മലര്ന്നു കിടന്ന് തുപ്പുമ്പോള് ആരുടെ മുഖത്തേക്കാണ് തുപ്പുന്നതെന്ന് ഓര്മവേണം: സി. ദിവാകരനോട് വി.എസ്
കേരളം (www.evisionnews.co): ഭരണ പരിഷ്കാര കമ്മിഷന് പരാജയമാണെന്ന് പറഞ്ഞ മുന് മന്ത്രിയും തിരുവനന്തപുരത്തെ എല്.ഡി.എഫ് സ്ഥാനാര്ത്ഥിയുമായ സി. ദിവാകരന് മറുപടിയുമായി കമ്മിഷന് അധ്യക്ഷന് വി.എസ്. അച്യുതാനന്ദന്. മലര്ന്നുകിടന്നു തുപ്പരുതെന്ന് ദിവാകരനെ വിഎസ് വിമര്ശിച്ചു.
ഭരണ പരിഷ്കരണ കമ്മീഷന് പരാജയമാണെന്നും, ഒരു മുന് മന്ത്രിക്ക് കൊമ്പുണ്ടെന്നും പറയുമ്പോള്, ആ മന്ത്രിസഭയിലിരുന്ന മന്ത്രി എന്താണ് ചെയ്തുകൊണ്ടിരുന്നതെന്ന് ജനങ്ങള് അന്വേഷിക്കും. അന്നത്തെ മാധ്യമ വാര്ത്തകള് അവര് അയവിറക്കും. മലര്ന്നു കിടന്ന് തുപ്പുന്നവര്ക്കറിയില്ല, ആരുടെ മുഖത്തേക്കാണവര് തുപ്പുന്നതെന്ന് വിഎസ് അച്യുതാനന്ദന് ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂര്ണ്ണ രൂപം
പാര്ലമെന്ററി രാഷ്ട്രീയത്തില് പരാജയങ്ങളുണ്ടെന്ന് ഒരു എംഎല്എ പ്രഖ്യാപിക്കുമ്പോള്, അതൊരു വാര്ത്തയാവുകയാണ്. ഭരണ പരിഷ്കരണ കമ്മിഷന് പരാജയമാണെന്നും ഒരു മുന് മന്ത്രിക്കു കൊമ്പുണ്ടെന്നും പറയുമ്പോള്, ആ മന്ത്രിസഭയിലിരുന്ന മന്ത്രി എന്താണു ചെയ്തുകൊണ്ടിരുന്നതെന്നു ജനങ്ങള് അന്വേഷിക്കും. അന്നത്തെ മാധ്യമ വാര്ത്തകള് അവര് അയവിറക്കും. മലര്ന്നു കിടന്നു തുപ്പുന്നവര്ക്കറിയില്ല, ആരുടെ മുഖത്തേക്കാണവര് തുപ്പുന്നതെന്ന്.
ഭരണ പരിഷ്കരണ കമ്മിഷനെ സംബന്ധിച്ച്, ഇതിനകം മൂന്ന് റിപ്പോര്ട്ടുകള് പൂര്ത്തിയാക്കി സര്ക്കാരിനു സമര്പ്പിച്ചിട്ടുണ്ട്. അതൊരു പരാജയമാണെന്ന് അഭിപ്രായമില്ല. സംസ്ഥാനത്തിന്റെ ധനകാര്യം കൈകാര്യം ചെയ്യുമ്പോള് ധനമന്ത്രിയുടെ പരിഗണനാ വിഷയങ്ങള് മുന്ഗണനാടിസ്ഥാനത്തിലായേ തീരൂ. അവിടെ ഘടകകക്ഷികളുടെ സ്വാര്ഥ താല്പര്യങ്ങള്ക്കു മുന്ഗണന നല്കാനാവില്ല. എന്നാല്, ഇടതുപക്ഷത്തിന്റെ പ്രഖ്യാപിത നിലപാടുകളോടു പരിഗണനാ വിഷയങ്ങള് നീതി പുലര്ത്തുന്നില്ലെങ്കില് അതു പറയുന്നതില് തെറ്റുമില്ല.
Powered by Info News For You
Comments
Post a Comment