യോഗി എത്തിയില്ല: ഹിന്ദുവികാരം ഉണര്ത്താനുള്ള ആര്.എസ്.എസ് ശ്രമം പാഴായി
കാസര്കോട് (www.evisionnews.co): വര്ഗീയത ഇളക്കിവിട്ട് തെരഞ്ഞെടുപ്പില് നേട്ടംകൊയ്യാന് വിവിധ ഹൈന്ദവ സംഘടനകളുടെ ആഭിമുഖ്യത്തില് കാസര്കോട് മുനിസിപ്പല് സറ്റേഡിയത്തില് സംഘടിപ്പിച്ച ഹിന്ദുസമാജോത്സവത്തില് യു.പി മുഖ്യമന്ത്രി യോഗി ആദിത്യനാഥ് എത്താത്തത് അണികളില് കടുത്ത നിരാശ. തീവ്ര വര്ഗീയതയുടെ ദേശീയ മുഖമായ യോഗിയെ അവതരിപ്പിച്ച് കാസര്കോട്ടെ ഹിന്ദുക്കള്ക്കിടയില് പുത്തനുണര്വ് സൃഷ്ടിക്കാമെന്നായിരുന്നു ആര്.എസ്.എസിന്റെ കണക്കുകൂട്ടല്. ഹിന്ദുവികാരം ഉണര്ത്തുക എന്ന ലക്ഷ്യം മുന്നില് കണ്ടായിരുന്നു ഉത്തരേന്ത്യയിലെ നിരവധി വര്ഗീയ കലാപങ്ങള്ക്ക് നേതൃത്വം നല്കിയ കടുത്ത ന്യൂനപക്ഷ വിരുദ്ധ തീവ്ര വര്ഗീയ നിലപാടുള്ള യോഗിയെ തന്നെ കാസര്കോടിന്റെ പ്രത്യേക മണ്ണില് അവതരിപ്പിക്കാന് ആര്.എസ്.എസ്- പരിവാര് സംഘടനകള് ഒരുക്കം കൂട്ടിയത്. എന്നാല് ബി.ജെ.പിയിലെ ഉള്പ്പോരടക്കമുള്ള കാരണങ്ങളാല് യോഗി പരിപാടിയില് എത്തില്ലെന്നുറപ്പായതോടെ തന്നെ അണികളില് ആവേശം തണുത്തുറച്ച നിലയായിരുന്നു.
സെഡ് കാറ്റഗറി വിഭാഗത്തില്പ്പെടുന്ന യു.പി മുഖ്യമന്ത്രി എത്തുന്ന കാര്യത്തില് യാതൊരു അറിയിപ്പും യു.പി സര്ക്കാര് അധികാരികളില് നിന്ന് ലഭിച്ചിരുന്നില്ലെന്നാണ് ജില്ലാ പോലീസില് നിന്നും ലഭിച്ച വിവരം.
Powered by Info News For You
Comments
Post a Comment