ശ്രീലങ്ക സ്ഫോടനം: കാസര്കോട്ട് എന്.ഐ.എ സംഘം റെയ്ഡ് നടത്തി
കാസര്കോട്: (www.evisionnews.co) ശ്രീലങ്കയില് നടന്ന സ്ഫോടന പരമ്പരയുമായി ബന്ധപ്പെട്ട് കാസര്കോട് എന്.ഐ.എ റെയ്ഡ് നടത്തി. വിദ്യാനഗര് സ്വദേശികളായ അബൂബക്കര് സിദ്ദിഖ്, അഹമ്മദ് അറാഫത്ത് എന്നിവരുടെ വീടുകളിലാണ് ഇന്ന് രാവിലെ കൊച്ചിയിലെ എന്.ഐ.എ സംഘം റെയ്ഡ് നടത്തിയത്. റെയ്ഡ് നടത്തിയ എന്.ഐ.എ സംഘം മൊബൈല് ഫോണുകള് അടക്കം പിടിച്ചെടുത്തു. വിശദമായി ചോദ്യം ചെയ്യലിന് ഹാജരാകാന് ഇരുവര്ക്കും നോട്ടീസ് നല്കുകയും ചെയ്തു. ശ്രീലങ്കയില് സ്ഫോടനം നടത്തിയ ചാവേര് സഹ്രാന് ഹാഷിമിന്റെ ആശയങ്ങളില് ആകൃഷ്ടരായിരുന്നു ഇരുവരുമെന്നാണ് ലഭ്യമാകുന്ന വിവരം.
കൊല്ലപ്പെട്ട സഹ്രാന് ഹാഷിമുമായി ഇവര്ക്ക് നേരിട്ട് ബന്ധമുണ്ടായിരുന്നോ എന്ന് കണ്ടെത്തുന്നതിന് വേണ്ടിയാണ് റെയ്ഡ് നടത്തിയതും ചോദ്യം ചെയ്യലിന് ഹാജരാകണമെന്ന് നോട്ടീസ് നല്കിയതും. വളരെ രഹസ്യ സ്വഭാവത്തിലാണ് റെയ്ഡ് നടത്തിയത്.
ഏപ്രില് 21നാണ് ശ്രീലങ്കയെ നടുക്കിയ സ്ഫോടന പരമ്പര നടന്നത്. അബൂബക്കര് സിദ്ദീഖിയോടും അഹമ്മദ് അറാഫത്തിനോടും തിങ്കളാഴ്ച കൊച്ചിയിലെ എന്.ഐ.എ ഓഫീസില് ചോദ്യം ചെയ്യലിന് ഹാജരാകാന് നോട്ടീസ് നല്കിയിട്ടുണ്ട്.
Powered by Info News For You
Comments
Post a Comment