ദേശീയപാത വികസനം: കേരളത്തെ ഒഴിവാക്കിയ വിജ്ഞാപനം റദ്ദാക്കി, ദേശീയപാത വികസനത്തില് കേരളത്തോട് വിവേചനം കാണിക്കില്ലെന്ന് കേന്ദ്ര ഉപരിതലഗതാഗത മന്ത്രിയുടെ ഉറപ്പ്
ഡല്ഹി: (www.kvartha.com 09.05.2019) ദേശീയപാത വികസനത്തില് കേരളത്തെ മുന്ഗണനാ പട്ടികയില്നിന്ന് ഒഴിവാക്കിയ വിജ്ഞാപനം കേന്ദ്രസര്ക്കാര് റദ്ദാക്കി. ദേശീയപാത വികസനത്തില് കേരളത്തോട് വിവേചനം കാണിക്കില്ലെന്ന് കേന്ദ്ര ഉപരിതലഗതാഗത മന്ത്രി നിതിന് ഗഡ്കരി ഉറപ്പ് നല്കി. ദേശീയ പാത സ്ഥലമേറ്റെടുപ്പ് നിര്ത്തിവെക്കണമെന്നാവശ്യപ്പെട്ട് നേരത്തെ ബിജെപി സംസ്ഥാന പ്രസിഡന്റ് പി എസ് ശ്രീധരന് പിള്ള കേന്ദ്രത്തിന് കത്തെഴുതിയിരന്നു. പ്രതിഷേധം ശക്തമായതോടെ ദേശീയപാത വികസനത്തില് കേരളത്തെ മുന്ഗണനാ പട്ടികയില് ഉള്പ്പെടുത്തണമെന്നാവശ്യപ്പെട്ട് ബിജെപി നേതാവും കേന്ദ്രമന്ത്രിയുമായ അല്ഫോന്സ് കണ്ണന്താനം കേന്ദ്രമന്ത്രിക്ക് കത്തയക്കുകയായിരുന്നു.
കേരളത്തിലെ ദേശീയപാതാ വികസനത്തിനായി സംസ്ഥാന സര്ക്കാര് ചെയ്യേണ്ട കാര്യങ്ങള് ഏറെക്കുറെ പൂര്ത്തിയാക്കിയപ്പോഴാണ് മുന്തിയ പരിഗണനാ പട്ടികയില്നിന്നു കേരളത്തിലെ ദേശീയപാതയെ ഒഴിവാക്കാന് കേന്ദ്ര സര്ക്കാര് തീരുമാനിച്ചിരുന്നത്. അടുത്ത രണ്ടു വര്ഷത്തേക്ക് തുടര്നടപടികള് അസാധ്യമാക്കുന്ന തരത്തിലാണ് ദേശീയപാതാ അഥോറിറ്റിയുടെ പുതിയ തീരുമാനമുണ്ടായത്.
ഇതിനെ തുടര്ന്ന് മുഖ്യമന്ത്രി പിണറായി വിജയന് കേന്ദ്രസര്ക്കാരിനെതിരേ രൂക്ഷ വിമര്ശനവുമായി രംഗത്തെത്തിയിരുന്നു. കേരളത്തിന്റെ വികസനം തടയുന്ന സമീപനമാണ് കേന്ദ്ര സര്ക്കാരും ബിജെപിയും സ്വീകരിക്കുന്നതെന്നാണ് മുഖ്യമന്ത്രി പറഞ്ഞത്. ദേശീയപാത വികസനം അട്ടിമറിച്ച തീരുമാനത്തിന് പിന്നില് ബിജെപി സംസ്ഥാന അധ്യക്ഷന് പി എസ് ശ്രീധരന്പിള്ളയാണെന്ന് ധനമന്ത്രി തോമസ് ഐസക്കും ആരോപിച്ചിരുന്നു.
കണ്ണന്താനത്തിന്റെ ആവശ്യപ്രകാരമാണ് നടപടിയെന്ന് കേന്ദ്ര ഉപരിതലഗതാഗത മന്ത്രി നിതിന് ഗഡ്കരി അറിയിച്ചു. ദേശീയപാത വികസനത്തില് കേരളത്തോട് വിവേചനം കാണിക്കില്ലെന്നും ഭൂമി ഏറ്റെടുക്കലാണ് ഇവിടുത്തെ പ്രധാന വിഷയമെന്നും ഗഡ്കരി പറഞ്ഞു. കേരളത്തെ മുന്ഗണന പട്ടികയില് ഉള്പ്പെടുത്തി ദേശീയപാത വികസനം നടത്തുമെന്ന് അല്ഫോന്സ് കണ്ണന്താനവും പ്രതികരിച്ചു. ഇക്കാര്യത്തില് കേരളത്തിന് ഭയപ്പെടേണ്ട സാഹചര്യമില്ല. സംസ്ഥാന സര്ക്കാരിന്റെ ആരോപണത്തില് വാസ്തവമില്ലെന്നും കണ്ണന്താനം വ്യക്തമാക്കി.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Ordinance removing Kerala from NH development priority list cancelled: Gadkari, New Delhi, News, National, Minister, BJP, Politics, Trending.
കേരളത്തിലെ ദേശീയപാതാ വികസനത്തിനായി സംസ്ഥാന സര്ക്കാര് ചെയ്യേണ്ട കാര്യങ്ങള് ഏറെക്കുറെ പൂര്ത്തിയാക്കിയപ്പോഴാണ് മുന്തിയ പരിഗണനാ പട്ടികയില്നിന്നു കേരളത്തിലെ ദേശീയപാതയെ ഒഴിവാക്കാന് കേന്ദ്ര സര്ക്കാര് തീരുമാനിച്ചിരുന്നത്. അടുത്ത രണ്ടു വര്ഷത്തേക്ക് തുടര്നടപടികള് അസാധ്യമാക്കുന്ന തരത്തിലാണ് ദേശീയപാതാ അഥോറിറ്റിയുടെ പുതിയ തീരുമാനമുണ്ടായത്.
ഇതിനെ തുടര്ന്ന് മുഖ്യമന്ത്രി പിണറായി വിജയന് കേന്ദ്രസര്ക്കാരിനെതിരേ രൂക്ഷ വിമര്ശനവുമായി രംഗത്തെത്തിയിരുന്നു. കേരളത്തിന്റെ വികസനം തടയുന്ന സമീപനമാണ് കേന്ദ്ര സര്ക്കാരും ബിജെപിയും സ്വീകരിക്കുന്നതെന്നാണ് മുഖ്യമന്ത്രി പറഞ്ഞത്. ദേശീയപാത വികസനം അട്ടിമറിച്ച തീരുമാനത്തിന് പിന്നില് ബിജെപി സംസ്ഥാന അധ്യക്ഷന് പി എസ് ശ്രീധരന്പിള്ളയാണെന്ന് ധനമന്ത്രി തോമസ് ഐസക്കും ആരോപിച്ചിരുന്നു.
കണ്ണന്താനത്തിന്റെ ആവശ്യപ്രകാരമാണ് നടപടിയെന്ന് കേന്ദ്ര ഉപരിതലഗതാഗത മന്ത്രി നിതിന് ഗഡ്കരി അറിയിച്ചു. ദേശീയപാത വികസനത്തില് കേരളത്തോട് വിവേചനം കാണിക്കില്ലെന്നും ഭൂമി ഏറ്റെടുക്കലാണ് ഇവിടുത്തെ പ്രധാന വിഷയമെന്നും ഗഡ്കരി പറഞ്ഞു. കേരളത്തെ മുന്ഗണന പട്ടികയില് ഉള്പ്പെടുത്തി ദേശീയപാത വികസനം നടത്തുമെന്ന് അല്ഫോന്സ് കണ്ണന്താനവും പ്രതികരിച്ചു. ഇക്കാര്യത്തില് കേരളത്തിന് ഭയപ്പെടേണ്ട സാഹചര്യമില്ല. സംസ്ഥാന സര്ക്കാരിന്റെ ആരോപണത്തില് വാസ്തവമില്ലെന്നും കണ്ണന്താനം വ്യക്തമാക്കി.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Ordinance removing Kerala from NH development priority list cancelled: Gadkari, New Delhi, News, National, Minister, BJP, Politics, Trending.
Powered by Info News For You
Comments
Post a Comment