പ്രശസ്ത മാപ്പിളപ്പാട്ട് ഗായകന് എരഞ്ഞോളി മൂസ അന്തരിച്ചു
കണ്ണൂര് (www.evisionnews.co): പ്രശസ്ത മാപ്പിളപ്പാട്ട് ഗായകന് എരഞ്ഞോളി മൂസ അന്തരിച്ചു. 75 വയസ്സായിരുന്നു. തലശ്ശേരിയിലെ വീട്ടില് വച്ചായിരുന്നു അന്ത്യം. ശ്വാസകോശ സംബന്ധമായ അസുഖത്തെ തുടര്ന്ന് ചികിത്സയിലായിരുന്നു. നാട്ടിലും വിദേശത്തുമായി ആയിരത്തിലധികം വേദികളില് പാടി. കണ്ണൂര് ജില്ലയിലെ തലശ്ശേരിക്കടുത്തുള്ള എരഞ്ഞോളിയാണ് ഇദ്ദേഹത്തിന്റെ നാട്. എരഞ്ഞോളി വലിയകത്തെ ആസിയയുടെയും അബ്ദുവിന്റെയും മകനായ ഇദ്ദേഹം വലിയകത്ത് മൂസ എന്നായിരുന്നു ആദ്യകാലത്ത് അറിയപ്പെട്ടിരുന്നത്.
അരിമുല്ലപ്പൂമണം ഉള്ളോളെ അഴകിലേറ്റം ഗുണമുള്ളോളെ.. എന്നു തുടങ്ങുന്ന ഗാനത്തോടെയാണ് എരഞ്ഞോളി മൂസ പാട്ടുജീവിതം തുടങ്ങുന്നത്. ഗ്രാമീണ കലാസമിതികളിലൂടെയാണ് അദ്ദേഹം വളര്ന്നത്. ശരത്ചന്ദ്ര മറാഠെയുടെ കീഴില് രണ്ടുവര്ഷം സംഗീതവും പഠിച്ചു. കല്യാണ വീടുകളില് പെട്രോമാക്സിന്റെ ഇരുണ്ട വെളിച്ചത്തില് പാടിത്തുടങ്ങിയ എരഞ്ഞോളി മൂസ ഗള്ഫ്നാടുകളില് ഏറ്റവും കൂടുതല് സ്റ്റേജ്ഷോ അവതരിപ്പിച്ച മാപ്പിളപ്പാട്ട് ഗായകനാണ്. കഷ്ടപ്പാടുകള്ക്കിടയില്നിന്ന് അറിയപ്പെടുന്ന ഗായകനായിമാറിയ അദ്ദേഹം ഫോക്ലോര് അക്കാദമി വൈസ് ചെയര്മാനുമാണ്.
Powered by Info News For You
Comments
Post a Comment