ഡി.വൈ.എഫ്.ഐ വനിതാ നേതാവിന്റെ ലൈംഗിക പരാതി: ഗൂഢാലോചനയെന്ന് പി.കെ ശശി
കേരളം (www.evisionnews.co): ഡി.വൈ.എഫ്.ഐ വനിതാ നേതാവ് തനിക്കെതിരെ ഉന്നയിച്ച ലൈംഗിക പീഡന പരാതിയില് ഏത് അന്വേഷണവും നേരിടാന് തയ്യാറാണെന്ന് ഷൊര്ണ്ണൂര് എംഎല്എ പി.കെ.ശശി പറഞ്ഞു. പരാതിയെക്കുറിച്ച് ഞാന് അറിഞ്ഞത് മാധ്യമങ്ങളിലൂടെയാണ്. ഇപ്പോള് നടക്കുന്നത് തന്നെ തകര്ക്കാനുള്ള രാഷ്ട്രീയ ഗൂഢാലോചനയാണിതെന്നും ശശി പ്രതികരിച്ചു ഇനി അന്വേഷണം വന്നാല് തന്നെ ഉത്തമ കമ്മ്യൂണിസ്റ്റുകാരന് എന്ന ബോധ്യത്തോടെ അതിനെ നേരിടുമെന്നും അദ്ദേഹം പാലക്കാട് മാധ്യമങ്ങളോട് പറഞ്ഞു.
എന്റെ വ്യക്തിത്വത്തെ ചോദ്യം ചെയ്യാന് നാളിതുവരെ ആര്ക്കും സാധിച്ചിട്ടില്ല. എന്നെ രാഷ്ട്രീയമായി തകര്ക്കാന് നിരവധി ആളുകള് ആഗ്രഹിക്കുന്നുണ്ട്. അവര് അതിനീചമായ ചില നീക്കങ്ങള് നടത്തിയിട്ടുണ്ടാകാം. രാഷ്ട്രീയ ജീവിതത്തിനിടയില് നിരവധി തവണ പരീക്ഷണങ്ങള് നേരിട്ടുണ്ട്. ഇതാദ്യമായിട്ടല്ല. പാര്ട്ടി എന്നോട് ഒന്നും പറഞ്ഞിട്ടില്ലന്ന് ശശി പറഞ്ഞു. ഡി.വൈ.എഫ്.ഐ വനിതാ നേതാവ് ലൈംഗിക പീഡന പരാതിയില് പാര്ട്ടി അന്വേഷണം പ്രഖ്യാപിച്ചിട്ടുണ്ട്. ശശിക്കു കാരണംകാണിക്കല് നോട്ടീസ് നല്കാന് സിപിഎം സംസ്ഥാന സെക്രട്ടറിയോട് കേന്ദ്ര നേതൃത്വം നിര്ദ്ദേശിച്ചിട്ടുണ്ട്. അതേസമയം, ഇക്കാര്യം ചര്ച്ച ചെയ്യാന് പാലക്കാട് ജില്ലാ സെക്രട്ടേറിയറ്റ് യോഗം ഇന്നു രാവിലെ 10.30നും ജില്ലാ കമ്മറ്റി 11.30നും ചേരുന്നുണ്ട്.
Powered by Info News For You
Comments
Post a Comment