മതസ്പര്ദ്ധ വളര്ത്തിയിട്ടില്ല, ശബരിമല ഒരു ദേശത്തിന്റെ പേരാണെന്ന് സുരേഷ് ഗോപി
(www.evisionnews.co) തേക്കിന്കാട് മൈതാനിയില് താന് നടത്തിയ പ്രസംഗത്തില് തിരഞ്ഞെടുപ്പ് ചട്ടം ലംഘിച്ചിട്ടില്ലെന്ന് ബി.ജെ.പി സ്ഥാനാര്ഥിയും നടനുമായ സുരേഷ് ഗോപി. തൃശൂര് ജില്ലാ കളക്ടര് ടി.വി അനുപമക്ക് നല്കിയ വിശദീകരണത്തിലാണ് ഇങ്ങനെ മറുപടി നല്കിയത്. എട്ടുമണിക്ക് മുമ്പ് മറുപടി നല്കണമെന്നായിരുന്നു വരണാധികാരിയായ കളക്ടര് ആവശ്യപ്പെട്ടിരുന്നത്. വിശദമായ മറുപടിക്ക് കൂടുതല് സമയം അനുവദിക്കണമെന്നും അദ്ദേഹം ആവശ്യപ്പെട്ടു. ശബരിമല എന്നത് ഒരു ദേശത്തിന്റെ പേരാണ്. ശബരിമല ക്ഷേത്രമെന്നോ അയ്യപ്പ സ്വാമിയെന്നോ പറഞ്ഞിട്ടില്ലെന്നും സുരേഷ് ഗോപി മറുപടിയില് പറയുന്നു.
കേന്ദ്ര തിരഞ്ഞെടുപ്പ് കമ്മീഷന്റെ നിര്ദേശം മത സ്പര്ദ്ധ വളര്ത്തുന്ന രീതിയില് പ്രചാരണം നടത്തരുത് എന്നാണ്. അത്തരത്തില് ഒരു നടപടിയും തന്റെ ഭാഗത്തു നിന്ന് ഉണ്ടായിട്ടില്ല. ദൈവത്തിന്റെ പേരോ മത ചിഹ്നമോ ഉപയോഗിച്ച് പ്രചാരണം നടത്തിയിട്ടില്ലെന്നും അദ്ദേഹം വിശദീകരിച്ചു.
സുരേഷ് ഗോപിക്ക് അയ്യപ്പന്റെ പേരില് വോട്ട് തേടിയതിനു വിശദീകരണം ചോദിച്ച് ജില്ലാ കളക്ടര് ടി വി അനുപമ നോട്ടീസ് അയ്ച്ചിരുന്നു. 48 മണിക്കൂറിനുള്ളില് വിശദീകരണം നല്കണമെന്നാണ് നിര്ദേശം. സുരേഷ് ഗോപിയുടെ തൃശൂര് തേക്കിന്കാട് മൈതാനിയില് നടന്ന തിരഞ്ഞെടുപ്പ് കണ്വെന്ഷനിലെ പ്രസംഗത്തിന്റെ പേരിലാണ് വിശദീകരണം.
Powered by Info News For You
Comments
Post a Comment