്.ഇ.എഫ്.ടി വഴി രണ്ടു ലക്ഷം രൂപ വരെ കൈമാറ്റം ചെയ്യാനാകും. അതിനാല് തന്നെ ഇടപാടുകാര് ഏറെയാണ് ഇതിനെ ആശ്രയിക്കുന്നത്.
രാജ്യത്തെ ഏറ്റവും വലിയ ബാങ്കായ എസ്.ബി.ഐ എന്.ഇ.എഫ്.ടി വഴിയുള്ള ഇടപാടിന് ഒരു രൂപ മുതല് അഞ്ച് രൂപ വരെയും, ആര്.ടി.ജി.എസ് ഇടപാടിന് ആഞ്ചു രൂപ മുതല് 50 രൂപ വരെയുമാണ് ചാര്ജ് ഈടാക്കിയിരുന്നത്. ഇതാണ് ഇപ്പോള് ഒഴിവാക്കിയിരിക്കുന്നത്.
Powered by Info News For You
Comments
Post a Comment