അമേഠിയിലെ സ്ട്രോങ്റൂമില് നിന്നും ഇ.വി.എമ്മുകള് ട്രക്കില് കടത്തി: വീഡിയോ പുറത്തുവിട്ട് കോണ്ഗ്രസ്
ലഖ്നൗ (www.evisionnews.co): അമേഠിയിലെ സ്ട്രോങ് റൂമുകളില് നിന്നും ഇ.വി.എമ്മുകള് പുറത്തെത്തിച്ച് ട്രക്കുകളില് കടത്തി കൊണ്ടുപോകുന്ന വീഡിയോ പുറത്ത്. സംഭവത്തിന്റെ വീഡിയോ ദൃശ്യങ്ങള് പുറത്തുവന്നതിന് പിന്നാലെ അമേഠിയില് റീ ഇലക്ഷന് ആവശ്യപ്പെട്ട് കോണ്ഗ്രസ് അധ്യക്ഷനും അമേഠിയിലെ കോണ്ഗ്രസ് സ്ഥാനാര്ത്ഥിയുമായ രാഹുല് ഗാന്ധി രംഗത്തെത്തിയിട്ടുണ്ട്. കേന്ദ്രമന്ത്രി സ്മൃതി ഇറാനിയും രാഹുലും തമ്മില് ശക്തമായ പോരാട്ടം നടക്കുന്ന മണ്ഡലം കൂടിയാണ് അമേഠി.
അമേഠി മണ്ഡലത്തിലെ ഇ.വി.എമ്മുകള് സൂക്ഷിച്ചിരുന്ന സ്ട്രോങ് റൂമില് നിന്നും നിരവധി ഇ.വി.എമ്മുകള് പുറത്തേക്ക് കടത്തുകയും സമീപത്തായി നിര്ത്തിയിട്ടിരിക്കുന്ന ട്രക്കില് കയറ്റുന്നതുമായ വീഡിയോകളാണ് പുറത്തുവന്നിരിക്കുന്നത്. ജാഗ്രന് പത്രവും ന്യൂസ് 18 നും ഉള്പ്പെടെയുള്ള നിരവധി മാധ്യമങ്ങള് സംഭവം റിപ്പോര്ട്ട് ചെയ്തിട്ടുണ്ട്. ആരുടെ നിര്ദേശപ്രകാരമാണ് ഇ.വി.എമ്മുകള് സ്ട്രോങ് റൂമിന് പുറത്തേക്ക് എടുത്തതെന്ന് വ്യക്തമല്ല. പ്രദേശത്തെ കോണ്ഗ്രസ് പ്രവര്ത്തകന് തന്നെയാണ് ഇ.വി.എമ്മുകള് ട്രക്കുകളില് കയറ്റിക്കൊണ്ടുപോകുന്ന വീഡിയോ എടുത്തത്.
Powered by Info News For You
Comments
Post a Comment