വിവാഹേതര ബന്ധം ക്രിമിനല് കുറ്റമല്ല; സ്ത്രീക്കും പുരുഷനും തുല്യ അധികാരം, 497-ാം വകുപ്പ് സുപ്രീം കോടതി റദ്ദാക്കി
ന്യൂഡല്ഹി: (www.kvartha.com 27.09.2018) വിവാഹേതര ലൈംഗിക ബന്ധം ക്രിമിനല് കുറ്റമാക്കുന്ന ഇന്ത്യന് ശിക്ഷാനിയമത്തിലെ ഐ.പി.സി 497-ാം വകുപ്പ് സുപ്രീംകോടതി ചരിത്ര വിധിയിലൂടെ റദ്ദാക്കി. വിവാഹേതര ബന്ധം വിവാഹമോചനത്തിനൊരു കാരണമാണ്. എന്നാല് അതൊരു ക്രിമിനല് കുറ്റമായി കാണാനാകില്ലെന്നും ചീഫ് ജസ്റ്റിസ് ദീപക് മിശ്ര, ജസ്റ്റിസുമാരായ എ.എം.ഖാന്വില്ക്കര്, ആര്.എഫ്.നരിമാന്, ഡി.വൈ.ചന്ദ്രചൂഡ്, ഇന്ദു മല്ഹോത്ര എന്നിവരടങ്ങിയ ഡിവിഷന് ബെഞ്ച് ഏകകണ്ഠമായി വ്യക്തമാക്കി.
വിവാഹേതര ബന്ധത്തിന്റെ പേരില് പങ്കാളി ആത്മഹത്യ ചെയ്താല് തെളിവുകളുണ്ടെങ്കില് ആത്മഹത്യാ പ്രേരണയ്ക്ക് കേസെടുക്കാവുന്നതാണെന്നും ചീഫ് ജസ്റ്റിസ് ദീപക് മിശ്രയും ജസ്റ്റിസ് ഖാന്വില്ക്കറും പറഞ്ഞു.
സ്ത്രീയുടെ അധികാരി ഭര്ത്താവല്ല. സ്ത്രീക്കും പുരുഷനും തുല്യ അധികാരമാണ്. വിവേചനം ഭരണഘടനാവിരുദ്ധമാണ്. വിവാഹേതരബന്ധത്തില് പുരുഷനെ മാത്രം കുറ്റക്കാരനാക്കുന്ന ഐപിസി സെക്ഷന് 497 സ്ത്രീകളുടെ അഭിമാനത്തിന് കളങ്കമേല്പ്പിക്കുന്നു. തുല്യതയ്ക്കുള്ള അവകാശം ലംഘിക്കുന്നു. സമൂഹം പറയുന്നതുപോലെ പ്രവര്ത്തിക്കാന് സ്ത്രീ ബാധ്യസ്ഥയല്ലെന്നും ഇരുവരും വ്യക്തമാക്കി. സെക്ഷന് 497 ഭരണഘടനാ വിരുദ്ധമാണെന്നും നീക്കം ചെയ്യേണ്ടതാണെന്നും ജസ്റ്റിസ് ആര്.എഫ്. നരിമാനും വിലയിരുത്തി.
വിവാഹേതര ബന്ധത്തില് ഏര്പ്പെടുന്ന സ്ത്രീയെയും കുറ്റക്കാരിയാക്കണമെന്ന പൊതുതാല്പര്യ ഹര്ജിയില് വിധി പറയുകയാണു സുപ്രീംകോടതി. നിലവില് ഇന്ത്യന് ശിക്ഷാനിയമത്തിലെ 497-ാം വകുപ്പ് വിവാഹേതര ബന്ധത്തിലേര്പ്പെടുന്ന പുരുഷന്മാര്ക്കെതിരെ മാത്രമാണ്.
സ്ത്രീകളെ ഇരകളായി കാണുന്ന വകുപ്പ് ലിംഗ അസമത്വത്തിനു തെളിവാണ്. സ്ത്രീകളെയും നിയമത്തിനു കീഴില് കൊണ്ടുവരണമെന്ന് ആവശ്യപ്പെട്ടു പൊതുപ്രവര്ത്തകനും മലയാളിയുമായ ജോസഫ് ഷൈനാണു കോടതിയെ സമീപിച്ചത്. ഉഭയസമ്മതത്തോടെ ഒരാള് മറ്റൊരാളുടെ ഭാര്യയുമായി ലൈംഗിക ബന്ധത്തില് ഏര്പ്പെട്ടാല് അയാള് എന്തിന് ജയിലില് പോകണം എന്നായിരുന്നു ഹര്ജിക്കാരന്റെ വാദം. കേസ് പരിഗണിച്ചപ്പോള് ഈ വകുപ്പ് റദ്ദാക്കരുതെന്നാണ് കേന്ദ്ര സര്ക്കാര് ആവശ്യപ്പെട്ടത്. റദ്ദാക്കിയാല് വിവാഹം എന്ന സമ്പ്രദായം തന്നെ തകരുമെന്നും കേന്ദ്ര സര്ക്കാര് വാദിച്ചിരുന്നു.
വിവാഹവുമായി ബന്ധപ്പെട്ട വിഷയം ക്രിമിനല് കുറ്റമായി നിലനിര്ത്തുന്നതിനെ കോടതി വാദത്തിനിടെ ചോദ്യം ചെയ്തു. രണ്ടു വ്യക്തികള് തമ്മിലുളള ബന്ധം എങ്ങനെയാണു സമൂഹത്തിനെതിരെയുളള കുറ്റകൃത്യമാകുന്നതെന്നും ആരാഞ്ഞു. വിവാഹേതര ബന്ധങ്ങള് പൊതുകുറ്റകൃത്യമാണെന്നാണു കേന്ദ്രസര്ക്കാര് നിലപാട്.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Adultery Not A Crime, Law Is Unconstitutional, Rules Supreme Court, New Delhi, News, Politics, Trending, Marriage, Women, Supreme Court of India, National.
വിവാഹേതര ബന്ധത്തിന്റെ പേരില് പങ്കാളി ആത്മഹത്യ ചെയ്താല് തെളിവുകളുണ്ടെങ്കില് ആത്മഹത്യാ പ്രേരണയ്ക്ക് കേസെടുക്കാവുന്നതാണെന്നും ചീഫ് ജസ്റ്റിസ് ദീപക് മിശ്രയും ജസ്റ്റിസ് ഖാന്വില്ക്കറും പറഞ്ഞു.
സ്ത്രീയുടെ അധികാരി ഭര്ത്താവല്ല. സ്ത്രീക്കും പുരുഷനും തുല്യ അധികാരമാണ്. വിവേചനം ഭരണഘടനാവിരുദ്ധമാണ്. വിവാഹേതരബന്ധത്തില് പുരുഷനെ മാത്രം കുറ്റക്കാരനാക്കുന്ന ഐപിസി സെക്ഷന് 497 സ്ത്രീകളുടെ അഭിമാനത്തിന് കളങ്കമേല്പ്പിക്കുന്നു. തുല്യതയ്ക്കുള്ള അവകാശം ലംഘിക്കുന്നു. സമൂഹം പറയുന്നതുപോലെ പ്രവര്ത്തിക്കാന് സ്ത്രീ ബാധ്യസ്ഥയല്ലെന്നും ഇരുവരും വ്യക്തമാക്കി. സെക്ഷന് 497 ഭരണഘടനാ വിരുദ്ധമാണെന്നും നീക്കം ചെയ്യേണ്ടതാണെന്നും ജസ്റ്റിസ് ആര്.എഫ്. നരിമാനും വിലയിരുത്തി.
വിവാഹേതര ബന്ധത്തില് ഏര്പ്പെടുന്ന സ്ത്രീയെയും കുറ്റക്കാരിയാക്കണമെന്ന പൊതുതാല്പര്യ ഹര്ജിയില് വിധി പറയുകയാണു സുപ്രീംകോടതി. നിലവില് ഇന്ത്യന് ശിക്ഷാനിയമത്തിലെ 497-ാം വകുപ്പ് വിവാഹേതര ബന്ധത്തിലേര്പ്പെടുന്ന പുരുഷന്മാര്ക്കെതിരെ മാത്രമാണ്.
സ്ത്രീകളെ ഇരകളായി കാണുന്ന വകുപ്പ് ലിംഗ അസമത്വത്തിനു തെളിവാണ്. സ്ത്രീകളെയും നിയമത്തിനു കീഴില് കൊണ്ടുവരണമെന്ന് ആവശ്യപ്പെട്ടു പൊതുപ്രവര്ത്തകനും മലയാളിയുമായ ജോസഫ് ഷൈനാണു കോടതിയെ സമീപിച്ചത്. ഉഭയസമ്മതത്തോടെ ഒരാള് മറ്റൊരാളുടെ ഭാര്യയുമായി ലൈംഗിക ബന്ധത്തില് ഏര്പ്പെട്ടാല് അയാള് എന്തിന് ജയിലില് പോകണം എന്നായിരുന്നു ഹര്ജിക്കാരന്റെ വാദം. കേസ് പരിഗണിച്ചപ്പോള് ഈ വകുപ്പ് റദ്ദാക്കരുതെന്നാണ് കേന്ദ്ര സര്ക്കാര് ആവശ്യപ്പെട്ടത്. റദ്ദാക്കിയാല് വിവാഹം എന്ന സമ്പ്രദായം തന്നെ തകരുമെന്നും കേന്ദ്ര സര്ക്കാര് വാദിച്ചിരുന്നു.
വിവാഹവുമായി ബന്ധപ്പെട്ട വിഷയം ക്രിമിനല് കുറ്റമായി നിലനിര്ത്തുന്നതിനെ കോടതി വാദത്തിനിടെ ചോദ്യം ചെയ്തു. രണ്ടു വ്യക്തികള് തമ്മിലുളള ബന്ധം എങ്ങനെയാണു സമൂഹത്തിനെതിരെയുളള കുറ്റകൃത്യമാകുന്നതെന്നും ആരാഞ്ഞു. വിവാഹേതര ബന്ധങ്ങള് പൊതുകുറ്റകൃത്യമാണെന്നാണു കേന്ദ്രസര്ക്കാര് നിലപാട്.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Adultery Not A Crime, Law Is Unconstitutional, Rules Supreme Court, New Delhi, News, Politics, Trending, Marriage, Women, Supreme Court of India, National.
Powered by Info News For You
Comments
Post a Comment