വനിതാ മതില് നാളെ: കാസര്കോട് ജില്ലയില് ഒരു ലക്ഷം വനിതകള് അണിനിരക്കും
കാസര്കോട് (www.evisionnews.co): കേരളം കൈവരിച്ച സാമൂഹ്യപരിഷ്കരണ നേട്ടങ്ങള് നിലനിര്ത്തുന്നതിനും നവോത്ഥാന മൂല്യ സംരക്ഷണത്തിനും സ്ത്രീ-പുരുഷ സമത്വം ഉറപ്പുവരുത്തുന്നതിനുമായി സംസ്ഥാന സര്ക്കാര് നാളെ വൈകീട്ട് കാസര്കോട് മുതല് തിരുവനന്തപുരം വരെ വനിതാ മതില് സംഘടിപ്പിക്കുന്നു. ജില്ലയിലെ പ്രധാന ശ്രദ്ധാകേന്ദ്രങ്ങളിലൊന്നായ കാസര്കോട് പുതിയ ബസ്സ്റ്റാന്ഡ് പരിസരത്തെ സര്ക്കിളില് നിന്ന് ആരംഭിക്കുന്ന മതിലില് വനിത ശിശുക്ഷേമ വകുപ്പ് മന്ത്രി കെ.കെ ശൈലജ ആദ്യം അണിനിരക്കും. ജില്ലയിലെ സാമൂഹ്യ- വിദ്യാഭ്യാസ- സാംസ്ക്കാരിക-രാഷ്ട്രീയ-നവോത്ഥാന മേഖലകളിലെ പ്രമുഖ വനിതകള് തുടര്ന്ന് അണിനിരക്കും.
പുതിയ ബസ്സ്റ്റാന്ഡ് സര്ക്കിളില് നിന്ന് ആരംഭിച്ച് പ്രസ്ക്ലബ് ജംങ്ഷന് വഴി കെഎസ്ടിപി റോഡിലേക്കു പ്രവേശിച്ച് കാലിക്കടവ് വരെയാണു ജില്ലയില് മതിലൊരുക്കുന്നത്. 44 കിലോമീറ്റര് ദൂരത്തില് ഒരു ലക്ഷംപേരാണ് ജില്ലയില് അണിനിരക്കുകയെന്ന് ജില്ലാ കളക്ടര് ഡോ. ഡി.സജിത്ത് ബാബു പറഞ്ഞു. വനിതാ മതിലില് പങ്കെടുക്കേണ്ടവര് നിശ്ചയിക്കപ്പെട്ട സ്ഥലങ്ങളില് ഉച്ചകഴിഞ്ഞ് 3.30നകം എത്തിച്ചേരണം. 3.50ന് ട്രയലും നാലിന് പ്രതിജ്ഞയോടെ വനിതാ മതിലും ഒരുക്കും.
Powered by Info News For You
Comments
Post a Comment