മഴ ശക്തമാകുന്നു; പമ്പ, ആനത്തോട് ഡാമുകള് തുറന്നു വിട്ടു, കടകള് വെള്ളത്തില് മുങ്ങി, ശബരിമല ഒറ്റപ്പെട്ടു, തീര്ത്ഥാടകരെ തടയുന്നു
പത്തനംതിട്ട: (www.kvartha.com 13.08.2018) ശബരിഗിരി പദ്ധതിയുടെ വൃഷ്ടിപ്രദേശത്ത് ശക്തമായ മഴ തുടരുന്നതിനാല് പമ്പ, ആനത്തോട് ഡാമുകള് വീണ്ടും തുറന്നു വിട്ടു. പമ്പാ ത്രിവേണി പൂര്ണമായും വെള്ളത്തില് മുങ്ങി. നിറപുത്തരിക്കായി ശബരിമല ക്ഷേത്രനട തിങ്കളാഴ്ച വൈകിട്ട് അഞ്ചുമണിക്ക് തുറക്കാനിരിക്കെയാണ് വീണ്ടും വെള്ളപ്പൊക്കം ഉണ്ടായിരിക്കുന്നത്. ഇത് ശബരിമല തീര്ഥാടകരെ ആശങ്കയിലാക്കിയിരിക്കയാണ്. ശക്തമായ മഴ തുടരുന്നതോടെ പമ്പയിലെ സ്ഥിതി അപകടകരമാണ്. കടകളും മറ്റും പൂര്ണമായും മുങ്ങി. തീര്ഥാടകരെ പത്തനംതിട്ടയിലും എരുമേലിയും തടയാന് ജില്ലാ ഭരണകൂടം നിര്ദേശം നല്കി.
നിറപുത്തരി, ചിങ്ങമാസപൂജ എന്നിവയ്ക്കായി നട തുറക്കുന്നതിനാല് അയ്യപ്പന്മാര് തിങ്കളാഴ്ച മുതല് വന്നു തുടങ്ങും. വനമേഖലയിലും ശബരിഗിരി അണക്കെട്ടുകളുടെ വൃഷ്ടിപ്രദേശത്തും നല്ല മഴയാണ്. ത്രിവേണി പാലം കടന്നു വേണം പമ്പാ ഗണപതികോവിലിലേക്കു പോകാന്. പാലം കടന്നു മണപ്പുറത്തെ റോഡിലേക്ക് ഇറങ്ങാന് കഴിയില്ല. ശബരിമല സന്നിധാനം ഒറ്റപ്പെട്ടു കിടക്കുകയാണ്. ഇരുപത്തഞ്ചോളം വൈദ്യുതി തൂണുകള് തകര്ന്നു. പമ്പയിലെ ശര്ക്കര ഗോഡൗണില് വെള്ളം കയറി. ഹോട്ടലുകള്ക്ക് വലിയ തോതില് നഷ്ടമുണ്ടായി. ഒരു ഹോട്ടലില്നിന്നുമാത്രം 18 ലക്ഷം രൂപയുടെ നഷ്ടം കണക്കാക്കിയിട്ടുണ്ട്.
ബാണാസുരസാഗര്, മലമ്പുഴ, പേപ്പാറ ഡാമുകളുടെ ഷട്ടറുകള് കൂടുതല് ഉയര്ത്താനും തീരുമാനിച്ചു. ബാണാസുരസാഗര് ഡാമിന്റെ നാല് ഷട്ടറുകള് 20 സെന്റീമീറ്റര് വീതമാണ് ഉയര്ത്തുക. നിലവില് 90 സെന്റിമീറ്റര് ഉയരത്തില് തുറന്നിട്ടുണ്ട്. കഴിഞ്ഞദിവസം രാത്രിയും തിങ്കളാഴ്ച രാവിലെയുമായി ശക്തമായ മഴപെയ്തതിനെത്തുടര്ന്നു മലമ്പുഴ ഡാമിന്റെ നാലു ഷട്ടറുകളും 30 സെന്റീമീറ്റര് ഉയര്ത്തി.
കല്പ്പാത്തിപ്പുഴയില് വെള്ളം ഉയരുന്നു. മൂന്നിടങ്ങളിലും നദീതീരങ്ങളിലുള്ളവര്ക്കും ജാഗ്രതാനിര്ദേശം നല്കി. ഇടുക്കി ഡാമിലെ ജലനിരപ്പ് സുരക്ഷിത പരിധിയിലെത്തിയെങ്കിലും ഇടമലയാര് ഡാമില്നിന്നു കൂടുതല് വെള്ളം പുറത്തേക്കൊഴുക്കാന് തുടങ്ങിയതോടെ പെരിയാറില് ജലനിരപ്പ് ഉയര്ന്നിട്ടുണ്ട്.
നിറപുത്തരി, ചിങ്ങമാസപൂജ എന്നിവയ്ക്കായി നട തുറക്കുന്നതിനാല് അയ്യപ്പന്മാര് തിങ്കളാഴ്ച മുതല് വന്നു തുടങ്ങും. വനമേഖലയിലും ശബരിഗിരി അണക്കെട്ടുകളുടെ വൃഷ്ടിപ്രദേശത്തും നല്ല മഴയാണ്. ത്രിവേണി പാലം കടന്നു വേണം പമ്പാ ഗണപതികോവിലിലേക്കു പോകാന്. പാലം കടന്നു മണപ്പുറത്തെ റോഡിലേക്ക് ഇറങ്ങാന് കഴിയില്ല. ശബരിമല സന്നിധാനം ഒറ്റപ്പെട്ടു കിടക്കുകയാണ്. ഇരുപത്തഞ്ചോളം വൈദ്യുതി തൂണുകള് തകര്ന്നു. പമ്പയിലെ ശര്ക്കര ഗോഡൗണില് വെള്ളം കയറി. ഹോട്ടലുകള്ക്ക് വലിയ തോതില് നഷ്ടമുണ്ടായി. ഒരു ഹോട്ടലില്നിന്നുമാത്രം 18 ലക്ഷം രൂപയുടെ നഷ്ടം കണക്കാക്കിയിട്ടുണ്ട്.
ബാണാസുരസാഗര്, മലമ്പുഴ, പേപ്പാറ ഡാമുകളുടെ ഷട്ടറുകള് കൂടുതല് ഉയര്ത്താനും തീരുമാനിച്ചു. ബാണാസുരസാഗര് ഡാമിന്റെ നാല് ഷട്ടറുകള് 20 സെന്റീമീറ്റര് വീതമാണ് ഉയര്ത്തുക. നിലവില് 90 സെന്റിമീറ്റര് ഉയരത്തില് തുറന്നിട്ടുണ്ട്. കഴിഞ്ഞദിവസം രാത്രിയും തിങ്കളാഴ്ച രാവിലെയുമായി ശക്തമായ മഴപെയ്തതിനെത്തുടര്ന്നു മലമ്പുഴ ഡാമിന്റെ നാലു ഷട്ടറുകളും 30 സെന്റീമീറ്റര് ഉയര്ത്തി.
കല്പ്പാത്തിപ്പുഴയില് വെള്ളം ഉയരുന്നു. മൂന്നിടങ്ങളിലും നദീതീരങ്ങളിലുള്ളവര്ക്കും ജാഗ്രതാനിര്ദേശം നല്കി. ഇടുക്കി ഡാമിലെ ജലനിരപ്പ് സുരക്ഷിത പരിധിയിലെത്തിയെങ്കിലും ഇടമലയാര് ഡാമില്നിന്നു കൂടുതല് വെള്ളം പുറത്തേക്കൊഴുക്കാന് തുടങ്ങിയതോടെ പെരിയാറില് ജലനിരപ്പ് ഉയര്ന്നിട്ടുണ്ട്.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Fresh rain alert issued in Kerala,Pathanamthitta, News, Religion, Sabarimala Temple, Shabarimala Pilgrims, Hotel, Malampuzha, Kerala.
Keywords: Fresh rain alert issued in Kerala,Pathanamthitta, News, Religion, Sabarimala Temple, Shabarimala Pilgrims, Hotel, Malampuzha, Kerala.
Powered by Info News For You
Comments
Post a Comment