കെ എം അഹ് മദ് സ്മാരക മാധ്യമ പുരസ്കാരം കാര്ട്ടൂണിസ്റ്റ് ഗോപീകൃഷ്ണന്
കാസര്കോട്: (www.kasargodvartha.com 11.12.2018) പ്രമുഖ മാധ്യമ പ്രവര്ത്തകനും ദീര്ഘകാലം കാസര്കോട് പ്രസ്ക്ലബ്ബ് പ്രസിഡണ്ടുമായിരുന്ന കെ എം അഹ് മദിന്റെ പേരില് കാസര്കോട് പ്രസ്ക്ലബ് നല്കിവരുന്ന സംസ്ഥാനതല മാധ്യമ അവാര്ഡിന് മാതൃഭൂമി ദിനപത്രത്തിലെ മുഖ്യകാര്ട്ടൂണിസ്റ്റ് ഗോപീകൃഷ്ണന് കെ.ആര് അര്ഹനായി. പതിനായിരം രൂപയും ഫലകവും പ്രശംസാപത്രവുമടങ്ങുന്ന പുരസ്കാരം ഈ മാസം 17ന് വൈകിട്ട് മൂന്നു മണിക്ക് കാസര്കോട് മുനിസിപ്പല് കോണ്ഫറന്സ് ഹാളില് നടക്കുന്ന ചടങ്ങില് പ്രശസ്ത നോവലിസ്റ്റ് സി.വി ബാലകൃഷ്ണന് സമ്മാനിക്കും.
പ്രസ് ക്ലബ്ബും കാസര്കോട് സാഹിത്യവേദിയും സംയുക്തമായാണ് അനുസ്മരണ ചടങ്ങ് സംഘടിപ്പിക്കുന്നത്. വരയുടെ മികവും മൂര്ച്ചയേറിയ ആശയങ്ങളുംകൊണ്ട് ഗോപീകൃഷ്ണന്റെ കാര്ട്ടൂണുകള് ഏറെ ശ്രദ്ധേയമാണെന്നും ഇവ വായനക്കാരെ ഒരുപോലെ ചിരിപ്പിക്കുകയും ചിന്തിപ്പിക്കുകയും ചെയ്യുന്നുണ്ടെന്നും ജൂറി അംഗങ്ങളും പ്രമുഖ കാര്ട്ടൂണിസ്റ്റുകളുമായ പി.വി കൃഷ്ണന്, കെ.എ ഗഫൂര് മാസ്റ്റര് എന്നിവര് അഭിപ്രായപ്പെട്ടു.
സമകാലീന വിഷയങ്ങളെ ആസ്പദമാക്കി മാതൃഭൂമിയില് ഗോപീകൃഷ്ണന് വരച്ചുവരുന്ന കാകദൃഷ്ടി എന്ന പോക്കറ്റ് കാര്ട്ടൂണും സണ്ഡേസ്ട്രോക്ക്സ് എന്ന പ്രതിവാര കാര്ട്ടൂണും വായനക്കാരെ ഏറെ ആകര്ഷിക്കുന്നുണ്ടെന്നും ജൂറി വിലയിരുത്തി. കെ.എം അഹ് മദിന്റെ പേരിലുള്ള പുരസ്കാരം അദ്ദേഹത്തിന്റെ കുടുംബത്തിന്റെ സഹായത്തോടെയാണ് നല്കിവരുന്നത്. 2001 മുതല് മാതൃഭൂമി പത്രത്തിന്റെ സ്റ്റാഫ് കാര്ട്ടൂണിസ്റ്റായി പ്രവര്ത്തിച്ചുവരുന്ന ഗോപീകൃഷ്ണന് കേരള സര്ക്കാറിന്റെ കാര്ട്ടൂണ് മാധ്യമ അവാര്ഡ്, തിരുവനന്തപുരം പ്രസ്ക്ലബ്ബിന്റെ കാര്ട്ടൂണിസ്റ്റ് ഓഫ് ദി ഇയര് അവാര്ഡ്, കേരള ലളിതകലാ അക്കാദമി അവാര്ഡ്, വജ്രസൂചി അവാര്ഡ്, ജെയ്ജി പീറ്റര് അവാര്ഡ് തുടങ്ങിയ പുരസ്കാരങ്ങള് നേടിയിട്ടുണ്ട്. കോഴിക്കോട് തിക്കോടി സ്വദേശിയായ ഇദ്ദേഹം ഇപ്പോള് കോഴിക്കോട് വേണ്ടേരിയിലാണ് താമസം. ഡോ. പ്രിയ കെ.ജിയാണ് ഭാര്യ. സ്വാതി ലക്ഷ്മി, ശ്രേയലക്ഷ്മി എന്നിവര് മക്കള്.
വാര്ത്താ സമ്മേളനത്തില് കാസര്കോട് പ്രസ്ക്ലബ്ബ് പ്രസിഡണ്ട് ടി എ ഷാഫി, സെക്രട്ടറി ഒ വി സുരേഷ്, മുജീബ് അഹ് മദ് എന്നിവര് സംബന്ധിച്ചു.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)
Keywords: Kasaragod, Kerala, news, K.M.Ahmed, Award, K M Ahmed memorial Media award for Cartoonist Gopi Krishnan
< !- START disable copy paste -->
പ്രസ് ക്ലബ്ബും കാസര്കോട് സാഹിത്യവേദിയും സംയുക്തമായാണ് അനുസ്മരണ ചടങ്ങ് സംഘടിപ്പിക്കുന്നത്. വരയുടെ മികവും മൂര്ച്ചയേറിയ ആശയങ്ങളുംകൊണ്ട് ഗോപീകൃഷ്ണന്റെ കാര്ട്ടൂണുകള് ഏറെ ശ്രദ്ധേയമാണെന്നും ഇവ വായനക്കാരെ ഒരുപോലെ ചിരിപ്പിക്കുകയും ചിന്തിപ്പിക്കുകയും ചെയ്യുന്നുണ്ടെന്നും ജൂറി അംഗങ്ങളും പ്രമുഖ കാര്ട്ടൂണിസ്റ്റുകളുമായ പി.വി കൃഷ്ണന്, കെ.എ ഗഫൂര് മാസ്റ്റര് എന്നിവര് അഭിപ്രായപ്പെട്ടു.
സമകാലീന വിഷയങ്ങളെ ആസ്പദമാക്കി മാതൃഭൂമിയില് ഗോപീകൃഷ്ണന് വരച്ചുവരുന്ന കാകദൃഷ്ടി എന്ന പോക്കറ്റ് കാര്ട്ടൂണും സണ്ഡേസ്ട്രോക്ക്സ് എന്ന പ്രതിവാര കാര്ട്ടൂണും വായനക്കാരെ ഏറെ ആകര്ഷിക്കുന്നുണ്ടെന്നും ജൂറി വിലയിരുത്തി. കെ.എം അഹ് മദിന്റെ പേരിലുള്ള പുരസ്കാരം അദ്ദേഹത്തിന്റെ കുടുംബത്തിന്റെ സഹായത്തോടെയാണ് നല്കിവരുന്നത്. 2001 മുതല് മാതൃഭൂമി പത്രത്തിന്റെ സ്റ്റാഫ് കാര്ട്ടൂണിസ്റ്റായി പ്രവര്ത്തിച്ചുവരുന്ന ഗോപീകൃഷ്ണന് കേരള സര്ക്കാറിന്റെ കാര്ട്ടൂണ് മാധ്യമ അവാര്ഡ്, തിരുവനന്തപുരം പ്രസ്ക്ലബ്ബിന്റെ കാര്ട്ടൂണിസ്റ്റ് ഓഫ് ദി ഇയര് അവാര്ഡ്, കേരള ലളിതകലാ അക്കാദമി അവാര്ഡ്, വജ്രസൂചി അവാര്ഡ്, ജെയ്ജി പീറ്റര് അവാര്ഡ് തുടങ്ങിയ പുരസ്കാരങ്ങള് നേടിയിട്ടുണ്ട്. കോഴിക്കോട് തിക്കോടി സ്വദേശിയായ ഇദ്ദേഹം ഇപ്പോള് കോഴിക്കോട് വേണ്ടേരിയിലാണ് താമസം. ഡോ. പ്രിയ കെ.ജിയാണ് ഭാര്യ. സ്വാതി ലക്ഷ്മി, ശ്രേയലക്ഷ്മി എന്നിവര് മക്കള്.
വാര്ത്താ സമ്മേളനത്തില് കാസര്കോട് പ്രസ്ക്ലബ്ബ് പ്രസിഡണ്ട് ടി എ ഷാഫി, സെക്രട്ടറി ഒ വി സുരേഷ്, മുജീബ് അഹ് മദ് എന്നിവര് സംബന്ധിച്ചു.
Keywords: Kasaragod, Kerala, news, K.M.Ahmed, Award, K M Ahmed memorial Media award for Cartoonist Gopi Krishnan
< !- START disable copy paste -->
Powered by Info News For You
Comments
Post a Comment