മിസോറാം ഗവര്ണര് കുമ്മനം സ്ഥാനം രാജിവെച്ചു തിരുവനന്തപുരത്ത് ബി.ജെ.പി സ്ഥാനാര്ത്ഥിയാവും
തിരുവനന്തപുരം (www.evisionnews.co): മിസോറാം ഗവര്ണര് സ്ഥാനം കുമ്മനം രാജശേഖരന് രാജിവെച്ചു. ലോക്സഭ തിരഞ്ഞെടുപ്പില് തിരുവനന്തപുരം മണ്ഡലത്തില് സ്ഥാനാര്ത്ഥിയാകാനാണ് അദ്ദേഹം സ്ഥാനം രാജിവെച്ചത്. രാജി രാഷ്ട്രപതി രാംനാഥ് കോവിന്ദ് അംഗീകരിച്ചെന്നാണ് ഡല്ഹിയില് നിന്നും ലഭിക്കുന്ന റിപ്പോര്ട്ടുകള്.
ശബരിമല വിഷയത്തെ തുടര്ന്ന് ബി.ജെ.പി ഏറ്റവും കൂടുതല് വിജയസാധ്യത കല്പ്പിക്കുന്ന മണ്ഡലമാണ് തിരുവനന്തപുരം. അവിടെ ശക്തമായ സ്ഥാനാര്ത്ഥി വേണമെന്ന് സംസ്ഥാന നേതൃത്വത്തില് നിന്നും ആവശ്യമുയര്ന്നിരുന്നു. സുരേഷ് ഗോപി, കെ.സുരന്ദ്രന് എന്നിവരുടെ പേര് ഉയര്ന്നുവന്നെങ്കിലും കുമ്മനം സ്ഥാനാര്ത്ഥിയാകണമെന്നായിരുന്നു ആര്.എസ്.എസിന്റെ ആവശ്യം.
ഇതിന്റെ പശ്ചാത്തലത്തില് കുമ്മനത്തിന്റെ രാജിക്കായി ആര്.എസ്.എസ്, ദേശീയ നേതൃത്വത്തില് സമ്മര്ദ്ദം ചെലുത്തിയിരുന്നു. തിരുവനന്തപുരത്ത് ഇത്തവണ സിറ്റിംഗ് എംപി ശശി തരൂരിനെ തന്നെയാണ് കോണ്ഗ്രസ് മത്സരിപ്പിക്കുന്നത്. ശശി തരൂരിനെ മികച്ച ജനപിന്തുണയുണ്ടെന്നാണ് പാര്ട്ടി വിലയിരുത്തുന്നത്.
Powered by Info News For You
Comments
Post a Comment