ബേഡഡുക്ക പഞ്ചായത്ത് സ്റ്റാന്റിംഗ് കമ്മിറ്റി ചെയര്മാന് പായം സുകുമാരന് തൂങ്ങി മരിച്ച നിലയില്
കാസര്കോട് (www.evisionnews.co): കല്യാണ ചടങ്ങില് പങ്കെടുക്കാനെന്ന് പറഞ്ഞ് വീട്ടില് നിന്നിറങ്ങിയ പഞ്ചായത്ത് സ്റ്റാന്റിംഗ് കമ്മിറ്റി ചെയര്മാനെ തൂങ്ങിമരിച്ച നിലയില് കണ്ടെത്തി. ബേഡഡുക്ക പഞ്ചായത്ത് ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാനും ബീംബുങ്കാല് സിപിഎം ലോക്കല് സെക്രട്ടറിയുമായ പായം ഹൗസില് ഗോപാലന് നായരുടെ മകന് സുകുമാരനെ (48)യാണ് വീടിനു സമീപം പറമ്പില് തൂങ്ങിമരിച്ച നിലയില് കണ്ടെത്തിയത്. ചൊവ്വാഴ്ച രാവിലെ ഒമ്പതു മണിയോടെ ഒരു വിവാഹത്തിന് പോകുന്നുവെന്ന് പറഞ്ഞാണ് വീട്ടില് നിന്നിറങ്ങിയത്.
രാത്രിയായിട്ടും കാണാത്തതിനെ തുടര്ന്ന് വീട്ടുകാര് ഫോണില് ബന്ധപ്പെട്ടപ്പോള് ഫോണ് എടുത്തിരുന്നില്ല. ഇതേ തുടര്ന്ന് ബന്ധുക്കളും നാട്ടുകാരും അന്വേഷണം നടത്തുന്നതിനിടെ ബുധനാഴ്ച രാവിലെ ആറു മണിയോടെയാണ് വീടിനു സമീപത്തെ പറമ്പിലെ കശുമാവിന് കൊമ്പില് തൂങ്ങിമരിച്ച നിലയില് കണ്ടെത്തിയത്. ബേഡകം എസ് ഐ കെ ദാമോദരന് ഇന്ക്വസ്റ്റ് നടത്തിയ മൃതദേഹം പോസ്റ്റുമോര്ട്ടത്തിനായി കാസര്കോട് ജനറല് ആശുപത്രി മോര്ച്ചറിയിലേക്ക് മാറ്റി. മാതാവ്: അമ്മാളു. ഭാര്യ: ഗിരിജ. മക്കള്: അഭിമന്യു, തേജസ്. സഹോദരങ്ങള്: ഭാസ്കരന്, പരേതയായ ഓമന.
Powered by Info News For You
Comments
Post a Comment