എസ്.എസ്.എല്.സി പരീക്ഷാ ഫലം ഇന്നറിയാം
(www.evisionnews.co) ഈ വര്ഷത്തെ എസ്.എസ്.എല്.സി പരീക്ഷാഫലം ഇന്നറിയാം. തെരഞ്ഞെടുപ്പ് പെരുമാറ്റ ചട്ടം നിലനില്ക്കുന്നതിനാല് ഉച്ചക്ക് രണ്ട് മണിക്ക് വിദ്യാഭ്യാസ മന്ത്രിയ്ക്ക് പകരം പൊതുവിദ്യാഭ്യാസ സെക്രട്ടറിയാകും ഫലം പ്രഖ്യാപിക്കുക. ഓണ്ലൈനിലൂടെയാണ് ഫലം അറിയാന് സൌകര്യം ഒരുക്കിയിരിക്കുന്നത്. നാലര ലക്ഷം വിദ്യാര്ഥികളാണ് ഈ വര്ഷം എസ്.എസ്.എല്.സി പരീക്ഷ എഴുതിയത്.
ഇത്തവണ എസ്.എസ്.എല്.സി ഫലമറിയാന് കേരളാ ഇന്ഫ്രാസ്ട്രക്ചര് ആന്റ് ടെക്നോളജി ഫോര് എഡ്യൂക്കേഷന് (കൈറ്റ്) നൂതന സംവിധാനങ്ങളാണ് ഒരുക്കിയിരിക്കുന്നത്. ഇന്ന് ഉച്ചക്ക് രണ്ട് മണി മുതല് കൈറ്റിന്റെ വെബ്സൈറ്റിലൂടെ ഫലമറിയാം. ഇതിനുപുറമെ 'സഫലം 2019' എന്ന മൊബൈല് ആപ് വഴിയും ഫലമറിയാനുള്ള സൗകര്യങ്ങളാണ് ഒരുക്കിയിരിക്കുന്നത്. ഗൂഗിള് പ്ലേ സ്റ്റോറില് നിന്നും 'Saphalam 2019' എന്നു നല്കി ആപ് ഡൗണ്ലോഡ് ചെയ്യാം. വ്യക്തിഗത റിസള്ട്ടിനു പുറമെ സ്കൂള് വിദ്യാഭ്യാസ ജില്ല,റവന്യൂജില്ലാ തലങ്ങളിലുള്ള റിസള്ട്ട് അവലോകനം, വിഷയാധിഷ്ഠിത അവലോകനങ്ങള്, വിവിധ റിപ്പോര്ട്ടുകള്, ഗ്രാഫിക്സുകള് തുടങ്ങിയവ ഉള്ക്കൊള്ളുന്ന പൂര്ണ്ണമായ വിശകലനം പോര്ട്ടലിലും മൊബൈല് ആപ്പിലും 'റിസള്ട്ട് അനാലിസിസ്' എന്ന ലിങ്ക് വഴി ലോഗിന് ചെയ്യാതെ തന്നെ മൂന്നു മണി മുതല് ലഭ്യമാകും. ഹയര് സെക്കന്ററി, വൊക്കേഷണല് ഹയര് സെക്കന്ഡറി ഫലങ്ങളും പ്രഖ്യാപിക്കുന്ന മുറയ്ക്ക് ഇതേ പോര്ട്ടലിലും ആപ്പിലും ലഭ്യമാക്കും.പ്രൈമറിതലം മുതലുളള കൈറ്റ് ബ്രോഡ്ബാന്ഡ് ഇന്റര്നെറ്റ് സംവിധാനം ലഭ്യമാക്കിയിട്ടുള്ള 11769 സ്കൂളുകളിലും വിദ്യാര്ത്ഥികള്ക്ക് റിസള്ട്ടറിയാനുള്ള സംവിധാനം ഒരുക്കുന്നുണ്ട്.
Powered by Info News For You
Comments
Post a Comment