ബി.ജെ.പി നേതാവിന്റെ സമരപ്പന്തലിന് മുന്നില് ആത്മഹത്യാ ശ്രമം
തിരുവനന്തപുരം (www.evisionnews.co): സെക്രട്ടേറിയറ്റിന് മുന്നില് ബി.ജെ.പി നേതാവ് സി.കെ പത്മനാഭന് നിരാഹാര സമരം കിടക്കുന്ന സമരപ്പന്തലിന് സമീപം ആത്മഹത്യാശ്രമം. മുട്ടട സ്വദേശി വേണുഗോപാല് എന്നയാള് ദേഹത്ത് പെട്രോള് ഒഴിച്ചശേഷം സമരപ്പന്തലിന് സമീപത്തേക്ക് ഓടിയെത്തുകയായിരുന്നു. വ്യാഴാഴ്ച പുലര്ച്ചെ രണ്ടുമണിയോടെയാണ് സംഭവം.
സി.കെ പത്മനാഭനോടൊപ്പം 70 ഓളം പ്രവര്ത്തകരും സമരപ്പന്തലിലുണ്ടായിരുന്നു. പുലര്ച്ചെ രണ്ടുമണിയോടെ സമരപ്പന്തലിന് എതിര്വശത്തുള്ള ക്യാപ്പിറ്റല് ടവറിന് മുന്നില് നിന്ന് തീകൊളുത്തിയ വേണുഗോപാല് എതിര്വശത്തുള്ള സമരപ്പന്തലിന് സമീപത്തേക്ക് ഓടുകയായിരുന്നുവെന്നാണ് ദൃക്സാക്ഷികള് പറയുന്നത്. ഗുരുതരമായി പരുക്കേറ്റ ഇയാളെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്.
ഇയാള്ക്ക് 70 ശതമാനത്തോളം പൊള്ളലേറ്റതായി മെഡിക്കല് കോളേജ് അധികൃതര് അറിയിച്ചു. ഇയാളെക്കുറിച്ചുള്ള കൂടുതല് വിവരങ്ങള് ലഭ്യമായിട്ടില്ല. വേണുഗോപാല് അയ്യപ്പ ഭക്തനാണെന്നും സര്ക്കാരിന്റെ ശബരിമല വിരുദ്ധ നിലപാടില് പ്രതിഷേധിച്ചാണ് വേണുഗോപാല് ആത്മഹത്യയ്ക്ക് ശ്രമിച്ചതെന്നും ബി.ജെ.പി ആരോപിച്ചു.
Powered by Info News For You
Comments
Post a Comment