അയ്യപ്പനെ കാണണമെന്ന് നിര്ബന്ധമുള്ള സ്ത്രീകളെ ശബരിമലയില് പ്രവേശിപ്പിക്കണം: സുഗതകുമാരി
തിരുവനന്തപുരം (www.evisionnews.co): അയ്യപ്പനെ കാണണമെന്ന് നിര്ബന്ധമുള്ള ഭക്തരായ സ്ത്രീകള്ക്ക് ശബരിമലയില് പ്രവേശനം നല്കാന് നാം തയാറാകണമെന്ന് കവി സുഗതകുമാരി പറഞ്ഞു. സ്ത്രീകളെ കണ്ടാല് ശബരിമല അയ്യപ്പന്റെ ബ്രഹ്മചര്യം നഷ്ടപ്പെടുമെന്നും അയ്യപ്പന് ആത്മ നിയന്ത്രണം ഇല്ലാതാകും എന്നുമൊക്കെ പറയുന്നത് എത്ര വിഡ്ഢിത്തമായ കാര്യമാണ്. ശബരിമലയില് പോകുന്ന ഭക്തരാണ് ആത്മനിയന്ത്രണം പോകാതെ നോക്കേണ്ടതെന്നും സുഗതകുമാരി പറഞ്ഞു. ശാന്തി സമിതിയുടെ ആഭിമുഖ്യത്തില് തിരുവനന്തപുരത്ത് ചേര്ന്ന പ്രത്യേക യോഗത്തില് സംസാരിക്കുകയായിരുന്നു അവര്.
ശബരിമല ഒരു ചെറിയ വനഭൂമിയാണ്. നിയന്ത്രണം എല്ലാവര്ക്കും വേണം. അവിടെ യഥാര്ത്ഥ ഭക്തര്ക്ക് മാത്രമായി പോകാന് കഴിയണം. ശബരിമല ഇപ്പോള്ത്തന്നെ ഉള്ക്കൊള്ളാന് കഴിയുന്നതിനേക്കാള് ആളുകളെയാണ് വഹിക്കുന്നത്. ഈ അനിയന്ത്രിത പ്രവേശനത്തിനും നിയന്ത്രണം വെച്ചാലേ ശബരിമലയെ ഇന്നുള്ള നിലയ്ക്കെങ്കിലും സംരക്ഷിക്കാനാകൂ. ഓരോ സീസണ് കഴിയുന്തോറും പമ്പ കൂടുതല് കൂടുതല് മലിനമാകുകയാണ്. ഇതിന്റെ തിരിച്ചടി പ്രളയകാലത്ത് ഉണ്ടായി. ശബരിമലയെ യുദ്ധക്കളമാക്കരുതെന്നും സുഗതകുമാരി പറഞ്ഞു.
Powered by Info News For You
Comments
Post a Comment