ജെയ്ഷെ മുഹമ്മദ് തലവന് മസൂദ് അസറിന്റെ സ്വത്തുക്കള് ഫ്രാന്സ് മരവിപ്പിച്ചു; ഇന്ത്യയുടെ നീക്കം ഫലം കണ്ടു
പാരീസ്: (www.kvartha.com 15.03.2019) പാക് ഭീകരസംഘടനയായ ജെയ്ഷെ മുഹമ്മദിന്റെ തലവന് മസൂദ് അസറിന്റെ സ്വത്തുക്കള് ഫ്രാന്സ് മരവിപ്പിച്ചു. മസൂദ് അസറിനെ ആഗോള ഭീകരനായി പ്രഖ്യാപിക്കണമെന്ന ഇന്ത്യയുടെ ആവശ്യത്തിനെതിരെ യു എന് സുരക്ഷാ സമിതിയില് ചൈന വീറ്റോ അധികാരം പ്രയോഗിച്ചതിന് പിന്നാലെയാണ് ഫ്രാന്സിന്റെ നടപടി. പുല്വാമ ഭീകരാക്രമണത്തിന് പിന്നാലെ മസൂദ് അസറിനെ ആഗോള ഭീകരനായി പ്രഖ്യാപിക്കണമെന്ന ഇന്ത്യയുടെ ആവശ്യത്തിന് രാജ്യാന്തര തലത്തില് ഏറെ പിന്തുണ ലഭിച്ചിരുന്നു.
ഇതോടെ തങ്ങളുടെ രാജ്യത്തുള്ള മസൂദിന്റെ ആസ്തികള് മരവിപ്പിക്കാന് ഫ്രാന്സ് തീരുമാനിക്കുകയായിരുന്നു. ഫ്രഞ്ച് ആഭ്യന്തര വകുപ്പും ധനവകുപ്പും വിദേശകാര്യ വകുപ്പും സംയുക്തമായി പുറത്തിറക്കിയ പ്രസ്താവനയിലാണ് ഇക്കാര്യം അറിയിച്ചത്. ഭീകരപ്രവര്ത്തനം നടത്തുന്നുവെന്ന് സംശയിക്കുന്നവരെക്കുറിച്ച് യൂറോപ്യന് യൂണിയന് തയാറാക്കുന്ന പട്ടികയില് മസൂദിനെ ഉള്പ്പെടുത്തുന്നതിനെക്കുറിച്ച് ആലോചിക്കുമെന്നും ഫ്രാന്സ് അറിയിച്ചു.
യൂറോപ്യന് യൂണിയനില് മസൂദ് അസറിനെതിരായ നടപടികള് സ്വീകരിക്കുമെന്നും ഫ്രാന്സ് വ്യക്തമാക്കി. പുല്വാമ ഭീകരാക്രമണത്തിന്റെ ഉത്തരവാദിത്തം ജയ്ഷെ മുഹമ്മദ് ഏറ്റെടുത്തതോടെ രാജ്യാന്തരതലത്തില് പാകിസ്ഥാന് സമ്മര്ദം ഏറുകയാണ്.
മസൂദിനെ അനുകൂലിക്കുന്ന നിലപാട് ചൈന തുടരുകയാണെങ്കില് മറ്റു നടപടികള് സ്വീകരിക്കാന് നിര്ബന്ധിതമാകുമെന്ന് യുഎന് രക്ഷാസമിതിയിലെ നയതന്ത്ര പ്രതിനിധികള് കഴിഞ്ഞ ദിവസം വ്യക്തമാക്കിയിരുന്നു. ഇതിനു പിന്നാലെയാണ് മസൂദിന്റെ ആസ്തി മരവിപ്പിക്കാന് ഫ്രാന്സ് തീരുമാനിച്ചത്.
മസൂദിനെതിരെ ഏര്പ്പെടുത്താന് ഉദ്ദേശിക്കുന്ന ഉപരോധങ്ങളെക്കുറിച്ചു പരിശോധിക്കാന് കൂടുതല് സമയം ആവശ്യപ്പെട്ടാണ് ചൈന യുഎന് പ്രമേയത്തെ എതിര്ത്തത്. പ്രമേയം അവതരിപ്പിക്കുന്നതിന് ഒരു മണിക്കൂര് മുമ്പു മാത്രമാണ് വീറ്റോ അധികാരമുള്ള ചൈന തടസവാദം ഉന്നയിച്ചതെന്നും നയതന്ത്ര പ്രതിനിധികള് ചൂണ്ടിക്കാട്ടി.
40 സിആര്പിഎഫ് ജവാന്മാരുടെ മരണത്തിന് ഇടയാക്കിയ പുല്വാമ ആക്രമണത്തിനു ശേഷം അമേരിക്ക, ഫ്രാന്സ്, ബ്രിട്ടന് എന്നീ മൂന്നു സ്ഥിരാംഗങ്ങളാണ് യുഎന് രക്ഷാസമിതിയില് മസൂദിനെതിരെ പ്രമേയം അവതരിപ്പിച്ചത്. നിരവധി രാജ്യങ്ങള് പ്രമേയത്തെ അനുകൂലിച്ചു.
ചൈനയുടെ നിലപാടിനെതിരെ കടുത്ത അതൃപ്തിയാണ് ഇന്ത്യ രേഖപ്പെടുത്തിയത്. ഇന്ത്യക്കാര്ക്കെതിരെ ആക്രമണം നടത്തിയ ഭീകരനേതാക്കളെ നിയമത്തിനു മുന്നിലെത്തിക്കാനുള്ള പോരാട്ടം തുടരുമെന്ന് ഇന്ത്യന് അധികൃതര് പറഞ്ഞു. മസൂദിനെതിരായ നീക്കത്തിന് അമേരിക്ക ശക്തമായ പിന്തുണയാണ് നല്കിയത്.
Keywords: France sanctions JeM founder Masood Azhar, freezes assets, Paris, News, Trending, Terrorists, Banking, Bank, France, Pakistan, China, World.
ഇതോടെ തങ്ങളുടെ രാജ്യത്തുള്ള മസൂദിന്റെ ആസ്തികള് മരവിപ്പിക്കാന് ഫ്രാന്സ് തീരുമാനിക്കുകയായിരുന്നു. ഫ്രഞ്ച് ആഭ്യന്തര വകുപ്പും ധനവകുപ്പും വിദേശകാര്യ വകുപ്പും സംയുക്തമായി പുറത്തിറക്കിയ പ്രസ്താവനയിലാണ് ഇക്കാര്യം അറിയിച്ചത്. ഭീകരപ്രവര്ത്തനം നടത്തുന്നുവെന്ന് സംശയിക്കുന്നവരെക്കുറിച്ച് യൂറോപ്യന് യൂണിയന് തയാറാക്കുന്ന പട്ടികയില് മസൂദിനെ ഉള്പ്പെടുത്തുന്നതിനെക്കുറിച്ച് ആലോചിക്കുമെന്നും ഫ്രാന്സ് അറിയിച്ചു.
യൂറോപ്യന് യൂണിയനില് മസൂദ് അസറിനെതിരായ നടപടികള് സ്വീകരിക്കുമെന്നും ഫ്രാന്സ് വ്യക്തമാക്കി. പുല്വാമ ഭീകരാക്രമണത്തിന്റെ ഉത്തരവാദിത്തം ജയ്ഷെ മുഹമ്മദ് ഏറ്റെടുത്തതോടെ രാജ്യാന്തരതലത്തില് പാകിസ്ഥാന് സമ്മര്ദം ഏറുകയാണ്.
മസൂദിനെ അനുകൂലിക്കുന്ന നിലപാട് ചൈന തുടരുകയാണെങ്കില് മറ്റു നടപടികള് സ്വീകരിക്കാന് നിര്ബന്ധിതമാകുമെന്ന് യുഎന് രക്ഷാസമിതിയിലെ നയതന്ത്ര പ്രതിനിധികള് കഴിഞ്ഞ ദിവസം വ്യക്തമാക്കിയിരുന്നു. ഇതിനു പിന്നാലെയാണ് മസൂദിന്റെ ആസ്തി മരവിപ്പിക്കാന് ഫ്രാന്സ് തീരുമാനിച്ചത്.
മസൂദിനെതിരെ ഏര്പ്പെടുത്താന് ഉദ്ദേശിക്കുന്ന ഉപരോധങ്ങളെക്കുറിച്ചു പരിശോധിക്കാന് കൂടുതല് സമയം ആവശ്യപ്പെട്ടാണ് ചൈന യുഎന് പ്രമേയത്തെ എതിര്ത്തത്. പ്രമേയം അവതരിപ്പിക്കുന്നതിന് ഒരു മണിക്കൂര് മുമ്പു മാത്രമാണ് വീറ്റോ അധികാരമുള്ള ചൈന തടസവാദം ഉന്നയിച്ചതെന്നും നയതന്ത്ര പ്രതിനിധികള് ചൂണ്ടിക്കാട്ടി.
40 സിആര്പിഎഫ് ജവാന്മാരുടെ മരണത്തിന് ഇടയാക്കിയ പുല്വാമ ആക്രമണത്തിനു ശേഷം അമേരിക്ക, ഫ്രാന്സ്, ബ്രിട്ടന് എന്നീ മൂന്നു സ്ഥിരാംഗങ്ങളാണ് യുഎന് രക്ഷാസമിതിയില് മസൂദിനെതിരെ പ്രമേയം അവതരിപ്പിച്ചത്. നിരവധി രാജ്യങ്ങള് പ്രമേയത്തെ അനുകൂലിച്ചു.
ചൈനയുടെ നിലപാടിനെതിരെ കടുത്ത അതൃപ്തിയാണ് ഇന്ത്യ രേഖപ്പെടുത്തിയത്. ഇന്ത്യക്കാര്ക്കെതിരെ ആക്രമണം നടത്തിയ ഭീകരനേതാക്കളെ നിയമത്തിനു മുന്നിലെത്തിക്കാനുള്ള പോരാട്ടം തുടരുമെന്ന് ഇന്ത്യന് അധികൃതര് പറഞ്ഞു. മസൂദിനെതിരായ നീക്കത്തിന് അമേരിക്ക ശക്തമായ പിന്തുണയാണ് നല്കിയത്.
Keywords: France sanctions JeM founder Masood Azhar, freezes assets, Paris, News, Trending, Terrorists, Banking, Bank, France, Pakistan, China, World.
Powered by Info News For You
Comments
Post a Comment