വിവാദ വജ്രവ്യാപാരി നീരവ് മോഡിക്കെതിരെ ലണ്ടന് കോടതിയുടെ അറസ്റ്റ് വാറണ്ട്
ലണ്ടന്: (www.kvartha.com 19.03.2019) പഞ്ചാബ് നാഷണല് ബാങ്ക് (പി.എന്.ബി) വായ്പാ തട്ടിപ്പ് കേസില് വിവാദ വജ്രവ്യാപാരി നീരവ് മോഡിക്കെതിരെ ലണ്ടന് കോടതിയുടെ അറസ്റ്റ് വാറണ്ട്. വെസ്റ്റ് മിന്സ്റ്റര് കോടതിയാണ് നീരവിനെതിരെ വാറണ്ട് പുറപ്പെടുവിച്ചതെന്ന് എന്ഫോഴ്സ്മെന്റ് വൃത്തങ്ങള് വ്യക്തമാക്കി. ഈ മാസം 25ന് നീരവ് മോഡിയെ കോടതിയില് ഹാജരാക്കാനാണ് ഉത്തരവ്. എന്ഫോഴ്സ്മെന്റ് ഡയറക്ടറേറ്റിന്റെ ആവശ്യപ്രകാരമാണു നടപടി.
നീരവ് മോഡിയെ വിട്ടുകിട്ടുന്നതിനായി 2018 ഓഗസ്റ്റില് എന്ഫോഴ്സ്മെന്റ് ഡയറക്ടറേറ്റ് അപേക്ഷ നല്കിയിരുന്നു. അടുത്ത ദിവസങ്ങളില് എപ്പോള് വേണമെങ്കിലും നീരവിനെ അറസ്റ്റ് ചെയ്യാമെന്നാണു ലഭിക്കുന്ന വിവരം. യുകെ ആഭ്യന്തര സെക്രട്ടറി സജിദ് ജാവീദാണ് ഇന്ത്യയുടെ അപേക്ഷയില് ഒപ്പു വച്ചിരിക്കുന്നത്. അറസ്റ്റിനുപിന്നാലെ കേസിലെ വിചാരണയും തുടങ്ങും.
കോടതി ഉത്തരവിടുകയാണെങ്കില് നീരവ് മോഡിയെ യുകെ ഇന്ത്യയ്ക്കു കൈമാറും. ഉത്തരവിനെതിരെ നീരവിന് അപ്പീല് പോകാന് സാധിക്കും. പഞ്ചാബ് നാഷണല് ബാങ്കില്നിന്ന് 13,000 കോടി രൂപയുടെ തട്ടിപ്പ് നടത്തിയ കേസില് മുഖ്യ പ്രതികളാണ് നീരവ് മോഡിയും അമ്മാവനായ മെഹുല് ചോക്സിയും. നീരവ് മോഡിയും ബന്ധുക്കളും ചേര്ന്ന് വ്യാജ ബാങ്ക് ഗ്യാരണ്ടിയുടെ അടിസ്ഥാനത്തിലാണ് തട്ടിപ്പ് നടത്തിയത്. തട്ടിപ്പ് പുറത്തായതോടെ കഴിഞ്ഞ വര്ഷം ജനുവരിയോടെ ഇരുവരും ഇന്ത്യ വിടുകയായിരുന്നു.
ഇതിനുശേഷമാണു കേസില് സിബിഐ അന്വേഷണം ആരംഭിച്ചത്. ബാങ്ക് തട്ടിപ്പുകേസില് സിബിഐയും എന്ഫോഴ്സ്മെന്റ് ഡയറക്ടറേറ്റും രണ്ട് എഫ്ഐആറുകളാണ് നീരവ് മോഡിക്കും ബന്ധുവായ മെഹുല് ചോക്സിക്കും എതിരെ രജിസ്റ്റര് ചെയ്തിട്ടുള്ളത്.
ലണ്ടനിലെ തെരുവിലൂടെ നീരവ് മോഡി സ്വതന്ത്രനായി നടക്കുന്നതിന്റെ ദൃശ്യങ്ങള് കഴിഞ്ഞ ദിവസം പുറത്തുവന്നിരുന്നു. മാധ്യമ പ്രവര്ത്തകര് ചോദ്യങ്ങള് ചോദിക്കുന്നുണ്ടെങ്കിലും ഒന്നും പറയാനില്ലെന്നായിരുന്നു നീരവിന്റെ മറുപടി. ലണ്ടനിലെ സോഹോയില് നീരവ് മോഡി പുതിയ വജ്രവ്യാപാരം ആരംഭിച്ചതായും ബ്രിട്ടീഷ് മാധ്യമം റിപ്പോര്ട്ട് ചെയ്തിരുന്നു.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Arrest Warrant Issued Against Nirav Modi By London Court: Sources, London, News, Trending, Business, Business Man, Banking, Application, Arrest, Court, National.
നീരവ് മോഡിയെ വിട്ടുകിട്ടുന്നതിനായി 2018 ഓഗസ്റ്റില് എന്ഫോഴ്സ്മെന്റ് ഡയറക്ടറേറ്റ് അപേക്ഷ നല്കിയിരുന്നു. അടുത്ത ദിവസങ്ങളില് എപ്പോള് വേണമെങ്കിലും നീരവിനെ അറസ്റ്റ് ചെയ്യാമെന്നാണു ലഭിക്കുന്ന വിവരം. യുകെ ആഭ്യന്തര സെക്രട്ടറി സജിദ് ജാവീദാണ് ഇന്ത്യയുടെ അപേക്ഷയില് ഒപ്പു വച്ചിരിക്കുന്നത്. അറസ്റ്റിനുപിന്നാലെ കേസിലെ വിചാരണയും തുടങ്ങും.
കോടതി ഉത്തരവിടുകയാണെങ്കില് നീരവ് മോഡിയെ യുകെ ഇന്ത്യയ്ക്കു കൈമാറും. ഉത്തരവിനെതിരെ നീരവിന് അപ്പീല് പോകാന് സാധിക്കും. പഞ്ചാബ് നാഷണല് ബാങ്കില്നിന്ന് 13,000 കോടി രൂപയുടെ തട്ടിപ്പ് നടത്തിയ കേസില് മുഖ്യ പ്രതികളാണ് നീരവ് മോഡിയും അമ്മാവനായ മെഹുല് ചോക്സിയും. നീരവ് മോഡിയും ബന്ധുക്കളും ചേര്ന്ന് വ്യാജ ബാങ്ക് ഗ്യാരണ്ടിയുടെ അടിസ്ഥാനത്തിലാണ് തട്ടിപ്പ് നടത്തിയത്. തട്ടിപ്പ് പുറത്തായതോടെ കഴിഞ്ഞ വര്ഷം ജനുവരിയോടെ ഇരുവരും ഇന്ത്യ വിടുകയായിരുന്നു.
ഇതിനുശേഷമാണു കേസില് സിബിഐ അന്വേഷണം ആരംഭിച്ചത്. ബാങ്ക് തട്ടിപ്പുകേസില് സിബിഐയും എന്ഫോഴ്സ്മെന്റ് ഡയറക്ടറേറ്റും രണ്ട് എഫ്ഐആറുകളാണ് നീരവ് മോഡിക്കും ബന്ധുവായ മെഹുല് ചോക്സിക്കും എതിരെ രജിസ്റ്റര് ചെയ്തിട്ടുള്ളത്.
ലണ്ടനിലെ തെരുവിലൂടെ നീരവ് മോഡി സ്വതന്ത്രനായി നടക്കുന്നതിന്റെ ദൃശ്യങ്ങള് കഴിഞ്ഞ ദിവസം പുറത്തുവന്നിരുന്നു. മാധ്യമ പ്രവര്ത്തകര് ചോദ്യങ്ങള് ചോദിക്കുന്നുണ്ടെങ്കിലും ഒന്നും പറയാനില്ലെന്നായിരുന്നു നീരവിന്റെ മറുപടി. ലണ്ടനിലെ സോഹോയില് നീരവ് മോഡി പുതിയ വജ്രവ്യാപാരം ആരംഭിച്ചതായും ബ്രിട്ടീഷ് മാധ്യമം റിപ്പോര്ട്ട് ചെയ്തിരുന്നു.
Keywords: Arrest Warrant Issued Against Nirav Modi By London Court: Sources, London, News, Trending, Business, Business Man, Banking, Application, Arrest, Court, National.
Powered by Info News For You
Comments
Post a Comment