എസ്.എഫ്.ഐ പീഡനംമൂലം കോളജ് വിദ്യാര്ത്ഥിനി ആത്മഹത്യക്ക് ശ്രമിച്ച സംഭവം: റിപ്പോര്ട്ട് ആവശ്യപ്പെട്ട് ഗവര്ണര്
രാവിലെ കോളജിലെ ലേഡീസ് റൂം വൃത്തിയാക്കാനെത്തിയവരാണ് കയ്യിലെ ഞരമ്പ് മുറിച്ചതിനെ തുടര്ന്ന് രക്തംവാര്ന്ന് ബോധരഹിതയായ നിലയില് വിദ്യാര്ത്ഥിനിയെ കണ്ടത്. ഉടനെ ആശുപത്രിയിലെത്തിച്ചതിനാല് അപകട നില തരണം ചെയ്തു. ഒന്നാം വര്ഷ ഡിഗ്രി വിദ്യാര്ത്ഥിനിയാണ് പെണ്കുട്ടി. കോളജിലെ എസ്എഫ്ഐ നേതാക്കളില് നിന്നും കടുത്ത സമ്മര്ദം നേരിടുന്നെന്ന് പെണ്കുട്ടി ആത്മഹത്യാക്കുറിപ്പില് എഴുതിയിരുന്നു. പാര്ട്ടി പരിപാടികളില് പങ്കെടുക്കാന് കൂട്ടാക്കാത്തതിനാല് തന്നെ ഒറ്റപ്പെടുത്തുകയാണ്. അധ്യയന വര്ഷം നഷ്ടമാക്കി സമരങ്ങളും മറ്റും നടത്തുന്നതിനെതിരെ സാമൂഹ്യ മാധ്യമങ്ങളില് പോസ്റ്റ് ചെയ്തതോടെ ഭീഷണി ശക്തമായെന്നും കുറിപ്പിലുണ്ട്. ഈ സാഹചര്യത്തിലാണ് സംഭവത്തെ കുറിച്ചും യൂണിവേഴ്സിറ്റിയിലെ സംഘടനാ പ്രവര്ത്തനങ്ങളെ കുറിച്ചും അന്വേഷിക്കണമെന്ന് ആവശ്യപ്പെട്ട് കെഎസ്യു ഗവര്ണര്ക്ക് നിവേദനം നല്കിയത്. സംഭവത്തില് സംസ്ഥാന മനുഷ്യാവകാശ കമ്മീഷന് സ്വമേധയാ കേസെടുത്തിട്ടുണ്ട്. കോളജ് വിദ്യാഭ്യാസ ഡയറക്ടറും കോളജ് പ്രിന്സിപ്പലും അന്വേഷണം നടത്തി ഒരു മാസത്തിനകം റിപ്പോര്ട്ട് സമര്പ്പിക്കണമെന്ന് കമ്മീഷന് അധ്യക്ഷന് ജസ്റ്റിസ് ആന്റണി ഡൊമിനിക് ആവശ്യപ്പെട്ടു.
Powered by Info News For You
Comments
Post a Comment