കേരളത്തിന്റെ പുനര്നിര്മാണം: വിദേശത്തു നിന്നും വിഭവ സമാഹരണം നടത്തുമെന്ന് മുഖ്യമന്ത്രി
(www.evisionnews.co) പ്രളക്കെടുതിയില് തകര്ന്ന കേരളത്തിന്റെ പുനര്നിര്മ്മാണത്തിന് വിഭവസമാഹണം വലിയ തോതില് നടത്തേണ്ടതുണ്ടെന്നും അതിനാവശ്യമായ നടപടികള് സ്വീകരിച്ചതായും മുഖ്യമന്ത്രി പിണറായി വിജയന് വാര്ത്തസമ്മേളനത്തില് അറിയിച്ചു. രാജ്യത്തിനകത്തുനിന്നും പുറത്തുനിന്നും അത് സമാഹരിക്കേണ്ടതുണ്ട്. പുറംരാജ്യങ്ങളിലെ പ്രവാസി മലയാളികളില്നിന്ന് കൂടുതല് സമാഹരണത്തിനായി മന്ത്രി ഉദ്യോഗസ്ഥ തലത്തിലുള്ള സംഘം വിദേശരാജ്യങ്ങള് സന്ദര്ശിക്കും. ഒക്ടോബര് മാസത്തിലായിരിക്കും സന്ദര്ശനം.
ഇതിനുവേണ്ടി ഒരു മന്ത്രിയെയും ആവശ്യമായ ഉദ്യോഗസ്ഥരെയും നിയോഗിക്കും. യു.എ.ഇ., ഒമാന്, ബഹ്റിന് സൗദി അറേബ്യ, ഖത്തര്, കുവൈറ്റ്, സിംഗപ്പൂര്, മലേഷ്യ, ആസ്ത്രേലിയ, ന്യൂസിലന്റ്, യു.കെ, ജര്മ്മനി, യു.എസ്.എ, കാനഡ എന്നീ രാജ്യങ്ങള് സന്ദര്ശിച്ച് പ്രവാസികളില് നിന്ന് ധനസമാഹരണം നടത്താനാണ് തീരുമാനം.
ഇന്ത്യയിലെ പ്രധാന നഗരങ്ങളില് നിന്ന് പ്രവാസി സംഘടനകളുടെ സഹകരണത്തോടെ ധനശേഖരണം നടത്താനും തീരുമാനിച്ചു. ഇതിനും മന്ത്രിമാര്ക്കും ഉദ്യോഗസ്ഥര്ക്കും പ്രത്യേക ചുമതല നല്കുന്നതാണ്. എല്ലാ ജില്ലകളിലും പ്രാദേശിക കേന്ദ്രങ്ങള് നിശ്ചയിച്ച് മുഖ്യമന്ത്രിയുടെ ദുരിതാശ്വാസനിധിയിലേക്ക് ഫണ്ട് സമാഹരിക്കാനും ഏറ്റുവാങ്ങുന്നതിന് മന്ത്രിമാരെയും ഉന്നത ഉദ്യോഗസ്ഥരെയും ചുമതലപ്പെടുത്താനും തീരുമാനിച്ചിട്ടുണ്ട്.
Powered by Info News For You
Comments
Post a Comment