ആദ്യ വിവാഹം മറച്ചു വെച്ച് കല്യാണം കഴിക്കുകയും സ്ത്രീധനത്തിന്റെ പേരില്‍ പീഡിപ്പിക്കുകയും ചെയ്ത ഭര്‍ത്താവ് അറസ്റ്റില്‍

ബദിയടുക്ക: (www.kasargodvartha.com 01.02.2019) ആദ്യ വിവാഹം മറച്ചു വെച്ച് കല്യാണം കഴിക്കുകയും പിന്നാലെ സ്ത്രീധനത്തിന്റെ പേരില്‍ പീഡിപ്പിക്കുകയും ചെയ്ത ഭര്‍ത്താവിനെ പോലീസ് അറസ്റ്റു ചെയ്തു. ബദിയടുക്കയിലെ ടൈലര്‍ മുഹമ്മദിന്റെ മകള്‍ സമീറയുടെ പരാതിയില്‍ മേല്‍പറമ്പ് വള്ളിയോട്ടെ ഇബ്രാഹിംകുട്ടി (41)ക്കെതിരെയാണ് കോടതി നിര്‍ദേശ പ്രകാരം പോലീസ് കേസെടുത്ത് അറസ്റ്റു ചെയ്തത്.

കൂടുതല്‍ സ്ത്രീധനം ആവശ്യപ്പെട്ട് മാനസികമായും ശാരീരികമായും പീഡിപ്പിച്ചുവെന്നാണ് പരാതി. 2017 ഒക്ടോബര്‍ 12നാണ് സമീറയും ഇബ്രാഹിംകുട്ടിയും തമ്മിലുള്ള വിവാഹം നടന്നത്. വിവാഹ സമയത്ത് 1.75 ലക്ഷം രൂപയും 18 പവന്‍ സ്വര്‍ണവും നല്‍കിയിരുന്നതായി പരാതിയില്‍ പറയുന്നു. വിവാഹത്തിന് രണ്ടു മാസത്തിന് ശേഷം ഡിസംബര്‍ ഒമ്പതിന് സമീറയെ ഇബ്രാഹിംകുട്ടി സ്വന്തം വീട്ടില്‍ തിരിച്ചാക്കുകയും ഇതിനു ശേഷം കൂടുതല്‍ സ്ത്രീധനം ആവശ്യപ്പെട്ട് നിരന്തരം പീഡിപ്പിക്കുകയും ചെയ്തുവെന്നാണ് പരാതി.

ആദ്യ ഭാര്യയും മക്കളും നിലവിലിരിക്കെ ഇക്കാര്യം മറച്ചുവെച്ചാണ് തന്നെ വിവാഹം ചെയ്തതെന്നും സമീറ കോടതിയില്‍ നല്‍കിയ പരാതിയില്‍ പറയുന്നു.



(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Husband arrested for molesting wife, Badiyadukka, Kasaragod, news, Molestation, husband, arrest, Police, complaint, case, Dowry, court, Kerala.


Powered by Info News For You

Comments

Popular posts from this blog

ദേവസ്വം മന്ത്രിയുടെ 'ഭക്തി' വീണ്ടും വൈറല്‍, ഇത്തവണ ആരാധന സായിബാബയോട്, ബാബയുടെ ചിത്രത്തിനു മുന്നില്‍ തൊഴുകൈകളോടെ കടകംപള്ളി, ഫോട്ടോ വൈറലാകുന്നു

സിനിമ ചിത്രീകരണത്തിനിടെ നടി മഞ്ജു വാര്യര്‍ക്ക് പരിക്ക്

പുത്തുമലയില്‍ വീണ്ടും മണ്ണിടിച്ചില്‍; കള്ളാടിയില്‍ മണ്ണിടിഞ്ഞ് ഗതാഗതം തടസപ്പെട്ടതിനാല്‍ വഴിയില്‍ കുടുങ്ങി രക്ഷാപ്രവര്‍ത്തകര്‍; ദുരന്തത്തില്‍ മരിച്ചവരുടെ എണ്ണം 9, ചെളിക്കൂമ്പാരത്തില്‍ കുടുങ്ങി ഇനിയും എത്രപേര്‍?