എഴുത്തുകാരനും പ്രഭാഷകനുമായിരുന്ന ഡോ. ഡി. ബാബു പോള് അന്തരിച്ചു
(www.evisionnews.co) മുന് അഡീഷണല് ചീഫ് സെക്രട്ടറിയും എഴുത്തുകാരനും പ്രഭാഷകനുമായിരുന്ന ഡോ. ഡി ബാബു പോള് (78) അന്തരിച്ചു. ഹൃദ്രോഗത്തെ തുടര്ന്ന് തിരുവനന്തപുരത്തെ സ്വകാര്യ ആശുപത്രിയില് വച്ച് ഇന്നു പുലര്ച്ചയാണ് അന്ത്യം. അഡീഷനല് ചീഫ് സെക്രട്ടറിയായി വിരമിച്ച അദ്ദേഹം തദ്ദേശസ്വയംഭരണ വകുപ്പ് ഓംബുഡ്സ്മാനായും സേവനമനുഷ്ഠിച്ചിരുന്നു.
എറണാകുളം കുറുപ്പുംപടി ചീരത്തോട്ടത്തില് പി.എ.പൗലോസ് കോറെപ്പിസ്കോപ്പയുടെയും മേരി പോളിന്റേയും മകനായി 1941ലാണ് ബാബു പോളിന്റെ ജനനം. 21ാം വയസ്സില് സര്ക്കാര് സര്വീസില് പ്രവേശിച്ച ബാബുപോള് 59ാം വയസ്സില് ഐഎഎസില്നിന്നു സ്വമേധയാ വിരമിച്ച് ഓംബുഡ്സ്മാന് സ്ഥാനം സ്വീകരിച്ചു. 2001 സെപ്റ്റംബറില് ഉദ്യോഗത്തില് നിന്നും വിരമിച്ചു. സിവില് സര്വീസ് മേഖലയില് മിടുക്കരെ വളര്ത്തിയെടുക്കാനായി സ്ഥാപിച്ച കേരള സിവില് സര്വീസ് അക്കാദമിയുടെ ‘മെന്റര് എമിരറ്റസ്’ ആയിരുന്നു
4000 ടൈറ്റിലുകളും ആറുലക്ഷം വാക്കുകളും ഉള്ക്കൊള്ളുന്ന ‘വേദശബ്ദ രത്നാകര’മെന്ന ബൈബിള് നിഘണ്ടു ഉള്പ്പെടെ നിരവധി ഗ്രന്ഥങ്ങള് രചിച്ചിട്ടുണ്ട്. 2000ല് കേരള സാഹിത്യ അക്കാദമി അവാര്ഡ് ലഭിച്ചു. പരേതയായ അന്ന ബാബു പോള് (നിര്മല) ആണ് ഭാര്യ. മക്കള്: മറിയം ജോസഫ് (നീബ), ചെറിയാന് സി പോള് (നിബു). മരുമക്കള്: മുന് ഡിജിപി എം കെ ജോസഫിന്റെ മകന് സതീഷ് ജോസഫ്, മുന് ഡിജിപി സി എ.ചാലിയുടെ മകള് ദീപ.
Powered by Info News For You
Comments
Post a Comment