ശ്രീലങ്കയിലെ ഐസിസ് കേന്ദ്രത്തില് പരിശോധനയ്ക്കിടെ ചാവേറുകള് പൊട്ടിത്തെറിച്ച് സ്ത്രീകളും കുട്ടികളും അടക്കം 15 പേര് കൊല്ലപ്പെട്ടു; കുര്ബാനകള് റദ്ദാക്കി കത്തോലിക്കാ സഭ
കൊളംബോ: (www.kvartha.com 27.04.2019) ശ്രീലങ്കയില് ഈസ്റ്റര് ദിനത്തിലുണ്ടായ തീവ്രവാദി ആക്രമണത്തിന് പിന്നാലെ രാജ്യത്തെ ഐസിസ് കേന്ദ്രത്തില് സുരക്ഷാസേന നടത്തിയ പരിശോധനയ്ക്കിടെ ആറ് കുട്ടികള് ഉള്പ്പെടെ 15 പേര് കൊല്ലപ്പെട്ടു. അമ്പാര ജില്ലയിലെ സെയ്ന്തമരുത് എന്ന സ്ഥലത്തുവെച്ചാണ് ഏറ്റുമുട്ടല് നടന്നത്. സ്ഫോടകവസ്തു ശേഖരമുണ്ടെന്ന വിവരത്തിന്റെ അടിസ്ഥാനത്തില് നടത്തിയ തിരച്ചിലിനിടെയാണ് വെടിവെപ്പുണ്ടായത്.
പോലീസും സൈന്യവും സംയുക്തമായാണ് തിരച്ചില് നടത്തിയത്. പോലീസിന്റെയും സൈന്യത്തിന്റെയും സംയുക്ത സംഘത്തിനു നേരെ ഒരുകൂട്ടം ആളുകള് നിറയൊഴിക്കുകയായിരുന്നു. ഇതിന് പിന്നാലെ സ്ഫോടനങ്ങളുമുണ്ടായി.
പരിശോധനയ്ക്കിടെ മൂന്ന് ചാവേറുകള് സ്വയം പൊട്ടിത്തെറിക്കുകയായിരുന്നു എന്നാണ് കരുതുന്നത്. മൂന്ന് സ്ത്രീകളും ആറ് കുട്ടികളുമാണ് ചാവേര് സ്ഫോടനത്തില് കൊല്ലപ്പെട്ടത്. ബാക്കിയുള്ളവരെ സുരക്ഷാസേന വെടിവച്ച് കൊല്ലുകയായിരുന്നു. രാജ്യത്തിന്റെ കിഴക്കന് നഗരമായ കലുമുനായിയില് വെള്ളിയാഴ്ച രാത്രിയാണ് സംഭവം.
ഐസിസ് കേന്ദ്രത്തില് തീവ്രവാദികള് ഒളിച്ചിരിക്കുന്നുണ്ടെന്ന രഹസ്യവിവരത്തെ തുടര്ന്ന് പോലീസ് പരിശോധനയ്ക്ക് എത്തിയപ്പോഴാണ് മൂന്ന് ചാവേറുകള് സ്വയം പൊട്ടിത്തെറിച്ചത്. വീട്ടിലുള്ളവരുമായി പോലീസ് സംഘം ഒരുമണിക്കൂറിലേറെ ഏറ്റുമുട്ടി. തുടര്ന്ന് നടത്തിയ പരിശോധനയിലാണ് മൃതദേഹങ്ങള് കണ്ടെത്തിയത്.
സ്ഥലത്തുനിന്നും രണ്ട് വാഹനങ്ങളും കണ്ടെടുത്തിട്ടുണ്ട്. ഇതിലൊന്ന് ശ്രീലങ്കയിലെ തീവ്രവാദ സംഘടനയായ നാഷണല് തൗഹീദ് ജമാഅത്തിന്റെ സഹ്രാന് ഹാഷിമിന്റേതാണെന്നാണ് കരുതുന്നത്. മൂന്നുപേര്ക്ക് പരിക്കേറ്റതായും ഒരു പ്രദേശവാസി കൊല്ലപ്പെട്ടതായും വിവരങ്ങളുണ്ട്. ഏറ്റമുട്ടലിനൊടുവില് മൂന്നുപേരെ അറസ്റ്റ് ചെയ്തിട്ടുണ്ട്. ഏറ്റുമുട്ടലിനിടയില് പെട്ട ഒരു ഗ്രാമീണനും കൊല്ലപ്പെട്ടതായി സുരക്ഷാസേനയുടെ വക്താവ് സുമിത്ത് അട്ടപ്പട്ടു അറിയിച്ചു.
സംഭവത്തില് സുരക്ഷാസേനയില് പെട്ട ആര്ക്കും പരിക്കേറ്റിട്ടില്ലെന്നും അദ്ദേഹം അറിയിച്ചു. ഏറ്റുമുട്ടല് നടന്ന സ്ഥലത്താണ് ഐസിസ് തലവന് അബുബക്കര് അല് ബഗ്ദാദിക്ക് പിന്തുണ അര്പ്പിച്ച് കൊണ്ട് തീവ്രവാദികള് വീഡിയോ ഷൂട്ട് ചെയ്തത്. ഈസ്റ്റര് ദിനത്തില് രാജ്യതലസ്ഥാനത്ത് ആക്രമണം നടത്തിയവരുടെ വസ്ത്രവും കറുത്ത കൊടികളും, സ്ഫോടകവസ്തുക്കള്, ചാവേര് ആക്രമണത്തിനുപയോഗിക്കുന്ന കിറ്റുകള്, ഡിറ്റണേറ്ററുകള്, ഐഎസിന്റെ പതാക, യൂണിഫോം എന്നിവ ഇവിടെ നിന്നും ലഭിച്ചതായും അട്ടപ്പട്ടു വ്യക്തമാക്കി.
അതേസമയം, തീവ്രവാദി ആക്രമണത്തിന്റെ പശ്ചാത്തലത്തില് രാജ്യത്തെ ഞായറാഴ്ച പ്രാര്ത്ഥനകള് ഇനി ഒരു അറിയിപ്പുണ്ടാകുന്നത് വരെ റദ്ദാക്കിയതായി ഓര്ത്തഡോക്സ് സഭ അറിയിച്ചു. കൂടുതല് ഭീകരാക്രമണ സാധ്യതയുണ്ടെന്ന മുന്നറിയിപ്പിനെ തുടര്ന്നാണ് കുര്ബാനകള് റദ്ദാക്കിയത്.
വിശ്വാസികള് വീടുകളില് തന്നെ തുടരണമെന്നും ആര്ച്ച് ബിഷപ്പ് സന്ദേശത്തില് അറിയിച്ചു. അതിനിടെ രാജ്യത്തെ വിവിധ കേന്ദ്രങ്ങളില് 70 ഐസിസ് ഭീകരര് ഒളിച്ച് താമസിക്കുന്നുണ്ടെന്ന് സംശയിക്കുന്നതായും ഇവരെ കണ്ടെത്താന് തിരച്ചില് ഊര്ജിതമാക്കിയതായും അധികൃതര് അറിയിച്ചു.
അതേസമയം 253 പേര് കൊല്ലപ്പെട്ട സ്ഫോടന പരമ്പരയുമായി ബന്ധപ്പെട്ട് 76 പേരാണ് ഇതുവരെ അറസ്റ്റിലായത്. ഇവരില് ഈജിപ്ത്, സിറിയ എന്നീ രാജ്യങ്ങളില് നിന്നുള്ളവരുമുണ്ട്. ആക്രമണത്തിന്റെ ഉത്തരവാദിത്വം ഐഎസ് ഏറ്റെടുത്തിരുന്നു. എന്നാല് ഇതിന് ഉപോത്ബലകമായ വിവരങ്ങള് അവര് പുറത്തുവിട്ടിട്ടില്ല. ഐഎസിന്റെ വാദം ശരിയാണെങ്കില് ഇറാഖിനും, സിറിയയ്ക്കും പുറത്ത് അവര് നടത്തുന്ന ഏറ്റവും വലിയ കൂട്ടക്കൊലയാണ് ശ്രീലങ്കയില് നടന്നത്.
പോലീസും സൈന്യവും സംയുക്തമായാണ് തിരച്ചില് നടത്തിയത്. പോലീസിന്റെയും സൈന്യത്തിന്റെയും സംയുക്ത സംഘത്തിനു നേരെ ഒരുകൂട്ടം ആളുകള് നിറയൊഴിക്കുകയായിരുന്നു. ഇതിന് പിന്നാലെ സ്ഫോടനങ്ങളുമുണ്ടായി.
പരിശോധനയ്ക്കിടെ മൂന്ന് ചാവേറുകള് സ്വയം പൊട്ടിത്തെറിക്കുകയായിരുന്നു എന്നാണ് കരുതുന്നത്. മൂന്ന് സ്ത്രീകളും ആറ് കുട്ടികളുമാണ് ചാവേര് സ്ഫോടനത്തില് കൊല്ലപ്പെട്ടത്. ബാക്കിയുള്ളവരെ സുരക്ഷാസേന വെടിവച്ച് കൊല്ലുകയായിരുന്നു. രാജ്യത്തിന്റെ കിഴക്കന് നഗരമായ കലുമുനായിയില് വെള്ളിയാഴ്ച രാത്രിയാണ് സംഭവം.
ഐസിസ് കേന്ദ്രത്തില് തീവ്രവാദികള് ഒളിച്ചിരിക്കുന്നുണ്ടെന്ന രഹസ്യവിവരത്തെ തുടര്ന്ന് പോലീസ് പരിശോധനയ്ക്ക് എത്തിയപ്പോഴാണ് മൂന്ന് ചാവേറുകള് സ്വയം പൊട്ടിത്തെറിച്ചത്. വീട്ടിലുള്ളവരുമായി പോലീസ് സംഘം ഒരുമണിക്കൂറിലേറെ ഏറ്റുമുട്ടി. തുടര്ന്ന് നടത്തിയ പരിശോധനയിലാണ് മൃതദേഹങ്ങള് കണ്ടെത്തിയത്.
സ്ഥലത്തുനിന്നും രണ്ട് വാഹനങ്ങളും കണ്ടെടുത്തിട്ടുണ്ട്. ഇതിലൊന്ന് ശ്രീലങ്കയിലെ തീവ്രവാദ സംഘടനയായ നാഷണല് തൗഹീദ് ജമാഅത്തിന്റെ സഹ്രാന് ഹാഷിമിന്റേതാണെന്നാണ് കരുതുന്നത്. മൂന്നുപേര്ക്ക് പരിക്കേറ്റതായും ഒരു പ്രദേശവാസി കൊല്ലപ്പെട്ടതായും വിവരങ്ങളുണ്ട്. ഏറ്റമുട്ടലിനൊടുവില് മൂന്നുപേരെ അറസ്റ്റ് ചെയ്തിട്ടുണ്ട്. ഏറ്റുമുട്ടലിനിടയില് പെട്ട ഒരു ഗ്രാമീണനും കൊല്ലപ്പെട്ടതായി സുരക്ഷാസേനയുടെ വക്താവ് സുമിത്ത് അട്ടപ്പട്ടു അറിയിച്ചു.
സംഭവത്തില് സുരക്ഷാസേനയില് പെട്ട ആര്ക്കും പരിക്കേറ്റിട്ടില്ലെന്നും അദ്ദേഹം അറിയിച്ചു. ഏറ്റുമുട്ടല് നടന്ന സ്ഥലത്താണ് ഐസിസ് തലവന് അബുബക്കര് അല് ബഗ്ദാദിക്ക് പിന്തുണ അര്പ്പിച്ച് കൊണ്ട് തീവ്രവാദികള് വീഡിയോ ഷൂട്ട് ചെയ്തത്. ഈസ്റ്റര് ദിനത്തില് രാജ്യതലസ്ഥാനത്ത് ആക്രമണം നടത്തിയവരുടെ വസ്ത്രവും കറുത്ത കൊടികളും, സ്ഫോടകവസ്തുക്കള്, ചാവേര് ആക്രമണത്തിനുപയോഗിക്കുന്ന കിറ്റുകള്, ഡിറ്റണേറ്ററുകള്, ഐഎസിന്റെ പതാക, യൂണിഫോം എന്നിവ ഇവിടെ നിന്നും ലഭിച്ചതായും അട്ടപ്പട്ടു വ്യക്തമാക്കി.
അതേസമയം, തീവ്രവാദി ആക്രമണത്തിന്റെ പശ്ചാത്തലത്തില് രാജ്യത്തെ ഞായറാഴ്ച പ്രാര്ത്ഥനകള് ഇനി ഒരു അറിയിപ്പുണ്ടാകുന്നത് വരെ റദ്ദാക്കിയതായി ഓര്ത്തഡോക്സ് സഭ അറിയിച്ചു. കൂടുതല് ഭീകരാക്രമണ സാധ്യതയുണ്ടെന്ന മുന്നറിയിപ്പിനെ തുടര്ന്നാണ് കുര്ബാനകള് റദ്ദാക്കിയത്.
വിശ്വാസികള് വീടുകളില് തന്നെ തുടരണമെന്നും ആര്ച്ച് ബിഷപ്പ് സന്ദേശത്തില് അറിയിച്ചു. അതിനിടെ രാജ്യത്തെ വിവിധ കേന്ദ്രങ്ങളില് 70 ഐസിസ് ഭീകരര് ഒളിച്ച് താമസിക്കുന്നുണ്ടെന്ന് സംശയിക്കുന്നതായും ഇവരെ കണ്ടെത്താന് തിരച്ചില് ഊര്ജിതമാക്കിയതായും അധികൃതര് അറിയിച്ചു.
അതേസമയം 253 പേര് കൊല്ലപ്പെട്ട സ്ഫോടന പരമ്പരയുമായി ബന്ധപ്പെട്ട് 76 പേരാണ് ഇതുവരെ അറസ്റ്റിലായത്. ഇവരില് ഈജിപ്ത്, സിറിയ എന്നീ രാജ്യങ്ങളില് നിന്നുള്ളവരുമുണ്ട്. ആക്രമണത്തിന്റെ ഉത്തരവാദിത്വം ഐഎസ് ഏറ്റെടുത്തിരുന്നു. എന്നാല് ഇതിന് ഉപോത്ബലകമായ വിവരങ്ങള് അവര് പുറത്തുവിട്ടിട്ടില്ല. ഐഎസിന്റെ വാദം ശരിയാണെങ്കില് ഇറാഖിനും, സിറിയയ്ക്കും പുറത്ത് അവര് നടത്തുന്ന ഏറ്റവും വലിയ കൂട്ടക്കൊലയാണ് ശ്രീലങ്കയില് നടന്നത്.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: 6 Children Among 15 Killed In Raids On ISIS Hideout In Sri Lanka: Police, Sri Lanka, News, Trending, Terror Attack, Murder, Gun attack, Trending, Police, Raid, World.
Keywords: 6 Children Among 15 Killed In Raids On ISIS Hideout In Sri Lanka: Police, Sri Lanka, News, Trending, Terror Attack, Murder, Gun attack, Trending, Police, Raid, World.
Powered by Info News For You
Comments
Post a Comment