ആര്.എസ്.എസ് നേതാവിന്റെ പ്രായം പരിശോധിക്കല് പ്രകടനം: മുഖ്യമന്ത്രി മറുപടി നല്കണമെന്ന് പ്രതിപക്ഷ നേതാവ്
(www.evisionnews.co) ചിത്തിര ആട്ട വിശേഷത്തിന് ശബരിമല നട തുറന്നപ്പോള് സന്നിധാനത്ത് പൊലീസ് ആര്.എസ്.എസുകാരുടെ നിയന്ത്രണത്തിലായിരുന്നു എന്നതിന് കൂടുതല് തെളിവുകള് പുറത്തുവരികയാമെന്ന് പ്രതിപക്ഷനേതാവ് രമേശ് ചെന്നിത്തല.
ആര് എസ് എസ് നേതാവ് വത്സന് തില്ലങ്കേരി അന്ന് പൊലീസിന്റെ മെഗാഫോണിലൂടെ സംസാരിച്ചു എന്ന് മാത്രമല്ല പൊലീസുകാരുടെ രേഖകള് പരിശോധിക്കുകയും ചെയ്തിരുന്നു എന്നാണ് വ്യക്തമാകുന്നത്. സംസ്ഥാന സര്ക്കാരിന്റെ പൂര്ണ്ണപരാജയമാണ് ഇതിലൂടെ വ്യക്തമാകുന്നത്. സംസ്ഥാനത്തെ പൊലീസ് ആര്.എസ്.എസിന്റെ ചൊല്പ്പടിക്കും ദയാദാക്ഷണ്യത്തിനും വിധേയമായി നില്ക്കേണ്ടി വന്ന അവസ്ഥ ലജ്ജാകരമാണ്. സംസ്ഥാനത്തെ പൊലീസ് സംവിധാനത്തിന്റെ ആത്മാഭിമാനത്തെ ചോദ്യം ചെയ്യുന്ന നടപടിയുമാണിത്. ആഭ്യന്തര വകുപ്പ് കൈകാര്യം ചെയ്യുന്ന മുഖ്യമന്ത്രി ഇതിന് മറുപടി നല്കണം.
ശബരിമലയില് വന്സുരക്ഷ ഒരുക്കിയിരുന്നെന്ന് പറയുന്ന സര്ക്കാര് യഥാര്ത്ഥത്തില് ആര്.എസ്.എസിനും ബി.ജെ.പിക്കും മറ്റ് സംഘപരിവാര് ശക്തികള്ക്കും അഴിഞ്ഞാട്ടത്തിനുള്ള ഒത്താശ ചെയ്തു കൊടുക്കുകയാണ് ചെയ്തത്.
Powered by Info News For You
Comments
Post a Comment